Online Bible

LAASUNDE 6 - Bisã Bible 2005

¹ Ma nɛ̀sɛyakana yã è andunia gũn dɔ kũ à tɔ̃̀ bisãsirinɔa.

² Luda gbɛ̃ gbà ɔgɔda kũ aruzɛkɛo kũ bɛ̀ɛrɛɛo, a pɔ́ kũ à de àgɔ̃ a ni dɛ pínki vĩ, akũ Luda dí a gba zɛ́ à anfãni kɛ̀oro, gbɛ̃ pãnde mɛ́ à gɔ̃̀ vĩ. Abirekũ pãmɛ, nɛ̀sɛyakayã pãsĩmɛ dɔ.

³ Tó gbɛ̃ nɛ́ ì mɛ̀n basɔɔro, akũ à zĩ kũ̀ yúkuyuku, bee kũ a gìkɛnakɛo, tó adi pɔnna kɛoro, tó à gà, tó a gɛ̀vĩ kpetanaro, ma pì nɛ́ kũ ò ì gɛ̀ ũ sã̀na deala.

⁴ Zaakũ nɛ́ pìi sù pãmɛ, akũ à tà gusiran, a tɔ́ gɔ̃̀ tatana.

⁵ Bee kũ adi ifãntɛ̃ ero akũsɔ̃ à yãke dɔ̃ro, à nna mà de aruzɛkɛde pìla.

⁶ À de gbɛ̃ kũ à kun wɛ̃̀ wàa kuri pɔnnakɛsarila. Gu dokɔ̃nɔn òdi gɛ́n ń pínkinloo?

⁷ Bisãsiri ísimma kũ à wàra, de à pɔ́ le à da lɛ́n yãimɛ, ama a gbɛrɛ dì kãro.

⁸ Bɔ́n ɔ̃ndɔ̃ri deo yɔ̃nkɔlaa? Bɔ́ àreen yãkɛna a zɛ́aa dì i takasidenɛɛ?

⁹ Pɔnnakɛna kũ pɔ́ kũ ń vĩo mana de a pãnde nidɛnala. Abirekũ pãmɛ dɔ, pɛna gukoriamɛ.

¹⁰ Pɔ́ kũ à kɛ̀ yã tɔ́ vĩ kɔ̀, pɔ́ kũ bisãsiri de a ũ sɔ̃, ò dɔ̃ kɔ̀. Bisãsiri ni fɔ̃ à lɛ́kpakɔ̃a kɛ kũ gbɛ̃ kũ a gbãna dealaoro.

¹¹ Yãbɔtɛna dasi dì yã yaka. Bɔ́ àreen abire vĩ gbɛ̃nɛɛ?

¹² Dí mɛ́ à dɔ̃ pɔ́ kũ à mana kũ bisãsirio a wɛ̃̀ndi kori zaka kũ àdi gɛ̃tɛ lán uraa bà gũnn? Dí mɛ́ ani fɔ̃ à yã kũ ani kɛ a kpɛ andunia gũn onɛɛ?

« Předchozí

další »

Následuj nás:

Sponzorované odkazy

Reklamy