Amosa 6 - Bibilia Buk na Ŋun nagon koti luŋu a

Yisaraele tutukara

¹ Woidio i ŋutu logon yeyeju adi se si ’da ’bura Siona, ko i se logon yeyeju adi nene ŋo naron ti pokin kase i mere lo Samaria, kilo a ŋutu lokukwön logon jur lose a bula a togeleŋ lo juron, ŋutu ti kötumit na Yisaraele tu ko kilo ŋutu yu!

² Lwoŋoddi ta Kalene, ko meddi ta, a kirut nyu iti ta Kamat duma a kirut lulurara ta Gata na ŋutu ti Pelesete. Tumatyanjin kase ŋona ti lwöŋ tumatyanjin kasu le?

³ Ta logon tomijoddu lor loron pajo, a rurumuŋdye ’de ’de diŋit nagon ŋutu loron mo tumatyan ko ta.

⁴ Wöidiö i ŋutu lo piriki i dotoesi na tokwelenyo ko kala ti tome, a rikiŋdye ’börik kase i dotoesi, a nyesi yisi lo ’dumwe i teŋ na yidin, se ko kaja na ’dumwe i goro;

⁵ a se yo ’yi kölisi logon a wuya kana i ju ’yö na tomon, a se tetenakiŋdye ’börik titö yolesi gwoso na teteŋdi Dawidi köju nu;

⁶ a se möji binyo i diköriöt a we ’yi ’börik ko welesi na ’but parik, ama a se tine delya tukara na kotumit na Yosepa.

⁷ Nyena lepeŋat mo lo joŋa a kokwe i to ’dupien, a ŋutu lo rikiŋdyö ’borik kase i dotoesi kulo mo tine lyöŋön köti kwöŋ.

⁸ Nan MATAT ŋun aje milyeju ko mugun nio adi, ’Diri ’diri nan maman ’du ’duŋga na kötumit na Yakobo, a maŋdi piritön kase nago na titiyu; a nan mo wukiŋdye köji se ko ŋo liŋ na gwon i lukata nanyit kune i könisi ti merok. Kilo a kulyaesi kwe ti MATAT ŋun lo kurumi.

⁹ Ko ŋutu puök a kölöki i kadi geleŋ a se mo twatwane twatwa.

¹⁰ A karutyo lo ŋuto lo twan logon po i nugga na lepeŋ lo mo ’dukuŋdye öpu nanyit kaŋo kadi. A nye pipije ŋuto logon si ’da i ’dutet na kadi adi, Kulye ŋutu nyuŋ kata ko do i pirit na geleŋ le? A nye waddi adi, ’Bayin. Köti adi, Yiŋani taliŋ! Ti yi gwe ti ’diŋdya karin ti MATAT.

¹¹ Kogwon mete ta, MATAT sasaŋu a kadijik dumalak ko na ’di ’dik dukani kak ka ’de ka ’de.

¹² Kusanjin ŋona wöwöki i lelya na gwon i piritön nagon a wilön? ŋuto ŋona bubulö kuŋu tör ko öwönin? Ama ta aje löpuk ’duŋgö na putesi gwogwo a kisum, a löpuŋge roŋet na löti lo rigwo a lo ’burtölöŋ.

¹³ Ta lyölyöpon i morga na ŋo kana, a ta yuŋggi ’borik adi ta aje mok riŋit ko tuwalan nasu.

¹⁴ Nan MATAT ŊUN lo kurumi lo kulya adi, Ta kötumit na Yisaraele, mete ta, nan mo totopikin ta lele jur i mörö ko ta; a lepeŋat mo ru ’ye ta suluja i kwake nagon lupörikin Kamat tojo ko loro lo Araba.