2 Timoteo 4 - Bibilia Buk na Ŋun nagon koti luŋu a

¹ Nan saŋu do i komŋo na Ŋun ko na Kristo Yesu logon mo ’duŋgo putesi ti ŋutu liŋ lo gwon jorun se ko logon a twatwa kulo; nan saŋu do ’diŋdya pukun nanyit se ko tumatyan nanyit,

² ti do tokuje tokujo Kulyaet lo Ŋun, ko rurutuki i diŋitan na ’but kode i diŋitan narok. Riripe ririŋ ŋutu, ko yuyuke yuyuk lepeŋat, togole togo lepeŋat. Ŋoŋgi taliŋ ko se, an do ko jaran kwoŋ i todiŋdyö na lepeŋat.

³ Kogwon diŋit mo ŋoŋo nagon ŋutu mo ti ’bon yiŋga todinesi nagon tiŋdu ŋutu gwon ’bura, ama a se mo koŋdi gwoso na ’deggi se na, a mo galakiŋdye ’borik katodinök jore logon mo todinikiŋdyö se kulya nagon swö kase pupuri i yiŋga.

⁴ A lepeŋat mo Iöpuköddi kaŋo i yioga na kulya ti to ’diri, a girara i yiŋga na likikirilon kana.

⁵ Ama do agu ködyo tiju mugun ’bura i ŋo liŋ ŋoŋgi ŋoŋga; kitani a katokuonit lo Loŋe Lo ’but; kitani kita inot tojo ko ’dutet.

⁶ Kogwon ru nio soŋinana aje ’buköki kak a rubaŋga, köti diŋit nagon nan wuwuddye aje ’durökin.

⁷ Nan aje mörö gor lo ’but, nan aje tutuŋgö wökön na opere, nan aje ’debba yupet.

⁸ Soŋinana yöŋgi Iŋguya telet logon mömöŋdu nan, ŋilo Iŋguya a Löti lo rigwo logon Matat ka ’duŋönit lo rigwo mo tikin nan i lor lo ’dutet. Ti gwon a nan lo tiki geleŋ, ama tiki ŋutu liŋ logon gwon ko pusök i mböŋu na pukun nanyit kilo.

Kulya na saraki kulye ŋutu

⁹ Möŋi möŋu parik i ŋo köyö ni ’de ’de,

¹⁰ kogwon Dema aje kölökin nan. Lepeŋ aje nyar kulya ti na kak parik, a iŋge tu Tesalonike. Kuresekene a tu Galatia, a Tito iŋge tu Dalamatia;

¹¹ Luka ka ’de lo gwe ko nan ni. ’Dumu Marako, baru lepeŋ, kogwon lepeŋ a lo ’but i parakiŋdya na nan ko kita.

¹² Nan aje son Tukiko Epeso.

¹³ Ko do ŋoŋdi ŋo, baru boŋgo nio muit ŋina nagon nan köju a kölökin ko Karoŋ i könin Turoa yu nu, köti baru bukön kegga waragalan nagon a gobero kine.

¹⁴ Alesaŋöero kanitönit lo mölwö a konakin nan arabat parik. Matat mo roropakin lepeŋ i konesi kanyit.

¹⁵ Do ko mugun inot meddi ’bura i kulya ti ŋilo ŋuto, kogwon lepeŋ a tiddya go i renya na kulyaesi kaŋ.

¹⁶ I daŋ togeleŋ na yiŋari putet liŋ nu, lele ŋuto ’bayin lo toggu nan, kölumbö ŋutu liŋ a kölökin nan. Ti Ŋun gwe ti ’diŋdya adi se a koŋdya arabat.

¹⁷ Ama kölumbö Matat lo töggu nan a iŋge tikin nan riŋit, anyen nan tokujö ŋilo kulyaet ’bura, anyen ŋutu ti jurön liŋ böŋö yiyiŋ; nyena a nan iŋge riŋwe kaŋo i kutuk na kömiru.

¹⁸ Matat mo lwölwökun nan kaŋo i ŋo liŋ narok, a joŋgi nan ’bura i tumatyan na ki. Ti bulet gwe kanyit ŋupi ŋupi. Amin.

Romesi ti ’dutet

¹⁹ Rome ko Pirisika ko Akwila, se ko mede na Onesiŋoro.

²⁰ Erasito lu si ’da Korinto. Nan a kolokin Turopimo Mileto yu kogwon lepeŋ a gilö.

²¹ Möŋi möŋu i ŋo i ŋerot na meliŋ. Eubulo, ko Pudento, ko Lino, ko Kalaudia se ko luŋasirik kayupök liŋ roman ko do.

²² Ti Matat gwolore konut i töili. Ti ’busan gwe ko ta.