Matayo 15 - Bibilia Buk na Ŋun nagon koti luŋu a

Keriat ti merenyejin

¹ A kirut kulye Parusijin se ko A katodinok ti Saresi ti Mose ŋine ŋien Yerusalema a poŋdi ko Yesu ni, a pije adi,

² Ko nyo ŋutu kulök logon a kajujumuk köŋu keriat ti merenyejin? Lepeŋat a ko lalaju könisi kase a kokwe na nyesi se kinyo na.

³ A nye köti pije lepeŋat adi, Nyo ta köti köŋu Saresi ti Ŋun kogwon kulya ti keriat kasu?

⁴ Kogwonŋtin a kulya adi, Bule bu munyi se ko ŋuti, köti adi, Ŋuto logon jambu ko monye kode ko ŋote arabat lo ti nye ’diri ködyö tatuani tatua.

⁵ Ama ta kulya adi, Ko lele ŋuto a kulya ko monye lonyit kode ko ŋote nanyit adi, ŋo nagon nan ködyö parakiŋdye ta kune a gelaki Ŋun, a nye ködyö tine bu ’ya monye kode ŋote.

⁶ Nyena ta a tu ’baka ’yu kulyaet lo Ŋun kogwon kulya ti keriat kasu.

⁷ Ta kamumulukak! Yisaya a ’beron keju kulya kasu a gwak, adi Ŋun lo kulya adi,

⁸ Kulo ŋutu bu ’ya nan ko kutusen kase kana, ama toilyet kase gwon pajo köyö.

⁹ Lepeŋat dulaki kak i twöju na nan ko kana, a se todiŋdye saresi ti ŋutu gwoso se a todinesi na po köyö.

Ŋo na toluddya ŋuto

¹⁰ A Yesu lupundye ŋutu kulo kanyit ni, a takiŋdye se adi, Yiŋe ta yiŋ, ko kuru ta kurun kine kulya,

¹¹ adi, ŋo nagon lupö ko ŋuto i kutuk na ti toluddya, ama ŋo na lupe kaŋo kanyit i kutuk na nye na toluddya lepeŋ.

¹² Nyena a kajujumuk kulo poŋdi ko Yesu ni, a pije adi, Do ŋona a den adi Parusijin aje woran ko ŋo na jam do kine?

¹³ A nye waddi adi, ŋo liŋ logon Baba lo gwon ki lu a ko ’yut kulo mo gwugwu-nyo kaŋo.

¹⁴ Kölöki ta lepeŋat ka ’de. Lepeŋat a kanyömök mo ’dokeno. Nyena ko ŋuto mo ’doke jiköddu lele mo’doke, se liŋ murek mo ’dororo i dili.

¹⁵ Ama a Petero kulyani adi, Tokuruki yi ŋilo lilim.

¹⁶ A nye pije adi, Ta köti nyuŋ a ko kurun le?

¹⁷ Ta a ko den adi ŋo na lupö i kutuk a yeŋgi i pele kune mo ’doŋoki mu ’diŋ le?

¹⁸ Ama ŋo na lupe kaŋo i kutuk kune po i töili, nyena kine ŋo se na toluddya ŋuto.

¹⁹ Kogwon yeyeesi narok, ko tatuja, ko lubbö, ko towutön, ko koko ’ya, ko ’burönö, ko jamaddu na karin ti ŋutu arabat po ko ŋuto i toili kata yu.

²⁰ Kine ŋo se na toluddya ŋuto, ama nyesu ko konisi logon a ko lala ti bulö toluddya ŋuto.

Yupet na Ŋuto na Kanana

²¹ A Yesu ŋine ŋien i nu pirit a iti i kak na Turo ko na Sidona.

²² Mete, aŋuto na Kanana na ŋinu kak poŋdi po, a gwine gwien adi, Pon duma liŋ, ŋuro lo Dawidi, wone konyen ko nan. ŋuro nio gwon ko mulökötyo loron logon totomi lepeŋ parik.

²³ Ama a Yesu gwe a ko wat lepeŋ ko lele kulyaet asut. A ŋutu kanyit kajujumuk lo poŋdi, a mo ’yi parik adi, Sonyoro lepeŋ bot, kogwon lepeŋ gwigwiun kayaŋ i mukok.

²⁴ A nye waddi adi, Nan tuŋ a sunyue i yidin ti kotumit na Yisaraele nagon a likin kune.

²⁵ a ŋuto na poŋdi po a dulakiŋdye komor nanyit kak ko lepeŋ i komor, a mamaŋdi adi, Pon matat, paraki nan.

²⁶ a Yesu waddi adi, ’Bayin a na ’but i ’dumuŋdya na kinyo lo lupudiet anyen gubaki ’dioŋjin.

²⁷ Ama a ŋuto na waddi adi, lye pon duma liŋ, ma ’di ’diŋojin nyenyesu tupesi ti kinyojin logon a do ’do kak i misa nase komonye.

²⁸ A kirut Yesu waddi lepeŋ adi, Do oma ŋuto, yupet inot a duma; ŋo nagon do ’de ’depi na de kokonaki do. A i ŋinu diŋit gwak a ŋuro nanyit iŋge tokela.

Yesu a toke ’ya ŋutu jore parik

²⁹ A Yesu kö ’yi ŋinu pirit, a Iwoŋöddi nyona ko tör na Galilaya, a nye kije ki i mere, a si ’dani nyu.

³⁰ a ŋutu jore parik iti ko lepeŋ yu, joŋga ŋutu ŋodeki, ko mo ’dokeno, ko mumutön, ko logon a babatatu, se ko kulye jore, a tiŋdi se kak kanyit i mokosi, a nye toke ’yi se.

³¹ A ŋutu soŋi soŋu parik na meddi se mumuton i jambu, ko lo babatatu i tokela, ko ŋodeki i wörö, ko mo ’dokeno i meddya; a so pupurje Ŋun lo Yisaraele.

Yesu a tunyeju ŋutu alipan iŋwan

³² A Yesu lupundye ŋutu kanyit logon a kajujumuk kulo kanyit ni, a kulyani adi, Konyen kwe wowon lodir lo ŋutu, kogwon yi aje si ’da i pirit na geleŋ ko perok musala, ŋo lo nyenyei gwe ’bayin. Nan ti ’bön soŋdu lepeŋat ko magor an se dosakiŋdya i kiko.

³³ A ŋutu kanyit kajujumuk kulo pije lepeŋ adi, Yi de ryö ambatajin jore ya ni i yöbu nagon jujukin tunyeji ŋutu jore parik gwoso kulo?

³⁴ a Yesu pije lepeŋat adi, Ta gwon ko ambatajin muda? A se waddi adi, Yi gwon ko ambatajin buryo se ko somot ku ’dik na ’dik ’dik.

³⁵ a nye saŋi lodir lo ŋutu anyen si ’da kak,

³⁶ a kirut nye ’dumuŋdye ambatajin buryo kune se ko somot, a tiŋdi Ŋun tinate, a nye pipiŋdye pipiŋdya, a tiŋdi ŋutu kanyit kajujumuk kulo, a se kökorakiŋdye ŋutu.

³⁷ a se liŋ nyesi nyesu, a iŋge yimöno, a lepeŋat iŋge ’du ’dumun kupöjin dumalak buryo ti ambatajin na pipinya na pituŋdyö nagon a ko nyei.

³⁸ a ŋutu lyan logon a nyesu kulo gwe a alipan iŋwan, wat ŋutu wate se ko ŋwajik.

³⁹ Nyena a Yesu torekiŋdye ŋutu kulo, a nye kije i ki ’bo kata, a iti i kak na Magadan.