Online Bible

BONAA 2 - Bisã Bible 2005

Musa inaa

¹ Levi buri gɔ̃gbɛ̃ Levi buri nɔgbɛ̃ sɛ̀.

² Nɔ pìi nɔ̀ɔ sì à nɛ́ ì gɔ̃gbɛ̃ ũ. Kũ à è nɛ́ pì mana, akũ à a ùtɛ mɔ aakɔ̃.

³ Kũ adi fɔ̃ à a ùtɛ doro, à kepu tãnko sɛ̀ à ɔ̀daa lɛ̀a de í sún gɛ̃ a gũnlo yãi. Akũ à nɛ́ pìi dàn à gɛ̀ɛ à dìtɛ Nili í lɛ́a kanda gũn.

⁴ Nɛ́ pì dãre zɛ zã̀ dire, àtɛn gwa yã kũ ani a le.

⁵ Akũ Firi'auna nɛ́nɔgbɛ̃ gɛ̀ɛ zú o swai, a gbɛ̃nɔ tɛn kure swa pì lɛ́a. À tãnko è ditɛna kandan, akũ à a zɔ̀nɔkpare zĩ̀ à gɛ̀ɛ à a sɛ̀.

⁶ Kũ à wɛ̃̀, à è nɛ́ mɛ́ à dan, àtɛn ɔ́ɔ dɔ. À kɛ̀nɛ wɛ̃nda à pì: Eberu nɛ́gɔ̃gbɛ̃mɛ.

⁷ Akũ nɛ́ pì dãre sù à pì Firi'auna nɛ́ pìinɛ: Ń ye mà gɛ́ mà Eberu nɔgbɛ̃ sísinnɛ àgɔ̃ yɔ̃ kpánnɛ nɛ́ pìian yá?

⁸ À wèa à pì: Ǹ gɛ́! Akũ nɛ́nɔgbɛ̃ pìi gɛ̀ɛ à nɛ́ pì da sìsi.

⁹ Firi'auna nɛ́nɔgbɛ̃ pìi pìnɛ: Ǹ nɛ́ pì sɛ́ ǹ tá kãao ǹgɔ̃ a gwamɛnɛ, manigɔ̃ fĩna bonnɛ. Akũ à nɛ́ pìi sɛ̀ à tà kãao, àtɛni a gwa.

¹⁰ Kũ nɛ́ pì zɔ̃kɔ̃ kũ̀, à a sɛ̀ à gɛ̀ɛ kãao Firi'auna nɛ́nɔgbɛ̃ pìinɛ, akũ à a sì a nɛ́ ũ. À tɔ́ kpànɛ Musa, zaakũ à pì, a a bò í gũmmɛ.

Musa bàa lɛ́ à tana Midiã bùsun

¹¹ Zĩkea kũ Musa zɔ̃kɔ̃ kũ̀, à gɛ̀ɛ a buri Eberunɔ gwa, akũ à zĩ gbãna kũ òtɛn kɛ è. À è Misila gbɛ̃ tɛni a buri dake gbɛ̃.

¹² Kũ à gu gwàgwa, adi gbɛ̃ke ero, akũ à Misila gbɛ̃ pìi dɛ̀ à a ùtɛ bùsu'atɛ̃n.

¹³ Kũ gu dɔ̀, à bò à Eberunɔ è gbɛ̃nɔn pla, òtɛn fìti kɛ. Akũ à gbɛ̃ kũ a yã nnaro là à pì: Bɔ́yãi ntɛni n gbɛ̃ndo gbɛ̃ɛ?

¹⁴ À wèa à pì: Dí mɛ́ à n ditɛ kína yãgɔ̃gɔ̃ri ũwɛrɛɛ? Ń ye ǹ ma dɛ lákũ n Misila gbɛ̃ dɛ̀ nàn yá? Akũ vĩna Musa kũ̀ à pì: Ò yã kũ ma kɛ̀ɛ dɔ̃̀ fá!

¹⁵ Kũ Firi'auna yã pìi mà, àtɛn wɛtɛ à Musa dɛ, akũ à bàa lɛ̀nɛ à tà Midiã bùsun, akũ à vùtɛ lɔ̀gɔɔ sarɛ gwe.

¹⁶ Midiã sa'ori kun à nɛ́nɔgbɛ̃nɔ vĩ gbɛ̃nɔn suppla, akũ ò sù ò í tɔ̀ ò kà pɔ́kãdenɔ gó ímikin ń de pɔ́kãdenɔnɛ.

¹⁷ Kũ sãdãri kenɔ sù òtɛn pɛ́ḿma, akũ Musa fùtɛ à yã sì kũńwo, akũ à í kpàńnɛ ń pɔ́kãdenɔa.

¹⁸ Kũ ò tà ń de Ruɛli kĩnaa, à ń lá à pì: À kɛ̀ dera a su káaku lɛ gbãraa?

¹⁹ Ò wèa ò pì: Misila gɔ̃gbɛ̃ ke mɛ́ à ó sí sãdãrinɔa. Àkũ mɛ́ se à í tɔ̀ à kpàwɛrɛ ó pɔ́kãdenɔa.

²⁰ Akũ à ń lá à pì: Ade pì kú máa? Bɔ́ yã mɛ́ à tò a gɔ̃gbɛ̃ pìi tò gwee? À a sísi à su à pɔ́ ble kũoo.

²¹ Musa sù, akũ à wè à vùtɛ kũ gɔ̃gbɛ̃ pìio, akũ gɔ̃gbɛ̃ pì a nɛ́nɔgbɛ̃ Zipora kpàa nɔ ũ.

²² Akũ Zipora nɛ́ ì gɔ̃gbɛ̃ ũ, akũ Musa tɔ́ kpànɛ Gɛsɔmu, à pì: Buri zĩ̀tɔɔn ma ũ gbɛ̃ pãndenɔ bùsun la.

²³ Kũ à gìi kɛ̀, akũ Misilanɔ kína gà. Isarailanɔ tɛni nda zɔ̀zĩ kũ òtɛn kɛ yãi, òtɛn wiki lɛ́, akũ ń wiki pìi kà Luda kĩnaa.

²⁴ À ń ndanaa mà, a bàka kũ à kú kũ Ibrahĩo kũ Isaakuo kũ Yakubuo dí sãaguro.

²⁵ Luda Isarailanɔ gwà, akũ ò kɛ̀nɛ wɛ̃nda.

« Předchozí

další »

Následuj nás:

Sponzorované odkazy

Reklamy