Online Bible

MALAKI 3 - Bisã Bible 2005

Dikiri yãkpatɛkɛgɔrɔ zĩ

¹ Makũ Dikiri Zĩ̀karide ma pì: À ma! Mani ma Zĩ̀ri gbarɛ à domɛnɛ arɛ à zɛ́ kɛkɛmɛnɛ. Dikiri kũ adì a kĩnaa wɛtɛ ni gɛ̃ a kpɛ́n kãnto. À ma, ma bàka kunna kãáo Malaika kũ á pɔ dɔaa pì tɛn su!

² Ama dí mɛ́ ani a sugɔrɔ fɔ̃ɔ? Tó à bò gupuraa, dí mɛ́ ani fɔ̃ à zɛɛ? Zaakũ anigɔ̃ de lán mɔ̀baasari tɛ́ bàmɛ, lán pɔ́pipirii mɔsɔnɔ gbãna bà.

³ Ani vutɛ à gbɛ̃nɔ baasa à gbãsĩ bońnɛ. Ani gbãsĩ bo Levi burinɔnɛ lákũ òdi kɛ wura kũ andurufuuoonɛ nà, gbɛ̃nɔ ni gbasa ò su Dikirinɛ kũ gbanɔ a zɛ́a.

⁴ Gɔrɔ birea Yurusalɛmudenɔ kũ Yudanɔ ń pínki gba ni ká Dikirigu lán yã bà, lán a zĩ bà.

⁵ Makũ Dikiri Zĩ̀karide ma pì: Mani suái yãkpatɛkɛkia manigɔ̃ wãna mà gbɛ̃ kũ ò ma vĩna vĩronɔ bobo ń dàn: Pɔ́dammarinɔ kũ zinakɛrinɔ kũ gbɛ̃ kũ òdi la da ɛ́kɛyã musunɔ kũ gbɛ̃ kũ òdi gbãna mɔ ń zĩkɛrinɔnɛ kũ gyaanɔnɔ kũ tonɛnɔ kũ bòasunɔ.

Kpãni'ona Ludaa

⁶ Makũ Dikiri madì litɛro. Abire yãin ákɔ̃nɔ Yakubu burinɔ ádi kakatɛro.

⁷ Makũ Dikiri Zĩ̀karide ma pì: Zaa á dizinɔ gɔrɔa a pã ma yãnɛ á tɛ́iro. À arɛ dɔma, mani arɛ dɔáwa. Adì pi, deran óni arɛ dɔmmaa?

⁸ Bisãsiri dì kpãni o Ludaa yá? Ama átɛni kpãni oma. Adì pi, bɔ́ musun átɛn kpãni omaa? Á pɔ́ kuride kũ á gbanɔ yã musumɛ.

⁹ Á buri sĩnda pínki gɔ̃̀ láari pɔ́ ũ kũ átɛn kpãni oma yãi.

¹⁰ À su kũ pɔ́ kurideo pínki à ká ma aruzɛkɛkatɛkin, de pɔ́ble gɔ̃ kú ma kpɛ́n. Makũ Dikiri Zĩ̀karide makũ mɛ́ ma ò. À ma lɛ́ abire musu à gwa, tó mádi musu zɛ́ wɛ̃ ma arubarikaa pìsiárɛ a kura a kákakiiro.

¹¹ Makũ Dikiri Zĩ̀karide ma pì: Mani kpá á burapɔ yàkarinɔnɛ de òsun á pɔ́nɔ kakatɛro. Á geepi línɔ nɛ́ ni wororo.

¹² Buri sĩnda pínki ni pi arubarikadenɔn á ũ, zaakũ á bùsu nigɔ̃ nna. Makũ Dikiri Zĩ̀karide makũ mɛ́ ma ò.

¹³ Makũ Dikiri ma pì: A yã pãsĩ ò ma musu. Adì pi, bɔ́ yãn o ò n musuu?

¹⁴ A pì zɔ̀blena Ludanɛ bi yã pãmɛ. Kũ o zĩ kɛ̀ Dikiri Zĩ̀karide yãa akũsɔ̃ o uta kasanɔ dà a yãi, bɔ́ àreen o lèe?

¹⁵ Tera lán dí bà adì pi ĩadãrinɔn arubarikadenɔ ũ. Átɛn da yãvãnikɛrinɔ mɛ́ òtɛn zĩni pɛ́tɛ, gbɛ̃ kũ àdi pi Luda kipa ò ɔsi ká sɔ̃, yãke dì a lero.

¹⁶ Akũ gbɛ̃ kũ ò Dikiri vĩna vĩnɔ yã ò kũ kɔ̃o, akũ à sã kpà ń yãi à mà. Akũ ò gbɛ̃ kũ ò Dikiri vĩna vĩ kũ òdi laasun lɛ́anɔ tɔ́ kɛ̃̀ dɔngu takadan a arɛ.

¹⁷ Makũ Dikiri Zĩ̀karide ma pì gɔrɔ kũ ma bo kũ yão, onigɔ̃ de ma pɔ́ ũ ma aruzɛkɛ ũ. Mani sùru kɛ kũńwo lákũ gbɛ̃ dì sùru kɛ kũ a nɛ́ kũ àtɛn zĩ kɛnɛɛo nà.

¹⁸ Áni gbɛ̃ mananɔ kũ gbɛ̃ vãninɔ dɔ̃kɔ̃nɛ sà, gbɛ̃ kũ òtɛn do Ludainɔ kũ gbɛ̃ kũ òtɛn doironɔ.

« Předchozí

další »

Následuj nás:

Sponzorované odkazy

Reklamy