Delyasi 5 - Bibilia Buk na Ŋun nagon koti luŋu a

Moret anyen ŋun pitokiŋdyo se

¹ Pon MATAT, yeyene yeye ŋo nagon aje ’dukin kayaŋ loki kune; meddi ’bura lawe nikaŋ.

² ŋutu lepelok a ruddya jur likaŋ lomore, Lwaka aje ruddya ’baŋin kaŋ.

³ Yi aje wora gwoso kikijiko logon ’bak komonye; koyaŋgo gwe gwoso karu ’bejin.

⁴ Pioŋ kaŋ na mamata yi rope roŋ ko gurut, kaden kaŋ na nanama tugworokine yi.

⁵ Kaden gwolor aje sopaki kayaŋ i muruto a yi ri ’dikine i kita parik; yi aje dara, yi a ko tiki yukan.

⁶ Yi a mamanyaddu ko konisi kaŋ i Ejipeto ko i Asura anyen wuju kinyo lo temakiŋdya yi.

⁷ Kobaba aje toroŋdya, a gwe ’bayin; a yi ’doggi lyaŋesi kase.

⁸ A ’dupi lo gwe a kasarak kaŋ, a Ŋuto gwe ’bayin lo riŋuŋdya yi kaŋo kase i konisi.

⁹ Yi a pakin ru nikaŋ i ga ’yu na kinyo, kogwon merok kata i yobu.

¹⁰ A dyaŋ iŋge tikin mugunya kaŋ i sa ’yu pape gwoso pirit namet.

¹¹ ŋutu wate a ryaka Siona yu, a kö ’disi iŋge ri ’diki i lulupotu i köjino ti Yuda.

¹² A kasarak iŋge leleyo i konisi kase, a ŋutu temejik tine bula.

¹³ A teton iŋge ri ’diki i pirit jiyet na ’bolot i jijo, a ŋwajik luŋoro luŋoro i ’doggu na kaden na nanama.

¹⁴ ŋutu temejik aje ko ’yu si ’da i kotumit na köji i ri, a teton iŋge ko ’yu ju ’yo tito gwoesi.

¹⁵ Lyoŋon gwe ’bayin kayaŋ i töilyet, a gwoja nikaŋ iŋge wora a na delya.

¹⁶ Minyojin logon kayaŋ i kusik kulo aje ’do ’do kak; Woidio yi, kogwon yi aje toroŋdya!

¹⁷ Toilyet kaŋ mimien kogwon kine kulya, a konyen kaŋ iŋge muso kogwon kine ŋo,

¹⁸ kogwon mere Siona a körö a gwagwea lo wöröni i loki nanyit.

¹⁹ Ama do pon MATAT, do a kasaranit ŋupi; si ’daet inot na tumatyan yeyeŋon i nyakwariat liŋ.

²⁰ Nyo do böböŋo yi asut a koloki-ŋdye yi ko diŋit a najo le?

²¹ Pon MATAT, toyituŋdye yi konut ni a yi mo yitwene yitwe! Tiki yi i gwolor gwoso na koju nu!

²² Kode do ŋona ’diri aje paju yi, a do iŋge woran koyi a tömönik le?