Delyasi 4 - Bibilia Buk na Ŋun nagon koti luŋu a

Yerusalema a riŋa ajo

¹ A dyoŋ, dakap aje wora a nakuye, dakap nalilipök aje wora ka ’de! ŋurupo ti pirit nake na rurwan parasake i keresi liŋ ti kikolin.

² A dyoŋ, ŋwajik ti Siona logon gwoso liŋ lo gworo go, ’bulit nase gwoso dakap nake, lepeŋat yeyeo gwoso mu ’dajin kana logon ŋuto lo gweja.

³ Ma ’di gwagwea tiŋdu torela kase anyen nonoggu, ama ŋutu wate ti ŋutu kwe a wora a bama gwoso tutwolon ti yobu.

⁴ A ŋedep lo lupudi lo nonoggu ’depakiŋdye kanyit i ’dako ko kure na nöggu. a ŋwajik lo ’di ’dik momoloddi ki-nyo, ama a ŋuto gwe ’bayin lo tiŋdu lepeŋat.

⁵ ŋutu logon koju nyesu kinyojin lo ’but kulo a dosakiŋdya i kikolin, ŋutu logon koju a diniki jupu boŋgwat na ’bule ti tumatyan kulo gwoŋti i ki ’dirojin.

⁶ Kogwon toronjin ti ŋutu kwe a Iwoŋgu parik Iwolwoŋ ti Sodoma nagon koju a söpukö ’de ’de kijek, a lele ŋuto gwe a ko ’bulukin könin kanyit loki.

⁷ Temejik ti ŋutu kwe koju a loke parik Iwolwoŋ torok ti kudu, ko a lokwe parik Iwolwoŋ le; mugunya kase meta a nator Lwo-lwoŋ ŋurupö nator, a kwelen na gweya nase gwe gwoso ŋurupo sapira.

⁸ Ama a komorsikan kase worani a narwök Iwolwoŋ kuk, a lele ŋuto gwe ’bayin lo gwulu ’yu se i kikolin, a ’borik kase iŋge ’depakiŋdya kase i kuyu, a iŋge kworoggu a gwe gwoso ködini loteyon.

⁹ Bia se lo tatua ko baŋdujin Iwolwoŋ se lo twatwa ko magor, logon a sokara a iŋge riŋon kogwon magor na kinyojin ti melesen.

¹⁰ Ma ’di ŋutu nagon a kanyarak lepeŋat ko ’borik aje deŋa ŋwajik kase; ŋwajik kase gwon a kinyo lose i diŋit na tukarari ŋutu kwe.

¹¹ MATAT aje woran a tömönik, nye aje koluŋdyo woran nanyit abur; a nye mokakiŋdye kimaŋ Siona a totumbe pipilesi kanyit.

¹² A moran ti kak kode lele lo ŋutu logon si ’da kak ni kulo koju kwoŋ a ko yuŋ adi kamönyök kode merok bubulo lupö i kotu-miton ti Yerusalema.

¹³ Kine kulya a pokin kogwon toronjin ti nebijin ti ŋinu köji se ko lyaŋesi ti koanejin kanyit, logon a ’bukuŋdyo rima ti ŋutu ti loti lo rigwo i lukata nanyit.

¹⁴ A se wirte abur i kikolin gwoso ŋutu mo ’dokeno, anyen ŋutu gwon ti ’bo ’yu ma ’di boŋgwat kase kogwon a ’yo ’yota parik ko rima.

¹⁵ A ŋutu woŋe ko lepeŋat adi, Iŋgo ta, ta a lut! Iŋgo ta, iti ta kaŋo! An ta ko ’bo ’yu ta yi! A lepeŋat rurumaddi kaŋo, a se wirte abur i kiden na juron, a tine bulo ryeju pirit nagon lepeŋat si ’da kata.

¹⁶ MATAT ko mugun nanyit lo torekiŋdya lepeŋat, a nye gwe a ko yeye lepeŋat koti kwoŋ; a koanejin tine bula koti, a temejik gwe a ko twoi.

¹⁷ Konyen kaŋ aje muso i diŋa ko kana ŋutu logon kodyo po i parakiŋdya na yi; yi aje nyiŋgo diŋit a najo jur logon kodyo Iwoggu yi ama ti bulo.

¹⁸ ŋutu domba yi i woro, anyen yi gwon ti woro abur; ’dutet nikaŋ gwe nyona, perok kaŋ aje kenaki, iŋkoi, ’dutet nikaŋ ’diri aje po.

¹⁹ ŋutu lo rikuŋdyo yi kulo wowo-kun ’de ’de Iwolwoŋ yukuŋ lo ’daju ki; a se rikoddi yi i merya loki, a se ’danani mu ’diŋ i domba na yi.

²⁰ A se morgi ŋuto logon MATAT a welakin a mor lo kase i meyi, ŋilo ŋuto a ru nikaŋ. Ama yi aje yinikin ŋilo ŋuto adi lepeŋ kodyo lo muggö yi ko tolimot nanyit i kiden na juron.

²¹ Ta ŋutu ti Edom logon si ’da i jur lo Usa kilo, lyoŋi ta lyoŋon ko nyolani ta nyola; kolumbo dikori na woran na ŋun mo ’du ’durökin a kiyuk kasu i jur, a ta mo mere meran, a mo yoköji ’borik ’buson.

²² Do köji na Siona, toronjin ti ŋutu kulok aje jo riŋa, ŋun kwoŋ mo ti kolokin ŋutu kulok i joŋa nene daŋ a ’dupi; ama ta ŋutu ti Edom, nye mo ririŋ ta i lyaŋesi kasu, a nye mo kweji toronjin kasu.