Esetere 10 - Bibilia Buk na Ŋun nagon koti luŋu a

Todumalan na Mordekai

¹ A mor Akasuwero tiŋdi saret i ŋutu logon gwon i jurön ko i tikönyö anyen robba usur.

² A konesi liŋ ti kido ko riŋit nanyit se ko dekat liŋ nagon lepeŋ a ’dulukiŋdye Mordekai ki a duma kinu, a wuröki i Buk na Dekat ti moran ti Madai se ko Parasa, ti gwon sona le?

³ Kogwon Mordekai Yudayakityo gwe a yumi lo mor Akasuwero, a nye gwe a duma i kiden na Yudayaki, a lepeŋ nyarani nyara ko lojore ti luŋasirik kanyit, kogwon lepeŋ a galakiŋdya ŋutu kanyit si ’da na ’but, a jambi ’bura ko ŋutu kanyit liŋ.