Eyobo 5 - Bibilia Buk na Ŋun nagon koti luŋu a

¹ Luŋgi soŋinana; lele ŋuto ŋonakata logon de ruruk do? Do ŋona de paraki ko lon lo malaikajin loke?

² ’Diri ŋoma tatatu ŋuto lu ’böŋ, iŋkoi, yulön rembu ŋuto logon ’bak kuruŋdyö na kulya.

³ Nan ko mugun nio a met: ŋuto lu ’böŋ a gwunye kaŋo ko kokori kanyit, a kadi nanyit iŋge lömö,

⁴ a ŋwajik kanyit tine paraki, a se ri ’dikine kak i ri, a lele ŋuto gwe ’bayin lo juŋdyö lepeŋat.

⁵ A ŋutu lo magora nyesi kinyojin logon se a ŋer kulo, a ŋuto lo riŋit ryaggi ma ’di lo gwon i gugwö; a yukutani yukuta ko kure na tukwörien nase.

⁶ Kogwon ŋoŋga ti bulö pukun kaŋo i kujöŋ, a sasanyesi tine wilun kak,

⁷ ama ’diri ŋutu a yuŋweki i sasanyesi, ’diri gwoso tyeresi ti kimaŋ na tyerara ki.

⁸ Ama nan ko mugun nio, nan ködyö ga ’yu Ŋun, nan ködyö kwekiŋdya kulya kwe ko lepeŋ.

⁹ Lepeŋ koŋdya ŋo temejik nagon ti bulö gala, ko ŋo sörösi nagon ti bulö kena.

¹⁰ Lepeŋ titiŋdu kudu i kak, a to ’doji pioŋ i meleseno;

¹¹ nye ’bi ’bilikin ki ŋutu logon gwon kak, a ’dukuŋdye ŋutu logon dudurwe ki i lyöŋön;

¹² nye kökör yeyeesi ti ŋutu kamumulukak, anyen se gwon ti ryeju komor na ’but;

¹³ a nye morgi ŋutu lokoŋ i mumulukesi kase, a nye nyoŋgi tu ’baka ’yu yeyeesi ti kamu mulu kak.

¹⁴ A se rume ko mudwe i diŋit na tuparan, a wawaji i tuparan kiden gwoso i tukwaje.

¹⁵ Ama a nye lwökuŋdye kikijikö kaŋo kase i kutusen, ko ŋutu lo yöŋö ŋo kulo i könisi ti ŋutu kaŋajin;

¹⁶ nyena a lomerika gwe ko yenesi, a ŋutu lo koŋdya arabat iŋge toyiŋa.

¹⁷ Mete, lyönon gwon i ŋuto logon Ŋun ririŋ lo! nyenagon ko lauŋdya tojumisi ti Kabulönit lo ŋo liŋ.

¹⁸ Kogwon nye böböŋöddu, ama nye dodoggu ’dikasin, könisi kanyit ’bi ’biddyo köti totoligga.

¹⁹ Nye mo lwölwökun do kaŋo i delyaesi buker; ma ’di i delyaet toburyo a ŋo naron mo tine ’bo ’yu do.

²⁰ A nye mo lwokuŋdye do kaijo i twan i diŋit na dyaŋ, a mo lwökuŋdye do i riŋit na baŋdu i diŋit na gor.

²¹ A do mo ’delani ’dela i kulyaesi sa sanye si logon ’bidoyti gwoso kurubasi, a do mo tine kujönö ko tukaret a po.

²² A do mo kweni ’e kweni ’e tukaret se ko dyaŋ, a mo tine kujono kijakwa ti mu ’diŋ;

²³ kogwon do mo totorukökin ko ŋurupo gwoso ŋutu adi se mo ti gwon jore parik konut i meleseno, a kijakwa ti mu ’diŋ mo gwe a julin kulok.

²⁴ A do mo deŋdi adi mede inot gwon ’bura, a do mo wöŋi goro ilot a nene ŋo gwe ’bayin nagon a likin.

²⁵ A do mo köti deŋdi adi nyakwariat kulok mo gwon jore, a ŋwajik kulok mo ’dije gwoso döru.

²⁶ A do mo ’dokoni konut i gulom nagon kiŋajin kulök aje tema-kiŋdya nu, gwoso na ’dököri kusik ti ’bolot i pirit gwutet i diŋit nase nu.

²⁷ Mete, yi aje galun kine ŋo kaŋo, ’diri a gwak; yiŋge, ko dene den ko mugun, kogwon se a ’bulit inot.