Ruta 4 - Bibilia Buk na Ŋun nagon koti luŋu a

¹ A kirut Boaja iti i ri i kötumit na köji a si ’dakine nyu; mete, a karutyo logon lepeŋ a kulyari lo lo ’duröki. A Boaja kulyani adi, Poŋdi ni pon löju, ko si ’dakine kak ni, a nye löpuköni löpukö a swöt a si ’dakine kak.

² a nye wuluŋdye ŋutu puök i temejik ti köji adi, Si ’dakine ta kak ni, a lepeŋat si ’dakine kak.

³ A nye kulyani ko karutyo lo adi, Naomi nagon a yitwe bot i jur lo Moaba na ’deke tugwöŋu melesen na Elimelek luŋaser likaŋ.

⁴ Nyena nan a yeyeju i jamakiŋdya na do adi, Gwöruŋdye lepeŋ i komor na kulo ŋutu temejik kaŋ logon sopinana si ’da ni kulo. Ko do ’dek gwöruŋdyö lepeŋ a ti do gwöruŋdye, ama ko do ti jukin, a do taki nan anyen nan deden, kogwon lele ŋuto ’bayin logon gwögwöruŋdyö ŋina melesen ake do se ko nan logon a karu. A karutyo lo waddi adi, Nan de gwögwörun lepeŋ.

⁵ A Boaja kulyani adi, I ŋilu lor logon do gwöröri melesen ko Naomi lu, a do köti gwöruŋdye Ruta Moabatyo nagon a karu ’be na, anyen pipi ’yu karin ti lo twan i rutet nanyit anyen gwon ti böŋörikin.

⁶ A karutyo lo kulyani adi, Nan ti bulo gwöruŋdyö se, kogwon nan kukujonö koŋu rutet nio. Ti do gwöruŋdye po nagon ködyö a kwe kune, kogwon nan ti bulö gworo se.

⁷ Nyena keri lo gwöruŋdyö kode lo togwöja köju ’beron i Yisaraele gwon sona i kwekiŋdya adi. kulya liŋ aje rukö, kweja adi lele lose kodyö rusuŋdye kamuket kaŋo a nye tiŋdi marate lonyit; kweyet na kine kulya gwon sona i Yisaraele.

⁸ Nyena a karutyo lo ko jambi ko Boaja adi, Gwörökiŋdye mugun se, a nye rusuŋdye kamuket lonyit kapo.

⁹ A Boaja kulyani ko ŋutu temejik se ko ŋutu liŋ adi, Ta kilo a katökorok ti kine kulya i lo lor adi nan aje gwöruŋdyö ŋo liŋ nagon a ti Eli-melek ko ŋo liŋ nagon a ti Kiliona ko ti Makelon ko Naomi i könin.

¹⁰ Nan koti aje gwörun Ruta Moabatyo karu ’be na Makelon a narakwan anyen pipi ’yu kotumit na lo twan i rutet nanyit, anyen karin ti lo twan gwon ti böŋörikin ko luŋasirik kanyit kiden ko i momoret na köji nase. Ta kilo a katökorok i lo lor.

¹¹ A ŋutu liŋ logon gwon i kotumit ko temejik kulo ruŋge adi, Yi liŋ a katökorok ti kine kulya. Ti MATAT tiŋdi na ŋuto nagon de Joŋa konut mede na i gwon gwoso Raele ko gwoso Lea nagon a pipiluŋdya kotumit na Yisaraele, se liŋ murek. Ko ti do puputuru ŋerot i Eparata, ko ti karin kunok ti Boaja kune kono Beteleme.

¹² Ko ti MATAT tiki do ŋwajik i ŋina nakwan anyen kotumit inot gwon gwoso na Perese logon Tamara a yu gwekin Yuda.

¹³ A kirut Boaja joŋgi Ruta a narakwan nanyit, a nye iti ko lepeŋ yu, a MATAT iŋga ’dogga lepeŋ a nye ta ’du-uŋdye ŋuro lulalet.

¹⁴ A ŋutu kune kulyani ko Naomi adi, Ti MATAT purani ŋura kogwon lepeŋ a ko kölökin do kana ama a tiŋdu do nyakwari i lo lor. Ti karin ti lo lupudi kuörö kuörö i Yisaraele.

¹⁵ Ko ti nye gwe a katoludu-könit lo gwiliŋit inot, ko a kawowoanit ilot ko do mo gwe a modoŋ, kogwon narakwan na ŋuro ilot nagon nyanyar do ko a na ’but ko do lwolwoŋ ŋwajik lulyan buryo, lepeŋ na yupuŋdyö nye.

¹⁶ A Naomi ’dumuŋdye lu ŋuro a ’debbi lepeŋ kanyit i könisi, a Naomi gwe a kawowoanit nanyit.

¹⁷ A ŋutu wate maratejin kanyit gwikiŋdye lepeŋ karin, a kulyani adi, Lupudi aje yuŋweki Naomi. A se gwije karin kanyit a Obede, nye lo ko gwe a monye lo Yisai logon a monye Dawidi.

¹⁸ Kilo a nyakwariat ti Perese; Perese a yupuŋdyö Keseron,

¹⁹ a Keseron yuŋuŋdye Rama, a Rama yuŋuŋdye Aminadaba,

²⁰ a Aminadaba yuŋuŋdye Nasona, a Nasona yuŋuŋdye Salamona,

²¹ a Salamona yuŋuŋdye Boaja, a Boaja yuŋuŋdye Obede,

²² a Obede yuŋuŋdye Yisai, a Yisai yuŋuŋdye Dawidi.