Yisaya 1 - Bibilia Buk na Ŋun nagon koti luŋu a

Jur lo ŋutu katoronyak

¹ Kine a ŋo na met Yisaya ŋuro lo Amosa, i kulya ti Yuda ko ti Yerusalema, i perok ti Ujiya, ko Yotama, ko Akaja se ko Kijikia, moran ti Yuda.

² Ta ’dikolo, yiŋge ta, ko do kak, ŋaji swo; kogwon nan MATAT aje jambu adi, Nan a wowoja ko a to ’duŋo ŋwajik, ama a se aje renya nan.

³ Dwot a den monye lonyit, a kaine deŋdi pirit tunyeit nanyit ko monye; ama a Yisaraele ŋutu kwe tine den nenego, a koti tine yeyeju kulya.

⁴ Woidio, jur katoronyanit, ŋutu logon a sopa ko toronjin, nyakwariat ti ŋutu jo koŋdya arabat, ŋwajik kato ’burok! Ta a paju MATAT, a ta lauŋdye Ŋilo Loke lo Yisaraele, a ta lopukokiŋdye lepeŋ ki ’dirino.

⁵ Ko ta yeŋon gwon a karerenyak, a ta de ’bitoni i nan pirit? Kwe liŋ mimien, a toili liŋ aje doddya.

⁶ Suluja i ’dapanit na moköt tojo ko juruku ’diet, nene kelan ’bayin ko lepeŋ, tuŋ gwon a mimiyika, ko weweli se ko ’dikasin na wowon; se a ko ’yoroto, kode dodoko, kode tomunya ko welet.

⁷ Jur losu a murwö, köjino kasu a ’yura ko kimaŋ. Kak nasu Lwaka lo nyesu kasu i komor; a nu gwe a murwo, gwoso i diŋit na sopukori Sodoma koju nu.

⁸ A Siona iŋge koloki gwoso mor ŋgo i lukobi jia binyo, gwoso taka i melesen na ko ’diet, gwoso köji na tuma ko merok.

⁹ Ko ködyö MATAT lo kurumi a ko kolokin yi a pitönö ku ’dik, a yi ködyö gwe gwoso Sodoma, a yi worani gwoso Gomora.

Ŋutu a luŋu i löpuggö na töilyet ko to ’diri

¹⁰ Ta kasarak ti Sodoma, yiŋge ta kulyaet lo MATAT! Ta ŋutu ti Gomora, gakiŋdye ta swo kasu i todinesi ti ŋun likaŋ!

¹¹ Nan MATAT lo kulya sona adi, Tojore na rubaggajin kasu a nyo koyo? Nan a yimono ko rubaggajin lo ’yu ’yura ’buluŋ ti lopijoki, ko welet na toro ’bo logon tunyei ’bura; a nan tine lyoŋon ko rima ti dwönin, ko ti yisi, ko ti melon.

¹² Na poŋdi ta koyo i komor na, ga lo luŋgu ta i ryogga na ’baŋin tikadi nio?

¹³ An ta ko nyuŋ joŋdya ta ’dokesi nagon ’bak ’bulit koti; nan maman mon na ŋo lo pepelo. Nan ti ’bon asut roriot lo kon ta i wilun na yapala, ko i sabatajiri, ko i momoresi kasu, ko i diŋitan kwasesi na wulwe, ko i perok temejik.

¹⁴ Toili liŋ maman yapala kasu luduko se ko roriot lo saraki kilo; se gwe pomoni koyo; nan a dara ko ’doko, nase.

¹⁵ A ko ta a mamanyuŋdya ko konisi kasu, a nan de muŋge konyen kwe ko ta; ma ’di ködyö ta a kwakwaddu kwakwasesi jore, Könisi kasu a jore ko rima;

¹⁶ kwöni ta, toke ’yi ta ’börik a loke. Wuse ta konesi kasu narok kago köyö i komor; kö ’yi ta toroŋdya;

¹⁷ jujumbi ta koŋdya ’bura; ga ’yi ta lilija rigwo, tiŋdi ta karudak i tu gwogwo; ’duŋgeta kulya tikikijikö ’bura, juŋdye ta karu ’bejin.

¹⁸ Nan MATAT lo kulya sona adi, Po ta, ti yi lilije ta kulya kaŋ. Ma ’di nagon toronjin kasu gwon a nator, a se de gwe a nakwe gwoso luru lo lilik; ma ’di se gwon a nator gwoso rima, a se de gwe a nakwe gwoso waratat.

¹⁹ Ko ta nyanyar twöju, a ta de nyesi rit lo kak;

²⁰ ama ko ta titiŋga ko rerenya, a ta de tutuŋoni ko baŋdujin; kogwon nan MATAT a jambu sona.

Yerusalema a ’dugoki putet ko a dakwe

²¹ Köji na yiyiniki na aje wora a kalupe ada, nye köju a jore ko ’duggö na ’but na putesi! ŋutu ti löti lo rigwo köju a gwolor kata, ama soŋinana gwe a katatuak.

²² Pödö kunök a ŋo ’ya ko kunie go, binyo kunök a ŋola ko pioŋ.

²³ Kasarak kulök a karenyak ko a julin ti kolak. Se liŋ geleŋ geleŋ nyanyar gwöröki a kepoddi ’dokesi. A se tine ’duggö kulya ti kikijikö ’bura, a putesi ti karu ’bejin tine ’dur kase yu.

²⁴ Nyenagon nan MATAT logon a MATAT lo kurumi, nan logon a Riŋit lo Yisaraele, nan kulya adi, Nan mo konakiŋdya merok kwe ŋo narok, a nan mo robbi mugun ko kaŋisak kwe.

²⁵ A nan mo wöriguŋdye könin liŋ konut, a nan mo namara lut kunök kaŋo, a nan mo ’dumaddi ŋo nagon a ŋolaki kata.

²⁶ A nan mo nyökuŋdye ka ’dugök kulök gwoso i diŋit na kokwe nu, ko ŋutu lokukwön kulök gwoso i suluet. A molu do mo luguni a köji na ŋutu ti löti lo rigwo, a köji na ŋutu lo yiyiniki.

²⁷ A Siona mo lwökwene kogwon ’duggö gwogwo, iŋkoi, a löti lo rigwo mo lwökuŋdye ŋutu kanyit lo löpuggö kilo.

²⁸ Ama a karenyak se ko katoronyak mo gwagwalakani gwagwalaka i pirit na geleŋ, a se logon paju MATAT kilo mo tutugöni tutuŋö asut.

²⁹ Kogwon kadea lo rurwan logon ta a lyoŋgi kilo mo tine garakin ta, a piriton kwakwasesi nagon ta a wulun i meleseno kine mo toyu ’ye ta.

³⁰ A ta mo gwe gwoso kaden logon a ri logon koropo kase a ragan, gwoso meleseno nagon ’bak pioŋ.

³¹ A ŋuto lo riŋit mo gwe gwoso waratat, a kita nanyit mo gwe gwoso tyeret na kimaŋ, a se murek liŋ mo tonoke ko ’borik i pirit na geleŋ, a lele ŋuto gwe ’bayin logon peŋga