Ka’duŋök 1 - Bibilia Buk na Ŋun nagon koti luŋu a

Yuda ko Simeona a morga Adoni-bejek

¹ A gwe sona i mukök na twan na Yosua, a ŋutu ti Yisaraele pipije MATAT adi, ŋa logon kayaŋ kata logon mo tu i moro a kokwe ko ŋutu ti Kanana?

² A MATAT waddi adi, Kotumit na Yuda mo na tu; mete ta, nan aje tiŋdu lo jur kase i könisi.

³ A ŋutu ti Yuda kulyani ko ŋutu ti Simeona luŋasirik kase adi, Po ta, yi a tu ko ta i kak na koraki yi nu, anyen yi momoro ko ŋutu ti Kanana; a yi koti mo iti ko ta i pirit na geleŋ i kak na koraki ta nu. Nyenagon a ŋutu ti Simeona moraddi ko lepeŋat.

⁴ A ŋutu ti kotumit na Yudai titu, a MATAT pakiŋdye ŋutu ti Kanana se ko ti Periji kase i könisi; a se iŋge rembu ŋutu alipan puök Bejek yu.

⁵ A se ’bunyökiŋdye Adoni-bejek Bejek yu, a möröni ko lepeŋ, a se rembi ŋutu ti Kanana se ko ti Periji.

⁶ Ama a Adoni-bejek wöki wokon; a se rikoddi lepeŋ a morgi lepeŋ, a ’duŋge kaŋo morin kanyit lobot ti könisi ko ti mokosi.

⁷ A Adoni-bejek kulyani adi, Moran merya buryo logon nan a ’duŋ morin kase lobot ti könisi ko ti mokosi koŋo kulo yeŋ kwökwöddu tupesi ti kinyo koyo i misa mukök. Nyena ŋun aje ropakiŋdya nan gwoso na koŋdi nan nu. A se joŋge lepeŋ Yerusalema, a nye twane twan nyu.

Yuda a te ’ya Yerusalema ko Keberon

⁸ A ŋutu ti Yuda möröni ko Yerusalema, a riŋuŋdye lepeŋ, a tatuje se ko baŋdujin, a ’yuŋe köji ko kimaŋ.

⁹ A i mukök a ŋutu ti Yuda iti i mörö ko ŋutu ti Kanana logon si ’da i jur logon a merya, ko i jur lo Loki, ko i jur lo gwon i dudulet.

¹⁰ A ŋutu ti Yuda iti i mörö ko ŋutu ti Kanana logon si ’da Keberon yu kulu (karin ti Keberon köju a Kiryat-arba); a se rembi Sesai ko Akiman se ko Talemai.

Oteniele a te ’ya Debir a wuji Akasa a narakwan

¹¹ Nyu a se iti i mörö ko ŋutu ti Debir. Karin ti Debir köju a Kiryat-seper.

¹² A Kaleba kulyani adi, Nan mo tiŋdu ŋuro nio Akasa i yema ko ŋuto logon a mörö ko Kiryat-seper a riŋuŋdye nye lo.

¹³ a oteniele ŋuro lo Kenaja, loponi lo Kaleba riŋuŋdye nu köji; a kirut Kaleba tiŋdi lepeŋ ŋuro nanyit Akasa a narakwan nanyit.

¹⁴ A gwe sona na poŋdi Akasa kanyit ni nu, a nye toyiyikiŋdye lepeŋ i piyuŋdya na melesen ko monye lonyit; a Akasa kiyuŋdye kak i kaine loki, a Kaleba pipije lepeŋ adi, Do ’dek nyo?

¹⁵ A nye waddi adi, Tiŋdi nan ’doket; kogwon do aje tiŋdu nan i yemaji i jur lo Loki, köti tiŋdi nan lelekesi ti piŋo. A Kaleba tiŋdi lepeŋ lelekesi lo gwon i ko ’dulan se ko lelekesi lo gwon i pirit na ’dir kulo.

Kak nagalaŋ na kötumit na Yuda ko na Benyamina nagon a moka

¹⁶ A nyakwariat ti Kenityo ŋogwo lo Mose, se ko ŋutu ti Yuda kö ’yi köji na kaden ti tömur a iti tojo i yöbu na Yuda, na gwon Arada i jur lo Loki nu; a se tu si ’dani ko kulu ŋutu.

¹⁷ A ŋutu ti kötumit na Yuda se ko ti kötumit na Simeona logon a luŋasirik kase kulo iti tu, a te ’yi ŋutu ti Kanana lo si ’da Sepat yu kulu, a iŋge kör köji asut. Nyena a karin ti nu köji luŋuni a Korma.

¹⁸ A ŋutu ti Yuda köti morgi Gaja se ko koresi kanyit, ko Asekelon se ko koresi kanyit, ko Ekron se ko koresi kanyit.

¹⁹ A MATAT gwe ko Yuda, a nye morgi jur logon a merya, ama a nye tine bulö riköddu ŋutu lo si ’da i pirit na ’dayat, kogwon se gwon ko arabiajin möriesi logon a witiöt.

²⁰ A se tiŋdi Kaleba Keberon gwoso na kulyari Mose nu; a nye riködot ŋwajik musala ti Anak kaŋo nyu.

²¹ Ama a ŋutu ti Benyamina gwe a ko riköddu ŋutu ti Yebusi lo si ’da Yerusalema yu kulu; nyena a ŋutu ti Yebusi si ’dani i pirit na geleŋ ko ŋutu ti Benyamina Yerusalema yu tojo ko lo lor.

Ŋutu ti kötumit na Yosepa a te ’ya Betele

²² A kötumit na Yosepa köti iti i mörö ko Betele; a MATAT gwe ko se.

²³ A kötumit na Yosepa sonyoddi kawirak i wiŋa na Betele. (Karin ti nu köji köju a Luja.)

²⁴ A kawirak meddi lele ŋuto po koŋo köji kata, a se kulyani ko lepeŋ adi, Böŋö kweki yi lupet na köji, a yi de konakiŋdye do ’bura.

²⁵ A nye kwekiŋdye se lupet na nu köji; a se tatuje ŋutu ti köji ko baŋdujin, ama a se kölöddi lu ŋuto se ko mede nanyit liŋ.

²⁶ A lu ŋuto iti i jur lo ŋutu ti Kiti, a ’duŋge nene köji, a luŋgi karin kanyit a Luja; a kine gwe a karin kanyit tojo ko lo lor.

Kak nagalaŋ na kötumit na Manase ko na Epuraima nagon a moka

²⁷ A kötumit na Manase tine riköddu koŋo ŋutu ti Bete-sean ko turön kanyit, kode ti Tanak ko turön kanyit, kode ŋutu ti Dor ko turön kanyit, kode ŋutu ti Yibeleam ko turön kanyit, kode ŋutu ti Megido ko turön kanyit; ama ŋutu ti Kanana ’de ’deggi si ’da i ŋinu kak.

²⁸ A gwe sona nagon ŋutu ti Yisaraele gwe ko riŋit nu, ase ri ’dikiŋdye ŋutu ti Kanana i kita, ama a se gwe a ko riköddu se koŋo asut.

²⁹ A kötumit na Epuraima tine riköddu koŋo ŋutu ti Kanana lo si ’da Gejer yu kulu; ama a ŋutu ti Kanana si ’dani ko lepeŋat i pirit na geleŋ Gejer yu.

Kak jin nagalaŋak ti kunie kötumitön nagon a moka

³⁰ A kötumit na Jebulun tine riköddu koŋo ŋutu logon si ’da Kitiron, kode ŋutu logon si ’da Nalola; ama a kilo ŋutu ti Kanana si ’dani ko lepeŋat i pirit na geleŋ, a ri ’dikine i kita a ’dupi kase.

³¹ A kötumit na Aser tine riköddu koŋo ŋutu logon si ’da Ako, kode logon si ’da Sidona, kode logon si ’da Akalaba, kode logon si ’da Akejiba, kode logon si ’da Keleba, kode logon si ’da Apik, kode logon si ’da Rekoba;

³² ama a ŋutu ti Aser si ’dani ko kilo ŋutu ti Kanana i pirit na geleŋ logon a ŋutu ti ŋilu jur; kogwon se a ko riköddu lepeŋat koŋo.

³³ A kötumit na Napatali tine riköddu koŋo ŋutu logon si ’da Bete-semese, kode ŋutu logon si ’da Bet-anat; ama a se si ’dani i kiden na kilo ŋutu ti Kanana logon a ŋutu ti lu jur; nyenagon a ŋutu ti Bete-semese ko ti Bet-anat ri ’dikine i kita a ’dupi kase.

³⁴ A ŋutu ti Amori ri ’diaddi ŋutu ti Dan i jur logon a merya; kogwon se ti ’bön köluŋdyö se i po kak i pirit na ’dir;

³⁵ ama a ŋutu ti Amori yeŋe si ’da i mere Kerese, ko Ayalon, ko Salabim, ama a riŋit na kötumit na Yosepa gwe a nago kase, a se ri ’dikine i kita a ’dupi.

³⁶ a lokökorit lo ŋutu ti Amori suluje i kak na gwolopara a ko ’du na Akarabim, suluja Sela tojo ko swöt lo ki.