2 Dekat 1 - Bibilia Buk na Ŋun nagon koti luŋu a

Solomona a muluŋdyö kogon

¹ A Solomona ŋuro lo Dawidi togwi ’dikiŋdye mugun go i tumatyan nanyit, kogwon MATAT Ŋun lonyit gwon ko lepeŋ a töduma ’yi lepeŋ parik.

² A Solomona jambi ko ŋutu liŋ ti Yisaraele, kweja adi ko kanyomok ti kamorok alipan ko miajin, ko ka ’duŋok, ko kimak liŋ ti Yisaraele logon a kusik ti kotumiton ti merenyejin.

³ A lepeŋ se ko ŋutu lo momora kulo liŋ iti i pirit kwakwaset na gwon i ko ’du Gibeon yu; kogwon kemia na Ŋun torumet gwon nyu, nagon Mose kölipönit lo MATAT a teten i yöbu nu.

⁴ (Ama a Dawidi aje ’dokoro saŋduk na Ŋun kaŋo Kiryat-yarim yu tojo ko pirit nagon lepeŋ aje tetenakin nye nu. Kogwon lepeŋ aje ’bikikiŋdyö ŋinu saŋduk kemia Yerusalema nyu.)

⁵ A pirit ’yuret na rubaŋgajin na tetena ko mölwö köti gwe nyu i komor na kemia na MATAT. (Ŋinu pirit ’yuret Besalela ŋuro lo Uri, ŋuro lo Kur lo teteŋdya.) A Solomona se ko ŋutu lo momora kulo iti nyu i kwakwaddu na MATAT.

⁶ A Solomona kiyaddi tojo ko ŋinu pirit ’yuret na rubaŋgajin nagon a mölwö na gwon ko MATAT i komor i kemia torumet, a wukiŋdye rubaŋgajin lo ’yu ’yura ’buluŋ aliŋ geleŋ i loki na ŋinu pirit ’yuret.

⁷ A i ŋilu tukwaje a Ŋun puköki ko Solomona a kulyani ko lepeŋ adi, Pije ŋo nagon nan titin do.

⁸ A Solomona kulyani ko Ŋun adi, Do a kwekiŋdya baba Dawidi nyaŋu inot duma nagon ti ’duddyo kwoŋ na, a do aje tiŋdu nan a mor i ruddya na lepeŋ.

⁹ Nyena pon MATAT Ŋun, ti milye ilot logon do amilyekin baba Dawidi lo böŋö ti konani kona soŋinana, kogwon do aje tiŋdu nan a mor lo ŋutu jore parik gwoso ŋutu ti kak.

¹⁰ Nyenagon soŋinana böŋö tiŋdi nan koŋon ko kuruŋdyo anyen nan bubulö nyombu kilo ŋutu ’bura; kogwon ŋutu ŋona a ŋa logon jujukin saŋu ŋutu kulok logon a kotumit duma?

¹¹ A Ŋun waddi Solomona adi, Kogwon ŋina ŋo kata konut i töili a do gwe a ko piyuŋdya toro ’bo, kode tukworien, kode bula, kode luŋa i tolikiŋdyo na ŋutu logon maman do, a do köti gwe a ko piyuŋdya ma ’di i si ’da ko kiŋajin jore, ama do aje pikiŋdya mugun koŋon ko kuruŋdyo anyen do saŋu ŋutu kwe logon nan aje tikin do a mor lose kilo,

¹² nyena wuji koŋon ko kuruŋdyo. Nan de köti titin do tukworien, ko toro ’bo, ko bula, nagon köju lele mor logon konut ŋerot a ko ryo se, kode logon mo pupukun konut i mukök lo ti bulo ryeju ŋo gwoso kune.

¹³ Nyena a Solomona kö ’yi komor na nu kemia torumet na gwon i pirit kwakwaset na gwon i ko ’du Gibeon yu, a yitöni Yerusalema, a saŋi Yisaraele.

Solomona a dööddu ko kusarijin se ko arabiajin lo jijiko

¹⁴ A Solomona momori i pirit na geleŋ arabiajin lo jijiko ko kajoŋak ti kusanjin; a nye gwe ko arabiajin lo jijiko miajin puök wot iŋwan ko kajoŋak ti kusarijin alipan puök wot murek, a nye soŋdi kulye kase i si ’da i köjino ti arabiajin lo jijiko, ko kulye anyen gwon ko nye mor Yerusalema yu.

¹⁵ A mor tiŋdi podo ko dakap gwon a roki gwoso torok Yerusalema yu, ko a tiŋdu kaden logon gwoso tika anyen gwon a roki gwoso ki ’biet ti ’dir na merya.

¹⁶ A Solomona gwöruŋdye kusanjin Musiri ko Kue; a katugworok ti mor wuji se Kue yu ko ropet.

¹⁷ A arabia geleŋ lo jijiko, lo jwe Musiri yu gworoni ko podojin miajin buker, a ropet na kusan geleŋ gwe a podojin mia geleŋ ko merya mukanat; a kine ŋo iŋge tugworoki moran ti Kiti ko ti Suria i könisi ti kilo katugworok.