Eyobo 16 - Bibilia Buk na Ŋun nagon koti luŋu a

Eyobo a wiwinya adi Ŋun a ko konakin nye ’bura

¹ A kirut Eyobo waddi adi,

² Nan aje yiŋga kulyaesi jore gwoso kilo; ta liŋ a kasukak katudarak.

³ Ŋona kulyaesi logon a köbuŋot kana ’ba ’baka le? Nyo lo tiŋdu do i waddu a ’dori sona?

⁴ Nan köti bubulö jambu gwoso ta, ko ta ködyö gwon gwoso nan; nan ködyö bubulö ’di ’yö kulyaesi kasu ki, a nan do doŋgi kwe nio ko ta.

⁵ A nan kodyö togo ’yi ta ko kulyaesi kwe, a ŋedep liŋ tine gwo ’dan i sugga na ta.

⁶ Ko nan jajambu, a miesi kwe tine yukörö, a ko nan yiŋani taliŋ, a tine kölö-kin nan kwöŋ.

⁷ Ama ju liŋ tutudara nan, a lepeŋ se ko teŋ nanyit keggi nan ko kulyaesi kase.

⁸ Nye aje gwi ’dikin ki i tokoŋu na kulya kwe arabat; kaŋöönit liŋ pökiŋdyö nan köyö i komor.

⁹ Lepeŋ aje kekeren nan i woran nanyit, a maŋdi nan; lepeŋ a piŋa kala ko nan; miriku liŋ rukiŋdya nan konyen.

¹⁰ ŋutu aje pakiŋdya kutusen kase köyö ki, a se nanaŋaji nan i ŋebia ’dö ’döju nan, a se liŋ momoruŋdye ’börik i pirit na geleŋ i niörö ko nan.

¹¹ Ŋun a pakin nan i ŋutu lorok, a gubakiŋdye nan i könisi ti katoronyak.

¹² Nan köju si ’da ko taliŋ, a nye iŋge kör nan asut, a nye morgi nan i murut, a gigiddye nan ka ’de ka ’de. Nye a togwi ’dikin nan ki a biso lonyit;

¹³ a nye puruŋdye loya kanyit köyö ni i swötön liŋ; a nye tu ’ye puleŋa kwe a tine pitökin, a ’bukökiŋdye ’deŋgele nio i kujöŋ.

¹⁴ A nye tutuluje nan i piritön liŋ gwoso gorom na tutulö, a nye burunyuŋdye köyö ni gwoso ŋuto wa!

¹⁵ Nan aje ribba boŋgwat terekesi anyen muggö mugun nio, a nan iŋge dulakine kwe nio i kujöŋ.

¹⁶ Komor nio aje wora ka ’de ko gwien, a konyen kwe iŋge gwugwuki,

¹⁷ ma ’di nagon nan tine mörö, a nan momo ’yi ko töili lo ’but.

¹⁸ Do kak, an do ko ’de ’ya rima kwe, ti se gwine ’bak yukan anyen ŋutu lo konakin nan arabat kulo roröpaki.

¹⁹ Nyenagon mete, katokoronit lo kulya kwe lu ki yu, kajunyönit liŋ lu i ’diko.

²⁰ Momolesi kwe mo ’du ’dur ko Ŋun yu, a konyen kwe ’bukökiŋdye lepeŋ politan.

²¹ Ko ködyö kalilianit kata lo lilija kulya ti ŋuto ko ŋun, gwoso ŋuto ko marate lonyit kata ko kalilianit lose na!

²² Kogwon ko kiŋajin ku ’dik aje jo, a nan mo iti i kiko logon nan mo ti yitwe lu.