Marako 6 - Bibilia Buk na Ŋun nagon koti luŋu a

Ŋutu ti Najareta a renya Yesu

¹ A Yesu kö ’yi ŋinu pirit a nye itikanyit köji, a ŋutu kanyit kajujumuk kulo moraddi ko lepeŋ.

² a i Sabata a nye suluje todiŋdyö i kadi momoret. A ŋutu jore lo yiŋga lepeŋ kulo iŋge söŋu, totopi adi, Lo ŋuto ryö kine kulya ya? Na koŋon nagon a tiki lepeŋ na a nyo? Lepeŋ koŋdya kitajin sörösi gwoso kine ada?

³ Lepeŋ Ŋona ’bayin a kaworonit lo bau le? Lepeŋ ŋona ’bayin a ŋuro lo Maria ko a luŋaser Yakobo ko Yose ko Yuda ko Simona le? Kiasirik kanyit bona ’bayin kayaŋ kiden le? A se iŋge ryö kulya ti lepeŋ a köpuket.

⁴ A Yesu kulyani ko lepeŋat adi, Nebi ti bula kase i jur, ko i karu kanyit ko kanyit midi, ama ŋutu bubu lepeŋ i kunie piriton.

⁵ a lepeŋ tine bulö koŋdya nene ŋo sörit nyu, ake lepeŋ a sopakiŋdya konisi kanyit i loki na ŋutu ku ’dik logon a gigilötu, a iŋge toke ’ya se.

⁶ a nye iŋge söŋu kogwon se a ko yuŋ lepeŋ. A Yesu wöröjine i turön kata totodinöddu.

Yesu a sonyoddu luyökie puök wot murek i tokuöddu

⁷ A nye lupundye ŋutu kanyit kajujumuk puök wot murek kulo kanyit ni, a suluje soŋdu se murek murek, a nye tiŋdi se kido telet na mulökö lorok.

⁸ A nye kukuji se adi ti se gwe ti joŋga nene ŋo i jölö nase ake joŋga turya ka ’de; ti joŋga ma ’di kinyo, kode jurakan, kode gurut i likitiat ti kambajin kase;

⁹ se bubulö sukiŋdyö kamuka ama ti segwe ti ’di ’di ’yu jolöbiajin murek murek.

¹⁰ A nye takiŋdye lepeŋat adi, Köji nagon ta a tu kata nu, mönuŋdye ta i mede nagon a wu ta tojo ko nioro nasu kaŋo i ŋinu köji.

¹¹ A ko ŋutu ti nene pirit ti ’bon wuju ta kode ti ’bon yiŋga ta, a ko ta ŋiörö ŋiörö i nu pirit, nanane ta kujoŋ na ryoryok ta ko mokosi kasu kine kaŋo anyen wi ’ya se i kwekiŋdya na ŋo nagon se a renyari kune.

¹² Nyena a lepeŋat iti tu a tokukiŋdye ŋutu adi ti se kodyo löpuŋge toilyet.

¹³ A se iŋge rikörö muloko lorok jore kaŋo, a ’dumuŋdye welet a we ’yi ŋutu jore logon a gigilotu a toke ’yi se.

Tatua na Yoane Kabatisanit

¹⁴ A mor Erode iŋge yiŋ kine kulya kogwon karin ti Yesu aje kono. Kulye ŋutu jambu adi Yoane Kabatisanit lo toŋiu i twan, nyena ŋina a kwe nagon riŋitön dumalak kikita kanyit i mugun.

¹⁵ Ama kulye ŋutu kulya adi, Lepeŋ a Eliya. A kulye kulyani adi, Lepeŋ a nebi gwoso lele lo nebijin ti koju ’beron kulu.

¹⁶ Ama a na yiŋge Erode kine kulya nu, a nye kulyani adi, Ŋilo a Yoane logon nan aje tikin kwe i ’duŋwe kaŋo lo, aje toŋiu i twan.

¹⁷ Kogwon Erode koju a soŋdu ŋutu i morga na Yoane, a toŋi lepeŋ atiŋdi lepeŋ i kadi rereket kogwon kulya ti Erodia nakwan na Pilipo luŋaser lonyit, kogwon nye Erode aje riŋaddu lepeŋ a narakwan nanyit.

¹⁸ Kogwon Yoane koju a takiŋdya Erode adi, Saret a ko ruk adi ti do riŋuŋdye nakwan na luŋösur.

¹⁹ Nyena a Erodia gwe ko toili loron ko Yoane, a yöŋöni tatuja lepeŋ, ama a nye tine bulo;

²⁰ kogwon Erode kukuk Yoane, deden adi nye a ŋuto lo rigwo ko a loke, a iŋge tiju lepeŋ ’bura. Nye nyanyar yiŋga lepeŋ ma ’di nagon töili lonyit dyadya ’yu.

²¹ Ama a Erodia gwe ko komŋo na ’but i lor logon Erode koŋdi rorwe a lo yuŋwe nanyit lu, a luŋgi kimak kanyit, ko dumalak ti kamorok se ko ŋutu ti Galilaya lo kukwon.

²² Kogwon i diŋit nagon ŋuro na Erodia lupuŋdye lukata a poki i gwoja nu, a Erode se ko komu kanyit iŋge lyoŋon; a mor kulyani ko ŋuro adi, Piyuŋdye ŋo nagon do ’de ’dekan koyo, nan de rurukokin do.

²³ a nye milyekiŋdye ŋuro na adi, ’Diri ’diri ŋo nagon do a piyun koyo kune nan de titikin do, ma ’di swot lo tumatyan nio.

²⁴ a ŋuro na lupuŋdye kaŋo, a pije ŋote adi, Nan de piyuŋdya nyo? A nye waddi adi, Piyuŋdye kwe na Yoane Kabatisanit.

²⁵ A ŋuro rumara ’de ’de ko mor yu, a kulyani adi, Nan ’de ’dekan do soŋinana tiŋdu nan kwe na Yoane Kabatisanit i kalaba.

²⁶ a mor iŋge delya parik, nyena kogwon milye lo nyo nye lo, koti kogwon kulya ti komu kanyit, a nye tine bulo renyakiŋdya ŋina ŋuro.

²⁷ A ’de ’de mor soŋdi asekertyo logon a katiyunit, a tiŋdi saret anyen kwe na Yoane jwejwe.

²⁸ A nye iti tu a ’duŋuŋdye kwe na Yoane kaŋo i kadi rereket, a nye joŋdi kwe nanyit i kalaba a tikiŋdye ŋuro; a ŋuro ŋutukiŋdye ŋote.

²⁹ A na yiŋge ŋutu ti Yoane logon a kajujumuk kulo kine kulya nu, a se poŋdi i ’doggu na öpu nanyit i nugga.

Yesu a tunyeju ŋutu alipan mukanat

³⁰ A luyökie kulo yitöni ko Yesu yu, a nyonyo ko kiŋdye lepeŋ ŋo liŋ nagon se aje kon ko aje todin kune.

³¹ A nye kulyani ko lepeŋat adi, Po ta, ti yi ka ’de iti ta i pirit nagon ŋutu ’bayin kata anyen yuyukan. Lepeŋ jambu sona kogwon ŋutu jore popo a tutu, a se gwe ’bak ma ’di diŋit nagon se nyenyesi.

³² a se ka ’de iti ko ki ’bo i pirit nagon ŋutu ’bayin kata.

³³ Nyena a ŋutu jore iŋge metara lepeŋat i tu, a iŋge gwulu lepeŋat, a se woku kaŋo ko mok i köjino liŋ a ’dure nyu a kokwe i pirit nagon Yesu se ko ŋutu kanyit kajumuk kulo a ko nyuŋ ’dur kata nu.

³⁴ A nagon Yesu aje kiyuŋdya kaŋo i ki ’bo nu, a nye meddi lodir duma lo ŋutu, a nye wone konyen ko se kogwon se gwon gwoso yidin nagon ’bak kayukunit. A nye suluje todinikiŋdyö lepeŋat ŋo jore.

³⁵ a nagon kolor gwe nyona ko ’doro nu, a ŋutu kanyit kajujumuk kulo poŋdi ko lepeŋ ni, a kulyani adi, Na pirit ’bak ŋutu, kolor gwe nyona ko ’doro;

³⁶ sonyoro kilo ŋutu ko ti se iti i turön ko i köjinö na gwon nyona i gwörokiŋdyö na ’börik ŋo lo nyenyei.

³⁷ Ama a Yesu waddi lepeŋat adi, Ta ko ’börik tiki ta se ŋo lo nyenyei, a lepeŋat pije nye adi, Yi ŋona bubulö tu i gworo na ambatajin nagon gwörö ko gurut alipan murek anyen tiki se i nyesu le?

³⁸ a Yesu pije lepeŋat adi, Ta gwon ko ambatajin muda? Iti ta tu mete ta met. A nagon se aje den nu, a se waddi adi, Ambatajin kata mukanat se ko somot murek.

³⁹ A kirut Yesu sarakindye lepeŋat adi ŋutu liŋ ködyö si ’da kak i leme a teŋon.

⁴⁰ Nyena a lepeŋat si ’dani kak a kikolin mia geleŋ mia geleŋ ko merya mukanat merya mukanat.

⁴¹ A Yesu ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye ambatajin kune, a tiŋdi ŋutu kanyit kajujumuk kulo anyen tikin ko ŋutu i komor. A nye kökorakiŋdye lepeŋat liŋ kine somot murek.

⁴² a ŋutu liŋ nyesi nyesu a iŋge yimonö.

⁴³ A lepeŋat iŋge ’du ’dumun kupöjin puök wot murek ti ambatajin na pipinya ko ti somot nagon a ko nyei.

⁴⁴ a ŋutu lyan logon a nyesu kine ambatajin kulo gwe a alipan mukanat.

Yesu a wörö i tör loki

⁴⁵ A ’de ’de Yesu ri ’dikiŋdye ŋutu kanyit kajujumuk kulo anyen kiyaddu i ki ’bo kata i tu kanyit ŋerot i nu pele tojo Betesaida, a nye nyuŋ leru toreja lodir lo ŋutu.

⁴⁶ a nagon nye kölöddi ŋutu anyen tutu nu, a nye kiyaddi i mere i kwakwaddu.

⁴⁷ a ko kak gwe a sömukö a ki ’bo gwe i tör kiden, a lepeŋ geleŋ lo karaki kaŋo.

⁴⁸ a nye iŋge met adi lepeŋat dadara parik i kamaddu, kogwon köbuŋöt wukuŋdyö ko lepeŋat ni. A i waran na kak a nye poŋdi ko lepeŋat ni, wöri ’e i tör loki. A nye ’deke lwöpöddu kase nyona.

⁴⁹ ama a na meddi se Yesu wori ’e i tor loki nu, a se yeyeji adi kode ŋona a mulökötyo, a se luluje lulujö;

⁵⁰ kogwon se liŋ aje met lepeŋ, a iŋge rigwökö. Ama a Yesu nyoŋgi kulya ko se adi, Togo ’yi ta töilyet, ŋo lo a nan; an ta ko kujönö ta.

⁵¹ A kirut a nye kiyaddi i ki ’bo kata ko lepeŋat yu a köbuŋöt gwo ’de gwo ’dan, a lepeŋat iŋge soŋu parik,

⁵² kogwon lepeŋat a ko kurun kulya ti ambatajin kunu, ama a töilyet kase gwe a iŋgo.

Yesu a toke ’ya ŋutu lo gigilötu Genesaret yu

⁵³ A se ko laŋgi i nu pele, a ’dure Genesaret, a se munukiŋdye ki ’bo i kijit.

⁵⁴ A na kiyuŋdye se kaŋo i ki ’bo nu, ’de ’de a ŋutu gwulu ’ye Yesu;

⁵⁵ a lepeŋat wowökine i turön liŋ lo didiŋö, a suluje ’dukuŋdyö ŋutu logon a gigilötu temba i piritön nagon se a yiŋ adi Yesu gwon kata kune. Kilo ŋutu ’dukwe i paran kase.

⁵⁶ a i piritön liŋ na tiri Yesu kunu, ko i turön, ko i köjinö, kode i jur, a ŋutu topeŋi ŋutu logon a gigilötu kulo i piritön gwöriesi. a se mamaŋdi lepeŋ anyen se böŋö ’bo ’yu ma ’di kume lo boŋgo nanyit. A ŋutu liŋ logon a ’bo ’yu lepeŋ kilo iŋge tokela.