Eyobo 9 - Bibilia Buk na Ŋun nagon koti luŋu a

Eyobo ’bak kulya nagon nye nyopakin ŋun

¹ A kirut Eyobo waddi adi,

² ’Diri gwak nan a den adi sona, ama ŋuto bubulo te ’ya lonyit ada se ko Ŋun?

³ Ko ŋuto yoŋo rerenya ko Ŋun, a nye mo tine bulö waddu ma ’di piyet geleŋ i piyesi aliŋ geleŋ logon Ŋun pipije lepeŋ.

⁴ Ŋun a lokoŋ i toili, a gwe ko riŋit duma parik; lon ŋuto logon a togulukiŋdyö mugun i rerenya ko lepeŋ a iŋge te ’ya?

⁵ ŋilo a Ŋun logon tomijöddu merya a kilo merya tine den, a löpuŋge se ko woran nanyit.

⁶ Lepeŋ dodoŋga kak kanyit i pirit, a tiŋdi togwi ’diesi kanyit i yeyeta;

⁷ lepeŋ saŋu kolor anyen gwon ti nyerun, a kiŋdi kaser a nya ’doddi nya ’dod-du;

⁸ lepeŋ ka ’de a rikiŋdyö ’diko, a ryoryöggi yalajin ti tor;

⁹ lepeŋ a gweja kaser lo luŋu a Tomya, ko kaser lo luŋu a Kajikök ti kiteŋ, ko Nyunyumi se ko Tome pode;

¹⁰ lepeŋ koŋdya go dumalak nagon lwölwöŋ ŋutu i kuruŋdyo se ko ŋo sörösi nagon ti bulo kena.

¹¹ Ŋun lwöpöddu köyönyona, a nan gwe a ko bopara lepeŋ; lepeŋ mimijoro ŋerot ama a nan tine met lepeŋ;

¹² a ko nye rurumara ŋerot ŋa logon bubulö nyokuŋdyo lepeŋ bot? ŋa de lo pija lepeŋ adi, Do koŋdya nyo?

¹³ Ŋun ti bulo teŋgu woran nanyit; a kaparak ti kijakutat Raba pere kak kanyit i mokosi.

¹⁴ A kirut nan buloni bulo waddu lepeŋ ada? Nan nyumuŋdyo kulyaesi kwe ada anyen rerenya ko lepeŋ?

¹⁵ Ma ’di ködyö nan a ŋuto logon ’bak kulya nan ti ryo ruket, ma ’di nan ködyö a pija Ŋun logon kulya adi nan a koŋdya arabat i won konyen ko nan.

¹⁶ Ma ’di ko nan ködyö a luŋ lepeŋ i putet a nye iŋge ruk po, a nan tine yuŋ adi nye ködyö yiyiŋ wiwinyesi kwe—

¹⁷ kogwon lepeŋ ririŋ nan parik ko ŋo na ’dit, a gwugwutuje nan ’bak kwe na kulya;

¹⁸ lepeŋ a tikin nan i yukuta, a töjoreji nan ko delyaesi na pötwör.

¹⁹ Koyi ’dek temba riŋitön, meddi, lepeŋ logon a iŋgo; ko ködyö a kulya ti ’duŋgö na putet, ŋa de lo ri ’dikiŋdya lepeŋ i yiŋga na nan?

²⁰ Ma ’di ködyö nan ’bak kulya, lepeŋ tuggo kulyaesi ti kutuk nio adi nan a jambu arabat; ma ’di nagon nan ’bak toron, a nye kaka ’yi kulyaesi kwe.

²¹ Nan ’bak kulya narok; nan a ko yeye mugun, nan maman ru nio.

²² Ama tuka ’de ’bayin; nyenagon a nan kulyani adi, Lepeŋ tatuja ŋutu lo ’but ko lorok liŋ jojo.

²³ A ko nene ŋo naron kata a twan iŋge ’bunyokin ŋutu adi dut, a nye kweni ’e kweni ’e ŋoŋga na ŋutu logon ’bak kulya.

²⁴ A ko lele jur a wuki i könisi ti ŋutu lorok, a nye muŋge konyen ti ŋutu ka ’duŋök ti putesi— a ko ’bayin a nye Ŋun lo koŋdya sona, a kirut gwe a ŋa?

²⁵ Perok kwe rurumuŋdya ’de ’de lwölwöŋ ŋuto lo wöwökön parik, a se lwöŋöddi lwöpöddu, a nan tine meddya ŋo na ’but;

²⁶ a se rurumaddi ’de ’de gwoso na ’doköji ’e wuwiat kare na, ko gwoso na sololoji yuku i lokore na.

²⁷ A ko nan kulya adi, Nan de böböŋö wiwinyesi kwe, a nan de kö ’yi komor nio i gwon a nagusu a de gwe ko ŋuŋumi,

²⁸ ama a nan gwe a kujönit lo ŋoŋesi kwe liŋ, kogwon nan deden adi do Ŋun mo ti lilija adi nan a loke.

²⁹ Ama ko putet liŋ liliki adi nan a loron, a ko nyo nan tudaraju mugun kana?

³⁰ Ma ’di ködyö nan a kwö ko pioŋ nake parik adi lor, kode a lalaji könisi kwe ko sabun,

³¹ ama kölumbö a do rudaddi nan i wo ’do ’do, a nan mone mon ma ’di boŋgwat kwe liŋ.

³² Ama Ŋun ’bayin a ŋuto gwoso na gwoŋdi nan na, anyen yi rerenya i pirit na geleŋ, kode tu i ri i lilia na kulya kaŋ.

³³ Lele kalilianit ’bayin kayaŋ kiden logon ko kido saret na yi liŋ murek,

³⁴ i göja na Ŋun i riŋga na nan, ko i teŋgu na lepeŋ an töili lio lwö ’yu kogwon tokujönöesi kanyit.

³⁵ A kirut a nan mo jambi jambu a tine kujönö lepeŋ, kogwon nan a den adi nan ŋöki kana.