Pilipoi 4 - Bibilia Buk na Ŋun nagon koti luŋu a

Jujuwesi

¹ Luŋasirik kwe, nan nyanyar ta, nan gwon ko pusök ko ta. Ta tulyöŋgu nan, a ta gwe a Iŋguya liŋ telet. Nyenagon julin kwe lo nyanyara, gwo ’de ta go ko Matat i mugun kogwon kine kulya.

² Nan mo ’yu Ewodia, nan köti mo ’yu Suntuke parik i gwon ko töili geleŋ ko Matat i mugun.

³ Iŋkoi, pon ju liŋ lo to ’diri logon yi ŋaŋu kita i pirit na geleŋ lo, nan mo ’yu do köti paraki kine wate, kogwon se a kita i Loŋe Lo ’but ko nan i pirit na geleŋ, mora ko Kelement se ko kulye logon yi a kita ko se i pirit na geleŋ, logon karin kase a wuröki i buk na karin ti ŋutu lo gwon jörun kulo.

⁴ Lyöŋi ta lyöŋön ko Matat i mugun perok liŋ; nan köti nyöggu kulya adi. Lyöŋi ta lyöŋön.

⁵ Ti ŋutu liŋ deŋedeŋ adi tagwon kotöilyet lo lilik. Matat gwe nyona.

⁶ An ta ko wiwinya ta i nene ŋo, kölumbö pipije ta Ŋun i ŋo liŋ nagon ta ’de ’dekan i kwakwaddu nasu na lepeŋ, ko i momo ’yu nasu ko i tiŋdu nasu na lepeŋ tinate.

⁷ Nyena a taliŋ na Ŋun nagon Iwolwoŋ kuruŋdyo nikaŋ na kulya na mo gaji toilyet kasu se ko yeyeesi kasu ko Kristo Yesu i mugun.

⁸ Luŋasirik, kune gwe a kulya ti ’dutet. Yeyene ta yeye ŋo liŋ nagon a gwak, ko ŋo liŋ nagon bubula, ko ŋo liŋ nagon a na rigwo, ko ŋo liŋ nake nagon ’bak toron, ko ŋo liŋ nakwekwelen ko ŋo liŋ na nyanyara, kweja adi ŋo liŋ nagon a na ’but bia parik nagon jujukin i pupura.

⁹ Kone ta kon ŋo nagon ta a denun koyo kune, ko nagon nan a todinikin ta kune, ko nagon ta a yiŋun köyö kune, ko nagon ta a metun köyö kune; nyena a Ŋun logon taliŋ gwon ko lepeŋ lo mo gwe ko ta.

Paulo a lyoŋon i wuju na ’dokesi

¹⁰ Nan lyölyöŋön parik ko Matat i mugun kogwon i mukök na diŋit a najo ta a nyoggu yeyeju nasu na nan. Nan deden adi ta gwon i yeyeju na nan, ama ta ’bak komor na ’but i sunyukiŋdyö na nan nene ŋo.

¹¹ Ti gwon adi nan wiwinya kogwon nan yoŋo nene ŋo, kogwon nan a diniki adi ŋo na gwon koyo kune a jukin nan.

¹² Nan a den si ’da ko ŋo ku ’dik a nan köti iŋge den si ’da ko ŋo jore. Ko nan gwon ada i ŋo liŋ nan a ryö si ’da ko yimönö, ko i si ’da ko magor, ko i gwon ko ŋo jore ko i gwon ’bak ŋo.

¹³ Nan bubulö koŋdya ŋo liŋ i riŋit na Kristo lo togo ’yu nan lo.

¹⁴ Ama ta a lo ’but kogwon ta a paruŋdya sasanyesi kwe.

¹⁵ Ta ŋutu ti Pilipoi ko ’börik a den adi i diŋit nagon nan suluja tokujö Loŋe Lo ’but na kö ’yi nan Makedonia nu, nene kanisa ’bayin nagon a paruŋdya ko nan i tiŋdu ko i wuju na ’dokesi, ake ta ka ’de.

¹⁶ Kogwon ma ’di na gwoŋdi nan Tesalonike yu nu, ta a sunyukin nan pariesi lwölwöŋ daŋin murek.

¹⁷ Ti gwon adi nan ga ’yu anyen ta ’dogga nan, ama nan ga ’yu adi ti Ŋun ’yalaki ta ’bulit i ŋo nagon ta a ’doggi nan kune.

¹⁸ Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.

¹⁹ A Ŋun liŋ mo tiŋdi ta abur ŋo liŋ nagon ta yöŋö se kune i gugu lonyit lo tukworien lo gwon ko Kristo Yesu i mugun lo.

²⁰ Ti bulet gwe ko Ŋun Baba likaŋ ŋupi ŋupi. Amin.

Romesi ti ’dutet

²¹ Rombi ta ŋutu liŋ ti Ŋun i karin ti Yesu Kristo. Luŋasirik kayupök lo gwon ko nan ni kulo roman ko ta.

²² Ŋutu liŋ ti Ŋun roman ko ta, kegga se lo gwon a ti mede na Kaisar kulo.

²³ Ti ’busan na ŋo ko Matat Yesu Kristo na gwe kasu kiden.