Tolupesi 24 - Bibilia Buk na Ŋun nagon koti luŋu a

¹ An do ko be ’ya ŋutu katoronyak, kode ’dekan gwon a ju lose;

² kogwon töilyet kase yeyeju mörö, a ŋedepa kase jambi kulya narok.

³ Kogon ’duggö kadi, a Kurundyö na kulya togwo ’yi lepeŋ go,

⁴ a dendya na ’but töjoreji kadijik na ’di ’dik ti ŋinu kadi ko tukwörienjin liŋ na gwörwe go.

⁵ Ŋuto lokoŋ a wa duma, a nye logon deden kulya ’ya ’yi riŋit nanyit;

⁶ kogwon gor mörörikin ko yeyeesi nakoŋ, a telet gwe kata ko kajujuwak jore.

⁷ Kogon gwon ki pajo, ŋuto lu ’böŋ ti ’dur nyin; a lepeŋ tine ŋaju kutuk i pirit na putet.

⁸ Ŋuto lo yeyeju kondya toron luŋu a kakonanit lo kulya narok.

⁹ Yeyeju na tu ’bogön gwon a toron, a ŋutu mane man ka ’dö ’döyönit.

¹⁰ Ko do a doddya i diŋit nagusu, riŋit inot a na ’dit.

¹¹ Lwökundye ŋutu lo joŋa i tatua, ko gaundye se logon nyogaji kago i ’duŋö.

¹² Ko do kulya adi do ti den kine kulya, Ŋun logon a katemanit lo töilyet nye ’bayin a kametanit le? Nye logon meddya ködudwö inot, nye ti den le, a mo ropakindye ŋuto gwoso i kita nanyit?

¹³ Ŋuro lio, me ’yi siwatat, kogwon a na ’but, nyesi kele lo siwatat, kogwon nye paleleŋ konut i ’dako.

¹⁴ Dene den adi kogon gwoso ŋina siwatat konut i ködudwö, ko do a ryö lepeŋ na, a kulya ti molu mo gwe kata, a yenet inot mo tine ’duŋöji kago.

¹⁵ An do ko gwon gwoso ŋuto loron i domba anyen köŋu kadi na ŋuto lo rigwo; ko ryaggu mede nanyit;

¹⁶ ma ’di ködyö ŋuto lo rigwo a ŋubaki kak daŋin buryo, lepeŋ ŋiŋien köti; ama a ŋutu lorok köpuköni ko kulya narok.

¹⁷ An do ko lyöŋön ko miriku ilot a ’doro, ko ti töili ilot gwe ti nyola na köpuköri nye nu;

¹⁸ an MATAT ko met, a wore woran ko do, a kö ’yi woran ko lu ŋuto.

¹⁹ An do ko yulon kogwon ŋutu lo kondya arabat, an do ko be ’ya ŋutu katoronyak;

²⁰ kogwon yenet na ŋerot ’bayin i ŋuto loron; a lombo lo katoronyanit mo tatuani tatua.

²¹ Ŋuro lio, kuŋge MATAT se ko mor, an do ko mora ko ŋutu temejik ti jur;

²² kogwon se mo jondya kulya narok a lwön, a ŋa lo dendi karan nagon mo po ko lepeŋat yu?

²³ Kulo köti a kulyaesi ti ŋutu lokoŋ. Adi, ’Bayin a na ’but i nyaŋu na swöt geleŋ i diŋit ’duŋet na putet.

²⁴ Ka ’duŋönit lo putet logon kulya ko katoronyanit adi, Do ’bak kulya, ŋilo ŋuto molu momoro ko gweyajin ti ŋutu, a manani mana ko jurön;

²⁵ ama lyöŋön mo gwon i ŋutu logon rigga ŋutu lorok, a ’boriet nagon jondya kulya na ’but mo gwe kase loki.

²⁶ Ŋuto lo ruggö ruket na ’but gwon gwoso ŋuto lo ’biyundya ŋebi.

²⁷ A kokwe tetendi kita inot na kago, tetendi go kunök liŋ ajo i melesen; a i mukök na ŋina kirut ’duggi kadi inot.

²⁸ An do ko gwon a katokoronit loron lo kulya ti marate ilot logon ’bak kulya, ko an do ko jambu kulya mumulu-kesi.

²⁹ An do ko kulya adi, Nan mo kökonakin lepeŋ go nagon nye a konakin nan na; nan mo roropakin lepeŋ kogwon go na kon nye na.

³⁰ Nan a lwöpöddu i melesen na ŋuto yoke, nyona ko melesen na binyo na ŋilu ŋuto logon ’bak denesi;

³¹ mete, ŋinu melesen liŋ a ’diya ko kikwa; lo ’yu ’yuri aje mulu kak, a mariŋ nanyit na tetena ko ŋurupö na ’done kak.

³² A kirut nan gwe i diŋa a iŋge yeye lepeŋ; nan a meddya a iŋge wuju todinet.

³³ Doto a na ’dit, ko lur a na ’dit, ko kalabbu na könisi a na ’dit anyen yuyukan,

³⁴ nyena a tolomerian mo ’duki konut loki gwoso karyakanit, a yöŋö inot na go mo morgi do gwoso ŋuto logon a jupu tito möriesi.