MALAKI 4 - Bisã Bible 2005

Dikiri sugɔrɔ zĩ

¹ Makũ Dikiri Zĩ̀karide ma pì: À ma! Gɔrɔ pì tɛn su, anigɔ̃ wãna lán tãmatɛ bà, akũsɔ̃ ĩadãrinɔ kũ yãvãnikɛrinɔ nigɔ̃ de lán sɛ̃̀ kori bà. Gɔrɔ pì ni ń kpata ń pínki, ń zĩni ke ń ɔnɛ ni gɔ̃ro.

² Ákɔ̃nɔ kũ á ma vĩna vĩnɔ sɔ̃, á surabana Ifãntɛ̃ ni bo, aafia nigɔ̃ kú a gupurai. Áni bɔtɛ àgɔ̃ vĩvĩ lán zùnɛ kũ ò ń gbárɛnɔ bà.

³ Makũ Dikiri Zĩ̀karide ma pì: Gɔrɔ kũ ma bo kũ yão áni gɛ̀sɛ pɛ́tɛpɛtɛ gbɛ̃ vãninɔa, onigɔ̃ de lán túbu bà á gbá gɛ̃i.

⁴ À tó doka kũ ma kpà ma zɔ̀bleri Musaa zaa Orɛbu gɔ̃ dɔágu, yã kũ ma dìtɛ Isarailanɔnɛ kũ yã kũ ma dàńnɛo.

⁵ À ma! Mani annabi Ilia zĩáwa ari ma sugɔrɔ zɔ̃kɔ̃ vĩnade gɔ̃ gɛ́ ká.

⁶ Ani tó denɔ pɔ gɔ̃ kú ń nɛ́nɔa akũsɔ̃ nɛ́nɔ pɔ nigɔ̃ kú ń denɔa. Tó lɛnlo, mani su mà ɔ pãtɛpãtɛ á bùsun mà lɛ́ kɛárɛ.