Online Bible

AYUBA 2 - Bisã Bible 2005

Setan Ayuba yɔ̃na a gɛ̃̀n plade

¹ Zĩkea malaikanɔ ɛ̀ra ò sù ò zɛ̀ Dikiri arɛ, akũsɔ̃ Setan kú ń tɛ́. À zɛ̀ Dikiri arɛ,

² akũ Dikiri a là à pì: N bo mámɛɛ? À wèa à pì: Matɛn gɛ́ matɛn su matɛn likara andunia gũmmɛ.

³ Akũ Dikiri pìnɛ: N ma zɔ̀bleri Ayuba è yá? A sára kú andunia gũnlo. Gbɛ̃ manamɛ, à taari vĩro. À ma vĩna vĩ akũsɔ̃ à gì yãvãnikɛnaai. Bee kũ n ma sã vùnɛ, ma kisira kpài pã, à kpɛ́ kun taari sari ari tera.

⁴ Akũ Setan pìnɛ: Ǹ kɛmɛnɛ mà kɛnnɛ. Pɔ́ kũ gbɛ̃ vĩ sĩnda pínki ani kpá a surabana yãi.

⁵ Ǹ n ɔ bo ǹ pá a mɛ̀ɛa ǹ gwa. Ani yã vãni onnɛ.

⁶ Akũ Dikiri pìnɛ: Tɔ̀! Ma a nànnɛ n ɔĩ, ama ǹ a wɛ̃̀ndi tó.

⁷ Setan gò Dikiri arɛ, akũ à bɔ̀bũnu zĩ̀ Ayubaa sɛna zaa a gɛ̀sɛɛa ari à gɛ̀ɛ pɛ́ a mìdangura.

⁸ Akũ Ayuba takaso sɛ̀ à gɛ̀ɛ à vùtɛ tubura, àtɛni a zĩda wao.

⁹ A nanɔ pìnɛ: Ĩnigɔ̃ kpɛ́ kun taari sari ari teran yá? Ǹ yã vãni o Ludanɛ ǹ ga.

¹⁰ Akũ à pìnɛ: Ntɛn yã o lán nɔgbɛ̃ yɔ̃nkɔ bà. Ónigɔ̃ yã mana le Luda ɔĩ ò gí a vãni lei yá? Yã pìnɔ gũn pínki Ayuba dí durunna kɛ a yã'onaa gũnlo.

Ayuba gbɛ̃nnanɔ suna a kĩnaa

¹¹ Kũ Ayuba gbɛ̃nna gbɛ̃nɔn aakɔ̃nɔ kisira kũ à a lènɔ baaruu mà, ń baadi bò a bɛa ò kɔ̃ kàkara, akũ ò gɛ̀ɛ ò wɛ̃nda kɛ kãao ò a laakari kpátɛnɛ. Ń tɔ́nɔn dí: Temana gbɛ̃ Ɛlifaza, Sua gbɛ̃ Bilidada kũ Naamati gbɛ̃ Zofao.

¹² Kũ ò a wĩna kɛ̀ zã̀zã, odi a dɔ̃ro, akũ ò ɔ́ɔ dɔ̀, ń baadi a uta gà à kɛ̃̀, akũ ò bùsuu dã̀ ò fã̀ musu ń mìla.

¹³ Akũ ò vùtɛ kãao zĩtɛ gɔrɔ suppla fãnantɛ̃ kũ gwãanio. Ń gbɛ̃ke dí yãke o kãaoro, zaakũ ò è lákũ a warikɛnaa kɛ̀ zɔ̃kɔ̃ manamana nà.

« Předchozí

další »

Následuj nás:

Sponzorované odkazy

Reklamy