Online Bible

LAASUNDE 3 - Bisã Bible 2005

Yã sĩnda pínki kũ a gɔrɔomɛ

¹ Yã sĩnda pínki kũ a gɔrɔomɛ, bɔkɔtɛ sĩnda pínki kũ a kɛgɔrɔo.

² Nɛ́'igɔrɔ kun, gagɔrɔ kun, pɔ́tɔ̃gɔrɔ kun, a wotogɔrɔ kun.

³ Dɛgɔrɔ kun, gbana aafia gɔrɔ kun, gborogɔrɔ kun, a dɔgɔrɔ kun.

⁴ Ɔ́ɔdɔgɔrɔ kun, yáadɔgɔrɔ kun, wɛ̃ndakɛgɔrɔ kun, kɔ̃kɔ̃'ogɔrɔ kun.

⁵ Gbɛ̀kɔtɛna gɔrɔ kun, gbɛ̀kakarana gɔrɔ kun, bã̀ndaragagɔrɔ kun, a kɛ̃na gɔrɔ kun.

⁶ Pɔ́wɛtɛna gɔrɔ kun, a ɔgbarɛna gɔrɔ kun, pɔ́kũna gɔrɔ kun, a gbarɛna gɔrɔ kun.

⁷ Pɔ́gaokɛ̃na gɔrɔ kun, a nabigɔrɔ kun, lɛ́kũna gɔrɔ kun, yã'ona gɔrɔ kun.

⁸ Yenyĩ gɔrɔ kun, zãngu gɔrɔ kun, zĩ̀kana gɔrɔ kun, vutɛna aafia gɔrɔ kun.

⁹ Bɔ́ àreen zĩkɛri dì le wari kũ à kɛ̀aa?

¹⁰ Ma zĩ kũ Luda dà bisãsirinɔnɛ ò kɛ è.

¹¹ Luda tò pɔ́ sĩnda pínki mana a gɔrɔa. À kunna gɔrɔ sĩnda pínki laasun dà bisãsiri swɛ̃̀n dɔ, bee kũ abireo ani fɔ̃ à yã kũ Luda tɛn kɛ zaa andunia naana ari a lakanaa dɔ̀rɔ dɔ̃ro.

¹² Má dɔ̃ kũ pɔ́ke mana kũ bisãsirio de kunna pɔnna gũn kũ manakɛnaao a wɛ̃̀ndi lɛ́nlaro.

¹³ Tó gbɛ̃ tɛn pɔ́ ble àtɛn í mi àtɛni a zĩ sĩnda pínki sáabu kpá, Luda mɛ́ à a gbà.

¹⁴ Má dɔ̃ kũ yã kũ Luda dì kɛ nigɔ̃ kun gɔrɔ sĩnda pínki. Oni fɔ̃ ò pɔ́ke karanlo, oni fɔ̃ ò pɔ́ke lagonlo. Luda kɛ̀ lɛ de ògɔ̃ a vĩna vĩ yãimɛ.

¹⁵ Pɔ́ kũ à kun tera gĩnakɛ à kun zaa zĩ kɔ̀. Pɔ́ kũ anigɔ̃ kun zia kun yã kɔ̀. Luda dì yã kũ ò kɛ̀ yãnɔ gbɛ̀ sísi.

¹⁶ Ma yã è andunia gũn dɔ, gu kũ à de yãzɛde gɔ̃ kún, yãzɛsaride mɛ́ à kú gwe, gu kũ à de yã mana gɔ̃ kun sɔ̃, yã vãni mɛ́ à kú gwe.

¹⁷ Ma ò ma swɛ̃̀ɛ gũn, Luda ni yãkpatɛ kɛ kũ gbɛ̃ mananɔ kũ gbɛ̃ vãninɔ ń pínki, zaakũ yãkɛna sĩnda pínki kũ a gɔrɔomɛ, bɔkɔtɛ sĩnda pínki kũ a kɛgɔrɔo.

¹⁸ Ma ò ma swɛ̃̀ɛ gũn dɔ, bisãsirinɔ sɔ̃, Luda dì ń yã wɛ́ wɛ̃ńnɛ de ò dɔ̃ ń zĩdaa kũ ò de lán nɔ̀bɔnɔ bàmɛ.

¹⁹ Bee zaa zĩ bisãsirinɔ kũ nɔ̀bɔnɔ, gó dokɔ̃nɔ mɛ́ àtɛni ń bikũ. Lákũ nɔ̀bɔɔ dì ga nà lɛn bisãsiri dì ga lɛ se, ń we'ona dokɔ̃nɔmɛ. Bisãsiri de nɔ̀bɔlaro, zaakũ a pínki pãmɛ.

²⁰ Ń pínki dì gɛ́ gu dokɔ̃nɔmmɛ, zaakũ ń pínki bò bùsutiti gũmmɛ, ń pínki ni ɛra à gɔ̃ bùsutiti ũmɛ.

²¹ Tó bisãsiri nini dì tá musu, nɔ̀bɔ pɔ́ sɔ̃ àdi tá zĩtɛmɛ, dí mɛ́ à dɔ̃ɔ?

²² A yã mɛ́ à tò ma è yãke mana kũ bisãsirio de à a zĩ sáabu kpálaro, zaakũ a bakaan gwe. Dí mɛ́ ani tó à dɔ̃ yã kũ ani kɛ a gbɛraa?

« Předchozí

další »

Následuj nás:

Sponzorované odkazy

Reklamy