Wɛ́ɖɛ́ 3 - Ɓǎsɔ́ɔ̀ Báɓòɔ̀

Gànà-kṹún-ɓàà-wùɖù ɓó gbo-kpá-kpá jè

Ɖɛ nìà kɛ mɔ̀ ɓaà-wùɖù ɓɛ́ Dèɓé nyu ma ti ɔ gbǔ ma kà ɔ dyú-gàà Áséɖɔ̀ùn dyúa kɛ.

¹ Óó Bounɓo, ní mú-nyɛ́-nyɔ̀ ɓěɔ̀ vò dyí mìɔ! Nyɔ ɓáún-ɓáún ɖǎ ḿ sɔ́, ɓɛ́ wa ké ḿ gbo vɔ̃.

² Wa nìɛ̀ cɛ̃iń, ké wa ɖá, “Gèɖèpɔ́ɔ̀ se ɔ gbo kpáa muo.”

³ Kɛɛ Bounɓo, mɔ̀ mɔ̀ ní dyí-zĩ̀ìn-ɖɛ̀. Mɔ̀ mɔ̀ nyɔ nyuɛ ké ḿ ɓéɖé dya-dè-dè. M̀ po ní hwòɖǒ-dyùàɔ̀ kpéí ɖe.

⁴ Ḿ dyi m̀ kpéi pòìn ní, m̀ nì ɖé nì toɖo hwɛ̀ǐn-hwɛ̀ǐnɔ̀ dya, ké m̀ wɔ̃́ ní wuɖuɔ̀.

⁵ Ḿ pɛ̃́ dyi, ké ḿ mɔ́ ɓó máaún-hwùɖù gànáɔ̀ mú, ké ḿ sɔ̀ dyí ɖe, sepóɛɖé Bounɓoɔ̀ gmɔ̀ ḿ dyí.

⁶ Kɛbì ní mú-nyɛ́-nyɔ̀ táázĩ̀ìn kúɖúú ɓě mɛ gbǎìn ḿ wɔ̃, ɓɛ́ wa ké ḿ gbo vɔ̃ɔ mɔ́ɛɛ, ḿ se fɛ̃̀ǐn mu.

⁷ Dyi ḿ bììo, Bounɓo, ɓɛ́ m̀ ké ḿ póìn, ní Gèɖèpɔ́ɔ̀. M̀ jaɖa ní mú-nyɛ́-nyɔ̀ séín ɓěɔ̀ sɔ̃ gbɔi. Ké m̀ po wa ɓíɖíi dyi.

⁸ Bounɓo, mɔ̀ mɔ̀ nyɔ-póìn-nyɔ̀o. M̀ mɛ po nì nyɔ ɓěɔ̀ mana kɔ̃.