Online Bible

1 TIMƆTI 2 - Bisã Bible 2005

Donyĩkɛnaa

¹ Káaku gĩa ma lɛ́ dàmma, à adua kɛ gbɛ̃ sĩnda pínkinɛ à zɛ́ gbɛkańnɛ, à kútɛ kɛ Ludanɛ ń yãi kũ sáabukpanaao.

² À adua kɛ kínanɔnɛ kũ gbãnadenɔ ń pínki, de ò le ògɔ̃ kun aafia yãkete sari ludayãmarinɔ ũ, ó kunna gɔ̃ bɛ̀ɛrɛ vĩ.

³ Abirekũ mɛ́ à mana, àdi ká Luda ó Surabarin.

⁴ À ye gbɛ̃ sĩnda pínki surabana le ògɔ̃ yãpura dɔ̃.

⁵ Zaakũ Luda mɛ̀n domɛ, akũsɔ̃ yãkɛkɛri kun mɛ̀n do Luda kũ bisãsirinɔ dagura, àkũmɛ bisãsiri Kirisi Yesu ũ.

⁶ À a zĩda kpà à gbɛ̃ sĩnda pínki bò, akũ ò a sèedaa kɛ̀ a gɔrɔa.

⁷ Abire yãi Luda ma ditɛ a kpàkpakɛri kũ a zĩ̀riio ũ, de mà a donyĩ zɛ́ yãpurade da buri pãndenɔnɛ. Yãpuran matɛn o, adi kɛ ɛ́kɛnlo.

⁸ Má ye gɔ̃gbɛ̃nɔ adua kɛ gu sĩnda pínkia, ò ɔ sɛ́ musu gbãsĩ sari, pɔfɛ̃ kũ lɛ́kpakɔ̃anaao sari.

⁹ Má ye dɔ nɔgbɛ̃nɔ ń zĩda kɛkɛ a zɛ́a yɔ̃̀gɔ̃kɛnaa sari, zĩdamɔnnɛnaa baasi. Adi kɛ kũ mì yɔ̃̀gɔ̃de tãnaao ke wura kũ òso nɔmanablebɔnɔ ke biza ɔgɔdenɔonlo.

¹⁰ Ò ń zĩda kɛkɛ kũ yãmanakɛnaao lákũ à kũ̀ nɔgbɛ̃ donyĩrinɔ kɛ nà.

¹¹ Nɔgbɛ̃nɔ yã dada yĩtɛna, ò mì natɛ yã sĩnda pínki gũn.

¹² Madì we nɔgbɛ̃nɔ yã dada gɔ̃gbɛ̃nɔnɛ ke ògɔ̃ iko vĩḿmaro, séde ògɔ̃ yĩtɛna kítikiti.

¹³ Zaakũ Adamun Luda kɛ̀ káaku, a gbɛra Awau.

¹⁴ Adi kɛ Adamun ò sã̀tɛro, nɔgbɛ̃n ò sã̀tɛ à gɔ̃̀ taaride ũ.

¹⁵ Ama tó nɔgbɛ̃nɔ mɛna fɔ̃̀ kũ ludanaanikɛnaao kũ yenyĩo kũ kúadonaao zĩdamɔnnɛnaa baasi, oni nɛ́ i aafia.

« Předchozí

další »

Následuj nás:

Sponzorované odkazy

Reklamy