Online Bible

1 SAMUƐLI 29 - Bisã Bible 2005

Filisitini kínanɔ Dauda gbarɛna Zikilaga

¹ Filisitininɔ ń zĩ̀karinɔ kàkara Afɛki, akũsɔ̃ Isarailanɔ bùra kú Yɛzɛrili ísɛ̃bokia.

² Filisitini kínanɔ tɛn gɛ̃tɛ kũ ń zĩ̀kari gã̀nɔ, ń kenɔ gbɛ̃nɔn basɔsɔɔro, ń gã̀ kenɔ wàa sɔsɔɔro. Dauda kũ a gbɛ̃nɔ tɛ́ ń kpɛ kũ Akisio.

³ Akũ Filisitini kína pìnɔ Akisi là ò pì: Eberu dínɔ sɔ̃ bi? À wèḿma à pì: Daudan dí. Isarailanɔ kína Solu ìba kemɛ yã. À gɔrɔ pla kɛ̀ kũmao. À kú kũmao de wɛ̃̀ dola. Naana zaa gɔrɔ kũ à sù ma kĩnaa ari gbãra, mádi yãke earo.

⁴ Akũ kína pìnɔ pɔ fɛ̃̀ kãao ò pì: Ǹ gɔ̃gbɛ̃ pì gbarɛ à tá gu kũ n kpàawan. Ani le à gɛ́ kũoo zĩ̀lanlo, de àsun bo ó kpɛ gwero yãi. Deran ani le à kɛ nna kũ a dikiriio nà, tó adi kɛ à tà kũ ó gbɛ̃kenɔ mìio baasiroo?

⁵ Dauda kũ ò lɛ̀ɛ sì ò ũ wã̀ a yã musun gweroo? Kũ ò pì: Solu gbɛ̃nɔ dɛ̀dɛ wàa sɔsɔɔro, Dauda sɔ̃ mɛ̀n dúbu lɛu ũgbangba.

⁶ Akũ Akisi Dauda sìsi à pìnɛ: Ma sì kũ Dikirio n kɛmɛnɛ gbɛ̃ mana ũmɛ, n gɛna kũmao zĩ̀lan kɛ̀mɛnɛ nna, zaakũ naana zaa gɔrɔ kũ n su ma kĩnaa ari gbãra, mádi yãke emmaro. Ama ń yã dí kɛ ó kínanɔnɛro.

⁷ Ǹ ɛra ǹ tá kũ aafiaao de ǹsun yãke kɛ à kɛńnɛ ĩniro.

⁸ Akũ Dauda Akisi là à pì: Bɔ́n ma kɛ̀ɛ? Naana zaa gɔrɔ kũ ma su n kĩnaa ari gbãra, bɔ́n n èmaa? Bɔ́yãin mani gí gɛ́ mà zĩ̀ ká kũ ma dikiri kína ibɛrɛnɔoroo?

⁹ Akũ Akisi pìnɛ: Má dɔ̃ kũ ń manamɛnɛ lán Luda malaika bà, ama ó kínanɔ pì ǹsun gɛ́ kũoo zĩ̀lanlo.

¹⁰ Tó gu dɔ̀, ǹ futɛ kɔnkɔkɔnkɔ kũ n dikiri Solu zɔ̀bleri kũ ò sù kũnwonɔ, à tá.

¹¹ Akũ Dauda fùtɛ kɔnkɔkɔnkɔ kũ a gbɛ̃nɔ, òtɛn tá Filisitininɔ bùsun. Filisitininɔ sɔ̃ ò gɛ̀ɛ Yɛzɛrili.

« Předchozí

další »

Následuj nás:

Sponzorované odkazy

Reklamy