Wɛ́ɖɛ́ 150 - Ɓǎsɔ́ɔ̀ Báɓòɔ̀

Ɓě ɓàìn Bounɓoɔ̀

¹ Ɓě ɓàìn Bounɓoɔ̀. Ɓě ɓàìn Gèɖèpɔ́ɔ̀ ɖé ɔ pá hwɛ̀ǐn-hwɛ̀ǐnɔ̀ mú. Ɓě ɓàìn ɔ ɖé dyɔún, dɛ̀ ɓɛ́ ɔ kpéɔ̀ dèàìn dyiɛ.

² Ɓě ɓàìn ɔ ɓó dĩ́ín-dĩ̀ìn-ɖɛ̀ ɓě ɓɛ́ ɔ ɖǎ nyuɛɛ jè. Ɓě ɓàìn ɔ ɓó ɔ kpé vɛ̀nɛ̀ɔ̀ jè.

³ Ɓě ɓàìn ɔ ɖé gã̀à-wùɖù mú. Ɓě ɓàìn ɔ ɖé gbǎɖí-dù kò-kò ɓěɛ̀ wuɖu mú.

⁴ Ɓě ɓàìn ɔ ɖé bòùnbá-wùɖù kè wɛ́ɖɛ́-kpá-kpá mú. Ɓě ɓàìn ɔ ɖé gbǎɖí-wùɖù kè péé-poo-wùɖù mú.

⁵ Ɓě ɓàìn ɔ dyììn ɖé bàɖàsǐ-pĩ̀à dyí-ɓaɖaìn-ɓaɖaìn mú. Ɓě ɓàìn ɔ dyììn ɖé bàɖàsǐ-pĩ̀à dyí-ɓaɖaìn-wùɖù tɔ̀mɔ̀ dya mú.

⁶ Ɖɛ séín nì cĩ́ɛń nyɛɛ mɛ ɓàìn Bounɓoɔ̀. Ɓě ɓàìn Bounɓoɔ̀.