ƐZƐRA 2 - Bisã Bible 2005

Zĩ̀zɔ kũ ò sùnɔ

¹ Babilɔnu kína Nɛbukanɛza Isarailanɔ kũ̀kũ zĩ̀zɔ ũ à tà kũńwo Babilɔnu yã, akũ ń gbɛ̃kenɔ bò zĩ̀zɔkɛ pìn ò sù Yurusalɛmu, Yudanɔ bùsun sà, akũ ń baadi tà wɛ̃tɛa.

² Ń don'arɛdenɔn dí: Zɛrubabɛli, Yesua, Nɛɛmaya, Seraya, Relaya, Mɔdekai, Bilisã, Misipa, Bigivai, Reumu kũ Baanao. Isaraila gɔ̃gbɛ̃ kũ ò sùnɔ dasi lɛ́n dí.

³ Parɔsu burinɔ gbɛ̃nɔn dúbu pla kũ mɛ̀n basɔraakɔ̃ akuri awɛɛplao.

⁴ Sefatia burinɔ gbɛ̃nɔn wàa do kũ mɛ̀n basɔraakɔ̃ akuri awɛɛplao.

⁵ Ara burinɔ gbɛ̃nɔn wàa aakɔ̃ kũ mɛ̀n bakɛ̃ndo sɔɔrosario.

⁶ Pamɔabu buri kũ ò de Yesua kũ Yoabuo burinɔ ũnɔ gbɛ̃nɔn wàa gɛ̃ro donsari kũ kuri awɛɛplao.

⁷ Elamu burinɔ gbɛ̃nɔn wàa suddo kũ mɛ̀n bupla akuri awɛɛsiikɔ̃o.

⁸ Zatu burinɔ gbɛ̃nɔn wàa siikɔ̃ kũ mɛ̀n basuppla awɛɛsɔɔroo.

⁹ Zakai burinɔ gbɛ̃nɔn wàa aakɔ̃ kũ mɛ̀n basɔraakɔ̃o.

¹⁰ Bani burinɔ gbɛ̃nɔn wàa aakɔ̃ kũ mɛ̀n bupla awɛɛplao.

¹¹ Bebai burinɔ gbɛ̃nɔn wàa aakɔ̃ kũ mɛ̀n baro awɛɛ'aakɔ̃o.

¹² Azagada burinɔ gbɛ̃nɔn wàa suddo kũ mɛ̀n baro awɛɛplao.

¹³ Adonikamu burinɔ gbɛ̃nɔn wàa aakɔ̃ kũ mɛ̀n baaakɔ̃ awɛɛsuddoo.

¹⁴ Bigivai burinɔ gbɛ̃nɔn wàa kuri kũ mɛ̀n bupla akuri awɛɛsuddoo.

¹⁵ Adini burinɔ gbɛ̃nɔn wàa pla kũ mɛ̀n bupla akuri awɛɛsiikɔ̃o.

¹⁶ Ata burinɔ gbɛ̃nɔn basɔɔro plansari.

¹⁷ Bezai burinɔ gbɛ̃nɔn wàa do kũ mɛ̀n basuddo awɛɛ'aakɔ̃o.

¹⁸ Yora burinɔ gbɛ̃nɔn basɔɔro akuri awɛɛpla.

¹⁹ Asumu burinɔ gbɛ̃nɔn wàa do kũ mɛ̀n baro awɛɛ'aakɔ̃o.

²⁰ Giba burinɔ gbɛ̃nɔn basiikɔ̃ akuri awɛɛsɔɔro.

²¹ Bɛtilihamudenɔ gbɛ̃nɔn basuddo awɛɛ'aakɔ̃.

²² Nɛtofadenɔ gbɛ̃nɔn bupla akuri awɛɛsuddo.

²³ Anatodenɔ gbɛ̃nɔn basuddo akuri plansari.

²⁴ Azamavɛdenɔ gbɛ̃nɔn bupla awɛɛpla.

²⁵ Kiriayarimudenɔ kũ Kɛfiradenɔ kũ Berodenɔ gbɛ̃nɔn wàa aakɔ̃ kũ mɛ̀n basuppla awɛɛ'aakɔ̃o.

²⁶ Ramadenɔ kũ Gɛbadenɔ gbɛ̃nɔn wàa aakɔ̃ kũ mɛ̀n baro awɛɛdoo.

²⁷ Mikimasadenɔ gbɛ̃nɔn basuddo awɛɛpla.

²⁸ Bɛtɛlidenɔ kũ Aidenɔ gbɛ̃nɔn wàa do kũ mɛ̀n baro awɛɛ'aakɔ̃o.

²⁹ Nɛbodenɔ gbɛ̃nɔn bupla akuri awɛɛpla.

³⁰ Magbisidenɔ gbɛ̃nɔn basuppla akuri awɛɛsuddo.

³¹ Elamu pãnde burinɔ gbɛ̃nɔn wàa suddo kũ mɛ̀n bupla akuri awɛɛsiikɔ̃o.

³² Arimu burinɔ gbɛ̃nɔn wàa do kũ mɛ̀n basuddoo.

³³ Lodudenɔ kũ Adididenɔ kũ Onɔdenɔ gbɛ̃nɔn wàa aakɔ̃ kũ mɛ̀n basuddo awɛɛsɔɔroo.

³⁴ Yɛrikodenɔ gbɛ̃nɔn wàa do kũ mɛ̀n basuppla awɛɛsɔɔroo.

³⁵ Senadenɔ gbɛ̃nɔn wàa baro plansari kũ mɛ̀n baraakurio.

³⁶ Sa'ori buri kũ ò sùnɔn dí: Yesua buri Yedaya burinɔ gbɛ̃nɔn wàa siikɔ̃ kũ mɛ̀n basɔraakɔ̃ akuri awɛɛ'aakɔ̃o.

³⁷ Ima burinɔ gbɛ̃nɔn wàa sɔɔro kũ mɛ̀n bupla akuri awɛɛplao.

³⁸ Pasu burinɔ gbɛ̃nɔn wàa suddo kũ mɛ̀n bupla awɛɛsupplao.

³⁹ Arimu burinɔ gbɛ̃nɔn wàa sɔɔro kũ mɛ̀n gɛ̃ro awɛɛplao.

⁴⁰ Levi kũ ò sùnɔn dí: Odavia buri Yesua kũ Kadamiɛlio burinɔ gbɛ̃nɔn baaakɔ̃ akuri awɛɛsiikɔ̃o.

⁴¹ Asafa buri lɛ̀sirinɔ gbɛ̃nɔn basuddo akuri plansari.

⁴² Zɛ́dãkpãri kũ ò de Salumu kũ Atao kũ Talamɔo kũ Akubuo kũ Atitao kũ Sobaio buri ũnɔ gbɛ̃nɔn basuppla donsari.

⁴³ Gbɛ̃ dínɔ burinɔ mɛ́ ò Luda ɔn zĩkɛrinɔ ũ: Zia, Asufa, Tabao,

⁴⁴ Kerosu, Sia, Padɔ̃,

⁴⁵ Lebana, Agaba, Akubu,

⁴⁶ Agabu, Salamai, Anana,

⁴⁷ Gidɛli, Gaa, Raya,

⁴⁸ Rezĩ, Nɛkoda, Gazamu,

⁴⁹ Uza, Pasea, Besai,

⁵⁰ Asana, Mɛunimu, Nɛfusimu,

⁵¹ Bakabuku, Akufa, Aru,

⁵² Bazalu, Mɛida, Asa,

⁵³ Bakosi, Sisera, Tema,

⁵⁴ Nɛzia kũ Atifao.

⁵⁵ Sulemanu zɔ̀bleri dínɔ burinɔ mɛ́ ò bò zĩ̀zɔkɛn ò sù: Sotai, Asofɛrɛ, Peruda,

⁵⁶ Yala, Daakɔ̃, Gidɛli,

⁵⁷ Sefatia, Atili, Pɔkɛrɛ Azebaimu kũ Amio.

⁵⁸ Luda ɔn zĩkɛrii pìnɔ kũ Sulemanu zɔ̀blerii buri pìnɔ kà gbɛ̃nɔn wàa do kũ mɛ̀n bakɛ̃ndo akuri awɛɛplao.

⁵⁹ Gbɛ̃kenɔ bò Tɛlɛmɛla kũ Tɛlasao kũ Kɛrubuo kũ Adɔ̃o kũ Imao, akũ odi le ò ń buri bozirɛ òńnɛ kũ Isarailanɔmɛ ń ũro.

⁶⁰ Delaya kũ Tobiao kũ Nɛkodao burinɔmɛ, ò kà gbɛ̃nɔn wàa aakɔ̃ kũ mɛ̀n bupla akuri awɛɛplao.

⁶¹ Sa'ori buri kũ ò de Obaya kũ Akozuo kũ Bazilaio burinɔ ũ sù dɔ. Bazilai pì Giliada bùsu gbɛ̃ Bazilai nɛ́ sɛ̀ yã, akũ à a anzure pì tɔ́ sɛ̀.

⁶² Gbɛ̃ pìnɔ ń tɔ́ wɛ̀tɛ buri bozirɛ takadan, ama odi boaro, akũ ò gìńnɛ kũ sa'orikɛo.

⁶³ Bùsu don'arɛde pìńnɛ, tó adi kɛ sa'ori ń yã gwà kũ Urimuo kũ Tumimuo baasiro, òsun sa'opɔ blero.

⁶⁴ Gbɛ̃ pìnɔ ń pínki gbɛ̃nɔn dúbu bupla awɛɛpla kpɛ́ wàa do kũ basɔraakɔ̃omɛ.

⁶⁵ Ń zɔ̀bleri gɔ̃gbɛ̃nɔ kũ nɔgbɛ̃nɔ kun dɔ gbɛ̃nɔn dúbu suppla kpɛ́ wàa do kũ basuddo akuri awɛɛsupplao. Lɛ̀sirinɔ gɔ̃gbɛ̃ kũ nɔgbɛ̃o kú kũńwo dɔ gbɛ̃nɔn wàa do.

⁶⁶ Ò sɔ̃ vĩ mɛ̀n wàa aakɔ̃ kũ mɛ̀n basuddo akuri awɛɛsuddoo, baragbãsɔ̃ wàa do kũ mɛ̀n bupla awɛɛsɔɔroo,

⁶⁷ lakumi wàa pla kũ mɛ̀n baraakuri awɛɛsɔɔroo, zaaki dúbu suddo kpɛ́ wàa aakɔ̃ kũ basuddo.

⁶⁸ Kũ ò kà Dikiri kpɛ́ bokia Yurusalɛmu, ń ɔmbedenɔ gba dà, de ò le ò Luda kpɛ́ kɛkɛ ò boo a gbɛ̀n.

⁶⁹ Ò gba dà kpɛ́ zĩ ɔgɔditɛki gũn ń gbãna lɛ́n, wura kiloo wàa pla kpɛ́ basɔɔro, andurufu tɔn aakɔ̃ kũ sa'ori gyabanɔ basɔɔro.

⁷⁰ Sa'orinɔ kũ Levinɔ kũ lɛ̀sirinɔ kũ zɛ́dãkpãrinɔ kũ Luda ɔn zĩkɛrinɔ kũ gbɛ̃ kpara kenɔ vùtɛvutɛ lakutu kũ ò kɛ̀kɛńnɛnɔ gũn, akũ Isaraila kparanɔ vùtɛ ń wɛ̃tɛnɔ gũn.