Eyobo 25 - Bibilia Buk na Ŋun nagon koti luŋu a

Biladada a renya adi ŋutu ti bulö gwon ’bak kulya narok ko Ŋun i komor

¹ A kirut Biladada lo po Suak lo ruddye jambu adi,

² Todumalan gwon ko Ŋun, lepeŋ kukujönörikin, lepeŋ teteŋdya taliŋ ki kanyit yu.

³ Kurumi nanyit na kamörök ŋona bubulö kena le, ko ŋa logon ŋona se ti bulö domba?

⁴ Nyena ŋuto bubulö kurwe ada ko Ŋun i komor adi lepeŋ ’bak kulya? Kode nye lo yuŋweki i na kak lo bubulo gwon a loke ada?

⁵ Mete, ma ’di yapa ti kobbu parik, a kaser tine meta a loke kanyit i komor,

⁶ bia parik a ŋuto logon a kagwoŋ-wokti logon a kurutöt kana gwe a loke ada?