Jepania 2 - Bibilia Buk na Ŋun nagon koti luŋu a

Juron lo didiŋo mo konaki arabat

¹ Ta ŋutu ti Jur logon ’bak yu na kwe, momoruŋdye ta i pirit na geleŋ. tutuŋdye ta ’borik,

² a kokwe nagon ta riköji pajo a wuköjine gwoso pudi, i ŋerot na poŋdi woran na pape na MATAT kasu loki nu, kweja adi i lor lo pokiŋdye ŋoma na MATAT kasu ki lu.

³ Ta ŋutu liŋ lokoyokak ti jur, ta lo twoju saresi kanyit kulo, ga ’yi ta MATAT; ga ’yi ta loti lo rigwo, ga ’yi ta gwon ko toilyet lokoyokak, kode ŋona ta mo ryoryo pirit rupit i lor lo pokiŋdye ŋoma na MATAT nu.

⁴ Kogwon Gaja mo kokoloki kana, a Asekelon mo konani a murwo; a ŋutu ti Asedoda mo riköjine kaŋo paran kiden, a Ekron mo gwunyoni kaŋo ko kokori.

⁵ Woidio ta ŋutu lo si ’da i tikon, ta ŋutu ti jur lo Kereti! Kanana, do jur lo ŋutu ti Pelesete, kulyaet lo MATAT a jamaki kasu ki arabat; adi nye mo tutukar do a mo kölö-kiŋdye do ’bak ŋutu.

⁶ Do jur lo gwon i tikon, do mo gwon a yukit, ko a pirit nagon a leme nagon kayukuk yuggu kata, ko a gorwat ti yidin.

⁷ A jur lo gwon i tikön lo mo gwe a lo ŋutu ti kötumit na Yuda logon a pituŋdyö, a se mo yuggi yidin kase kata, a se mo pere kak i sömukö i kadijik ti Asekelon. Kogwon MATAT ŋun lose mo yeye lepepat a nyökuŋdye se bot i to ’dupien.

⁸ Nan MATAT aje yiŋ ŋutu ti Moaba i momoröju se ko ŋutu ti Amon i ’dö ’döju ko i lauŋdya na ŋutu kwe, nan a yiŋ bu ’ya nase na ’börik i riŋuŋdya na kak na ŋutu ti Yisaraele anyen ’ya ’yu kak nase.

⁹ Nyenagon nan MATAT lo kurumi Ŋun lo Yisaraele lo kulya adi, ’Diri ’diri gwoso na gwoŋdi nan na, ko ŋina kwe Moaba mo wora gwoso Sodoma, a ŋina ŋutu ti Amon mo gwe gwoso Gomora, kweja adi a gwe a yobu na lo ’yu ’yuri ko a ’balan, ko a murwo ŋupi. A ŋinautu kwe ti MATAT logon a pitu-ŋdyo kulo mo ryaggi lepeŋat, iŋkoi, pitono ti ŋina ŋutu kwe lo pitu-ŋdyo kulo mo ruddya jur lo kulu ŋina ŋutu.

¹⁰ A se mo ropakine kine kulya ko-gwon ’du ’duŋinaga nase, kogwon se aje ’do ’doju ko a bu ’ya ’borik i ripinauŋdya na kak na ŋutu ti MATAT lo kurumi.

¹¹ Kogwon MATAT mo tiŋdu lepeŋat i kujono parik, a nye mo tomunyaŋdi ŋina ŋunyen liŋ ti kak, a ŋutu lipina ti juron lo gwon i tikonyo kulo mo kwakwaddi lepeŋ, ŋutu liŋ geleŋ geleŋ kase i piriton.

¹² Ta ŋutu ti Etiopia, ta koti mo tatatua ko baŋdu lo MATAT.

¹³ A nye mo riöddi könin lonyit i moro ko swot lo lobot a mo tuka-ŋi Asura; a nye mo koŋdi Ninewe a murwo ko a kak nateyon gwoso yobu na sese.

¹⁴ A teŋon ti kijakwa mo pere kak i kiden na nu köji, kweja adi gweyarijin liŋ i ti kijakwa ti mu ’diŋ. A lumo ’dukon se ko yayaki mo so ’doni i togwi ’diesi ti kadijik rubajin; a gwisi lo si ’da i kulupitan se ko korukan lo so ’do i kotumiton mo wuwuŋine wuwupi; kogwon kaden logon gwoso tika logon a ’dukesi ti kadijik kulo aje ŋina kaŋo.

¹⁵ Na a köji nagon koju bubu ’ya mugun, nagon si ’da ’bura ’bak kujono, nagon kulya kanyit i toili adi, Nan tuŋina geleŋ na gwon, nan ka ’de. Soŋinana lepeŋ gwe a nyo? Lepeŋ i gwe a murwo, ko a pirit paranaet na kijakwa. a ŋutu liŋ lo Iwoŋoddi nyona kulo mo ’diuŋge ’diugga a ’di ’diŋge konisi kase.