Tolupesi 31 - Bibilia Buk na Ŋun nagon koti luŋu a

Mor a sara

¹ Kulo a kulyaesi ti Lemuele mor lo Masa logon gote a todinikin lepeŋ.

² Adi, Nyo ŋuro lio? Kulya a ti nyo, ŋuro lo yuŋ nan? Nyo ŋuro lo kwakwasesi kwe?

³ Ko tindu riŋit inot i ŋutu wate, an do ko tindu gwiliŋit ilot i ŋutu na tukaŋu moran.

⁴ Pon Lemuele, ’bayin a na ’but kwöŋ ko moran i möju na binyo, ’bayin a na ’but ko kasarak i ’dekan na yawa na pötwör;

⁵ kogwon ko se a möju a se mo böŋöni saresi, a mo tukwölöŋgi putesi ti ŋutu liŋ lo sasanya kilo.

⁶ Tiki ŋuto logon gwe nyona ko twan yawa na pötwör, ko tiki se logon ko töilyet lo pötwör binyo;

⁷ ti se möji a böŋöni tolomerian nase a gwe ti yeyeju delya nase köti.

⁸ ŋaji kutuk inot ko jambi kulya ti ŋutu logon ’bak kutuk, tetendi putesi ti ŋutu liŋ logon a kölöki kana.

⁹ ŋaji kutuk inot ko ’duŋge gwogwo, lilije ’bura putesi ti ŋutu lomerika se ko ŋutu lo gwon ko yöŋö.

Nakwan na ’but bubula

¹⁰ Ŋa logon bubulö ryeju nakwan nagon kikita go liŋ ’bura? ’Bulit nanyit totoŋun ŋurupö nator na gwörö go.

¹¹ Lalet yiyinikin lepeŋ ko töili lonyit liŋ, a tine yöŋö nene ’bulit.

¹² I perok liŋ ti gwiliŋit lonyit lepeŋ konakin lalet ’bura, ’bayin a naron.

¹³ Lepeŋ ga ’yu kupir ti köbilu se ko waratat na luŋu a pisite, lepeŋ kikita parik gwoso nagon könisi kanyit ’de ’dekan.

¹⁴ Lepeŋ gwoso ki ’bojin ti katuja-rak, lepeŋ dööddu kinyojin kanyit pajo.

¹⁵ Lepeŋ ŋien a kak nyuŋ a tukwaje, a tindi mede nanyit kinyo, a korakindye kölipönök kanyit nawate kitajin.

¹⁶ Lepeŋ a woŋu melesen a gwö-rundye nye; a lepeŋ ’yuddi luköbi na binyo ko ’bulit na kita na könisi kanyit.

¹⁷ Lepeŋ a doggu mukök nanyit ko riŋit, a togo ’yi könisi kanyit.

¹⁸ Lepeŋ a denun kaŋo adi kita nanyit jojondya ’bulit, a lombo lonyit tine peŋa kwaje.

¹⁹ Lepeŋ ’debba ködini lo waratat ko könin lonyit, a morgi mutura ko morin kanyit.

²⁰ Könin lonyit gwon ŋa i ŋutu lomerika, ko a ka ’dokanit na ŋutu lo gwon ko yoŋo kilo.

²¹ Lepeŋ ti kujono mede nanyit i diŋit na katirut lo lilik parik, kogwon se liŋ jupu boŋgwat na ’di ’dilu.

²² Lepeŋ gwekindya mugun mukesi, a boŋgwat kanyit na jujupu gwe a waratat naparere ko a na ’bule.

²³ Lalet lonyit a dena parik i ri i kotumit na köji ko lepeŋ si ’da i kiden na temejik ti jur, ko lepeŋ si ’da i kiden na temejik ti jur.

²⁴ Lepeŋ gweja boŋgwat ti waratat naparere a tugwoŋi se, a tugworokindye katugworok boŋgwat nagon dokorikin mukoko.

²⁵ Riŋit ko twoyo nanyit a boŋgwat kanyit na jujupu, lepeŋ kwekweni ’e kulya ti diŋit na popo.

²⁶ Lepeŋ ŋaju kutuk nanyit a jambi koŋon, a saresi ti nyaŋu gwe kanyit i ŋedep.

²⁷ Lepeŋ memet konesi ti ŋutu ti mede nanyit ’bura, lepeŋ ’bayin a yoke.

²⁸ ŋwajik kanyit ŋi ki a luŋgi lepeŋ a ka ’buse; a lalet lonyit koti ŋine ki a pupurje lepeŋ adi,

²⁹ Wate jore kikita ŋo liŋ ’bura, ama do a Iwoŋ lepeŋat liŋ.

³⁰ Kelan a mumuluket, a kwelen gwe a ŋo kana, ama narakwan na kukujono MATAT na nye na pura.

³¹ Tiki lepeŋ ’bulit na kita na konisi kanyit, ko ti lepeŋ purani i pirit momoret i kotumit na köji kogwon kitajin kanyit.