Online Bible

1 TIMƆTI 3 - Bisã Bible 2005

Sɔsi gbɛ̃ zɔ̃kɔ̃nɔ

¹ Yã díkĩna bi yãpuramɛ: Tó gbɛ̃ ye à kɛ gbɛ̃ zɔ̃kɔ̃ ũ, àtɛn zĩ mana ni dɛ.

² Gbɛ̃ zɔ̃kɔ̃ gɔ̃ kun taari sari, nɔmɛndode ũ, laakaride ũ. Àgɔ̃ a zĩda kũna dɔ̃ gbɛ̃ fayade ũ, nibɔkũri ũ, gbɛ̃ kũ ani fɔ̃ à yã dańnɛ ũ.

³ Àsungɔ̃ de wɛ̃dɛri ke gbɛ̃ pãsĩ ũro. Àgɔ̃ de nɛ̀sɛdode yãketesaride ũ. Ɔgɔ sún donɛ arɛro.

⁴ Àgɔ̃ a ɔn kũna dɔ̃, a nɛ́nɔ gɔ̃ mì natɛnɛ ògɔ̃ a ɔdɔki gwa.

⁵ Zaakũ tó gbɛ̃ a ɔn kũna dɔ̃ro, ani kɛ dera à fɔ̃ à Luda sɔsi gbɛ̃nɔ gwaa?

⁶ Àsungɔ̃ de Yesude dufu ũro, de àsun ĩa dã à a zĩda da yãn lán Ibilisi bàro yãi.

⁷ Àgɔ̃ tɔ́ nna vĩ Yesusaridenɔ kĩnaa dɔ, de òsun a tɔ́ ĩni sí, à zu Ibilisi tankutɛnlo yãi.

Sɔsi kpanyĩrinɔ

⁸ Lɛmɛ dɔ kpanyĩrinɔ gɔ̃ de gbɛ̃ bɛ̀ɛrɛdenɔ ũ. Òsungɔ̃ de lɛ́pladenɔ ũro. Wɛ̃ yã sún dońnɛ arɛro. Òsungɔ̃ de ɔgɔ vãni wɛtɛrinɔ ũro.

⁹ Ògɔ̃ Yesu yã asirinɔ kũna kũ nɛ̀sɛpurao.

¹⁰ Ò ń yã gwa gĩa, tó ódi yãke leḿmaro, gbasa ò ń ditɛ kpanyĩrinɔ ũ.

¹¹ Lɛmɛ dɔ ń nɔnɔ gɔ̃ de nɔgbɛ̃ bɛ̀ɛrɛdenɔ ũ, laakaridenɔ ũ, ògɔ̃ náani vĩ yã sĩnda pínki gũn. Òsungɔ̃ de kɔrɔmɔtɔdenɔ ũro.

¹² Kpanyĩri gɔ̃ de nɔmɛndode ũ, àgɔ̃ a ɔn kũ a nɛ́nɔ kũna dɔ̃.

¹³ Gbɛ̃ kũ ò ń zĩ kɛ̀ a zɛ́anɔ gwena nigɔ̃ mana, ń laakari nigɔ̃ kpatɛna ń Kirisi Yesu náanikɛnaa gũn manamana.

Ó donyĩzɛ asiri zɔ̃kɔ̃

¹⁴ Bee kũ matɛn yã dínɔ onnɛ, ma dìtɛ mani su n gwa saa.

¹⁵ Tó ma suna sù à gìi kɛ̀, má ye ǹgɔ̃ dɔ̃ lákũ à kũ̀ ògɔ̃ kun Luda ɔndenɔ ũ nà. Ɔnde pìnɔmɛ Luda Wɛ̃̀ndide sɔsi ũ, yãpura pɛ́tɛki ũ kũ a gbãnalekio.

¹⁶ Ó donyĩzɛ asiri kũ à bò gupuraa zɔ̃kɔ̃ yãpuramɛ: À bò à sù bisãsiri ũ, Luda Nini yãpura kpàa, malaikanɔ a è. Ò a yã waazi kɛ̀ burinɔ tɛ́, ò a náani kɛ̀ andunia gũn, Luda a sɛ̀ à tà kãao gakuri gũn.

« Předchozí

další »

Následuj nás:

Sponzorované odkazy

Reklamy