Delyasi 2 - Bibilia Buk na Ŋun nagon koti luŋu a

Delyaesi ti Yerusalema po ko MATAT

¹ A dyoŋ, MATAT ko woran nanyit aje jakin köji na Siona mudwe! Lepeŋ ki yu aje gubun kwelen na Yisaraele kak, i lor lo woran nanyit a nye gwe a ko yeye Siona nagon a tokit nanyit na mokosi.

² MATAT aje tukar midijik ti ŋutu liŋ ti Yakobo ’bak pitokiŋdyo; i woran nanyit nye aje tur kak piriton nago na titiyu ti tumatyan na Yuda; lepeŋ aje nyokun tumatyan se ko kasarak kanyit kak i kujoŋ anyen lalawe.

³ I woran nanyit na pape a nye iŋge ’be ’beleŋ riŋiton liŋ ti Yisaraele kak, a nye iŋge nyokoro könin lonyit lo riŋit bot i diŋit na poŋdi merok kase nu; a nye tulene ko Yakobo i pirit gwoso kimaŋ na totumbo ŋo liŋ nagon kanyit nyona.

⁴ Lepeŋ gwo ’dan gwoso kamonyi ko könin lonyit lo lutaten a rioji i rokuŋdya na dan; a nye iŋge tatu ŋo liŋ nagon meta a na ’but, a nye ’bukokiŋdye woran nanyit nagon gwoso kimaŋ na i kadijik ti köji na Siona.

⁵ MATAT aje wora gwoso miriku, lepeŋ aje tukar Yisaraele; a nye iŋge kökörö kadijik kanyit liŋ ti tumatyan, a iŋge kon piriton kanyit nago na titiyu a murwoki; a nye iŋge ’yalakiŋdya kunie durwe-si se ko delyaesi jore i tumatyan na Yuda.

⁶ Lepeŋ aje tur morogo nanyit kak gwoso mor ŋgo na gwon i melesen, a tomurwoji pirit nagon rorweki lo wulwe kona kata na. A MATAT to ’duddye rorweki lo wulwe se ko sabatajin i Siona, a nye ’do ’doji mor se ko koane i woran nanyit na pape.

⁷ MATAT aje paju pirit nanyit ’yuret na rubaŋgajin, nye aje man pirit nanyit nake na rurwan; a nye iŋge ŋutu kin goroma ti kadijik temejik i konisi ti merok; a woŋon gwe a duma i kadi na MATAT gwoso woŋon na rorwe lo wulwe.

⁸ MATAT ajeyeyeju tukaŋu gorom nagon a mariŋ na köji na Siona, a nye tembi ko pata temet; a nye gwe a ko rorokun könin lonyit i tukaŋu na ŋinu gorom, a mariŋ na kaŋo se ko gorom nagon a mariŋ na köji delyani delya gwoso ŋutu a iŋge dosakiŋdya kak i pirit na geleŋ.

⁹ Kotumiton ti mariŋ na köji aje ’diroro kak i kujoŋ, nye aje kökörö ko a ’be ’beleŋ rigi-lesi kanyit. A mor se ko temejik kanyit gwe i kiden na lwaka, a saret lo ŋun gwe ’bayin koti, a nebijin kanyit gwe a ko meddya kunie ŋo nagon MATAT kodyo kwekwekin se kase i toilyet kune.

¹⁰ ŋutu temejik ti köji na Siona si ’da i kujoŋ adi lii, a iŋge raddu ŋutut kase i kusik a Jupu boŋgwat terekesi; a kö ’disi ti Yerusalema du ’ye kusik kase i kujoŋ.

¹¹ Konyen kwe gwe pötwör ko gwien; monyet kwe mimien, toili lio ’bukuŋdyo kaŋo i kujoŋ kogwon koro na ŋutu kwe; kogwon ŋwajik lo ’di ’dik se ko lupudiet lo nonoggu aje dosakiŋdya kak i kikolin ti köji.

¹² A se iŋge dosakiŋdya kak i kikolin ti köji gwoso ŋutu lo bobo-ŋoji, na duwuŋdye se kase ko ŋote i kidoni nu, a se gwiki ko ko ŋote adi, Liya kinyo se ko binyo?

¹³ Pon köji na Yerusalema, nan Tamakin do nyo, ko tojoju do ko nyo? Pon köji na Siona, nan tojoju do ko nyo anyen nan boŋo sugga do? Kogwon ’dika inot a nagalaŋ gwoso tor duma na ’balaŋ, na nona logon bubulo toligga do?

¹⁴ Nebijin kulok aje metakiŋdya do kulya kase i toilyet nagon a ’burönö ko a mumulukesi, se a ko timun lyaŋesi kunok anyen nyokuŋdyo do kaŋo i to ’dupien, ama se aje metakiŋdya do kulya kase i toilyet nagon a ’burönö ko a tulyaŋesi.

¹⁵ ŋutu liŋ lo lwopoddu i kiko kulo naŋanaju konisi kase ko do, a se ’diuŋge ’diugga dodoŋga kusik kase, kogwon kulya ti köji na Yerusalema, a se pije ’borik adi, ’Diri ŋina a köji nagon koju luŋu a nake nakwekwelen ko a lyöŋit na nutu liŋ ti kak na le?

¹⁶ Merok kulok liŋ ŋaju kutusen kase arabat ko do, a se ’diuŋge ’diugga a niŋe kala kase, a se won adi, Yi aje tukar lepeŋ asut! Lo a lor logon yi möŋdu nye, yi aje ryö ŋilu lor ko aje met lepeŋ.

¹⁷ MATAT aje koŋdya ŋo nagon nye a yeye i koŋdya kune, lepeŋ aje temakin tokujönöet nanyit gwoso na saŋi nye köju ’beron nu. Nye aje rusuggö do ’bak pitöki-ŋdyö, nye aje tin merok kulök i lyöŋön ko do, a toduma ’yi riŋit na kamönyök kulök.

¹⁸ Do köji na Siona nagon a gömö ko mariŋ, gwiki ko MATAT! Ti politan kunök ’buköjine kak gwoso kare lo ’do ’dokon ko tuparan ko tukwaje! An do ko tin mugun i yukan, an politan kunök lilik.

¹⁹ ŋine ki, gwine parik i tukwaje temba i diŋitan liŋ ti tukwaje! ’Buköki töili ilot ko MATAT i komor gwoso pioŋ. Mamanyaddi ko lepeŋ yu i kulya ti gwiliŋisi ti ŋwajik kulök logon a doddya ko magor i keresi liŋ ti kikolin.

²⁰ Boŋgi pon MATAT, ko meddi, do a konakiŋdya ŋa ŋo gwoso kine? ŋutu wate ŋona ködyö nyesu lupudiet kase logon se a ’dep ko könisi kase kulo le? Koane ko nebi ŋona bubulö tatua i pirit inot nake na rurwan le?

²¹ Lupudiet se ko ŋutu muduŋin a peron i ŋutut ti kikolin; kö ’disi kwe se ko teton kwe aje ’do ’do kak a tatua ko baŋdujin. Do a tatuja lepeŋat i lor lo woran inot, a do gwe a kowon konyen i tatuja na se.

²² Do aje luŋgu merok kwe i swötön liŋ gwoso ŋutu lo luŋwe i lor lo rorwe lo wulwe, a lele ŋuto gwe ’bayin lo rwöddu kode lo pituŋdyö i lor lo woran inot na MATAT. Merok kwe aje tukar ŋutu liŋ logon nan a ’dep ko a wowo kulo.