Marako 7 - Bibilia Buk na Ŋun nagon koti luŋu a

Keriat ti merenyejin

¹ A i diŋit nagon Parusijin se kokatodinök ti Saresi ti Mose logon po Yerusalema kulo iŋge momoruŋdya i pirit na geleŋ ko Yesu ni,

² a lepeŋat iŋge met adi kulye ŋutu kanyit logon a kajujumuk nyesu ko könisi a lut, kweja adi se a ko lalaju könisi kase gwoso i keri.

³ (Kogwon Parusijin se ko kulye Yudayaki liŋ ti nyesu ake ko se a lalaju könisi kase gwoso i saret, kogwon se miruŋdya keri lo merenyejin kase.)

⁴ Temba i diŋitan liŋ nagon se aje yitwe i pirit gworiet nu, a se tine nyesu ko se a ko lalaju a kokwe. Kulye keriat kata jore logon lepeŋat ’de ’dep, gwoso keri lose lalaet lo kopojin, ko lo gulajin se ko tito nagon tetena ko mölwö.

⁵ A Parusijin se ko katodinök ti Saresi pije Yesu adi, Ko nyo ŋutu kulök logon a kajujumuk ti miruŋdya keriat ti merenyejin kan, ama nyesu ko könisi logon a lut?

⁶ A nye waddi lepeŋat adi, Yisaya a ’beron keju kulya kasu a gwak, ta logon a kamumulukak, gwoso na wurorikin na adi, Kulo ŋutu bu ’ya Ŋun ko kutusen kase kana, ama toilyet kase gwon pajo ko lepeŋ;

⁷ lepeŋat dulaki kak i twöju na lepeŋ ko kana, a se todiŋdye saresi ti ŋutu gwoso se a todinesi na po ko Ŋun.

⁸ A Yesu kulyani adi, Ta ko ’yu saresi ti ŋun a ta ’debbi keriat ti ŋutu go.

⁹ A nye kulyani ko lepeŋat adi, Ta a lokoŋ i paju na saresi ti Ŋun anyen ’debba keriat kasu.

¹⁰ Kogwon Mose a kulya adi, Bule bu munyi se ko ŋuti, koti adi, ŋuto logon jambu ko monye lonyit kode ko ŋote nanyit arabat lo, ti nye ’diri ködyö tatuani tatua.

¹¹ Ama ta kulya adi, Ko lele ŋuto a kulya ko monye lonyit kode ko ŋote nanyit adi, ŋo nagon nye ködyö parakiŋdye se kune a Korban (kweja adi a gelaki Ŋun),

¹² a kirut ta kwöŋ tine rukörö lepeŋ i parakiŋdya na monye kode ŋote.

¹³ Nyena ko ta koŋdya sona, ta tu ’baka ’yu kulyaet lo ŋun kogwon kulya ti keriat kasu logon ta a mirun kulo, a ta kolökiŋdye se i ŋwajik kasu ŋo jore gwoso kine ta kökon.

ŋo na totuddya ŋuto

¹⁴ A Yesu koti lupundye ŋutu kulo kanyit ni a takiŋdye se adi, Ta ŋutu lio. yiŋge ta nan ko kuru ta kurun kine kulya,

¹⁵ adi, nene ŋo ’bayin kaŋo nagon lupö ko ŋu i pele nagon bubulö toluddya lepeŋ, ama ŋo na lupuŋdyö kaŋo ko ŋuto i töili kune se na toluddya lepeŋ.

¹⁶ [ŋuto logon ko swö yiŋesi ti nye yiŋge kine kulya.]

¹⁷ A nagon nye aje lupö kadi ko aje kölökiŋdyo ŋutu nu, a ŋutu kanyit logon a kajujumuk kulo pije lepeŋ i kulya ti ŋilo lilim.

¹⁸ A nye pije lepeŋat adi, Ma ’di ta köti a ko kurun le? Ta a ko den adi, nene ŋo ’bayin kaŋo nagon lupö ko ŋuto i pele nagon bubulö toluddya lepeŋ,

¹⁹ kogwon ŋina ŋo ti lupö kanyit i töili ama kanyit i pele, a ’doŋokiŋdye mu ’diŋ. (A Yesu tokoŋ sona adi kinyojin ’bayin logon toluddya ŋutu i keri, ama ŋo lio a loke.)

²⁰ a nye kulyani adi, Ŋo na lupuŋdyö kaŋo ko ŋuto i toili kune se na toluddya lepeŋ.

²¹ Kogwon ŋo narok lupuŋdyö ko ŋuto i töili kata yu, kweja adi yeyeesi narok, ko towutön, ko koko ’ya, ko tatuja, ko lubbo,

²² ko goma, ko konesi narok, ko mumulugga, ko koŋdya ŋo ti yu na kwe aka, ko ki ’dem, ko jamaddu na karin ti ŋutu arabat, ko ’du ’duŋga, se ko tubaman.

²³ Kine po narok liŋ lupuŋdyö ko ŋuto i töili, a toluddye lepeŋ.

Yupet na ŋuto na Poinikia na Suria

²⁴ A Yesu ŋine ŋien i nu pirit a iti i kak na Turo ko na Sidona. A nye lupöni kadi, a ködyö tine ’dekan lele ŋuto i deŋdya adi nye lu nyu; ama a nye tine bulö ’de ’ya mugun.

²⁵ a ŋuto nagon ŋuro nanyit na ’dit gwon ko mulökotyo loron ko yiŋge kulya ti lepeŋ, ’de ’de a nye poŋdi po a rugwuŋökine kak ko lepeŋ i mokosi.

²⁶ ŋuto na ’bayin a Yudayakityo, ama i gweyari lonyit nye a ŋuto na Poinikia na Suria. A nye mamaŋdi lepeŋ anyen riköddu mulökotyo loron kaŋo ko ŋuro nanyit i mugun.

²⁷ A Yesu waddi ŋina ŋuto adi, Ti lupudiet kiyaŋ nyesi nyesu a yimönö; kogwon ’bayin a na ’but i ’dumuŋdya na kinyo lo lupudiet anyen gubaki ’diŋojin.

²⁸ Ama a ŋuto na waddi lepeŋ adi, lye, pon duma lio; ma ’di ’diŋojin lo gwon i misa mukök kulo nyenyesu tupesi ti kinyo na lupudiet nagon a ’do ’do kak.

²⁹ a Yesu kulyani ko ŋuto na adi, Kogwon do a ruggo ’bura yitöni konut mede; mulökötyo loron aje po kaŋo ko ŋuro inot i mugun.

³⁰ A nye yitöni mede, a ryeŋdi lupudi na a piriki i dotoet; mulökotyo loron aje kölökin lepeŋ.

Yesu a toke ’ya ŋuto logon a mine ko a ŋulu ’be

³¹ A kirut Yesu yitwene i jur lo Turo, a tiri Sidona a lwöŋoddi jur lo Dekaŋoli anyen ’dur i tör na Galilaya.

³² A kulye ŋutu joŋdi ŋuto logon a miŋe ko a ŋulu ’be ko lepeŋ ni, a se mamaŋdi Yesu anyen sopakiŋdya könisi kanyit ko lepeŋ ki.

³³ A nye joŋgi ŋilo ŋuto a swöt pajo ko lodir lo ŋutu anyen se gwon ka ’de, a sukiŋdye morin kanyit ko ŋilo ŋuto i swö, a yakuŋdye kamulak, a ’bo ’yi ŋedep lo lepeŋ.

³⁴ a kirut a nye diŋe ki, a nye ’duani ’dua, a kulyani ko lepeŋ adi, Epata, nagon nyönyokö adi, Ŋaji paju.

³⁵ a swö kanyit paji ŋaju, a ŋedep lonyit laggi laggu, a lepeŋ jambi ’bura.

³⁶ a Yesu kukuji lepeŋat an jamakin lele ŋuto kine kulya; ama ma ’di nagon nye a kukuju lepeŋat parik, a lepeŋat kölumbö gwe ko pusök duma i tuköddu na kine kulya.

³⁷ A ŋutu iŋge söŋu bia parik, a kulyani adi, Lepeŋ aje koŋdya ŋo liŋ ’bura; lepeŋ tiŋdu ma ’di ŋutu miŋeki i yiŋga ju mumutön i jambu.