Jɛ́nɛ́sì 10 - Ɓǎsɔ́ɔ̀ Báɓòɔ̀

Nóàà nyúà-dyú deìn dúún ɓěɔ̀

¹ Nóàà dyú-gàà ɓě mɔ̀à Cɛ̃́ìn kè Hɛ̃́ìn kè Jéfɛ̀ kɛɛ nììn nyúà-dyú deìn dúún ɓě ɓɛ́ wa wóɖóìn ma, ti ɓɛ́ ní-tòɔ̀ ɖǎ ma dyi ziɛɛ, wa kɛà kɛ̀.

² Jéfɛ̀ nììn dyú ɓěɔ̀ kɛà kɛ̀: Gómɛ̀ kè Mágɔ̀ kè Máɖàì kè Jávã̀ kè Túɓàò kè Mɛ́sɛ̀ ɔ kè Tíwàɖàsì.

³ Ké Gómɛ̀ nììn dyú ɓěɔ̀ kɛà kɛ̀: Ákànà kè Wíɖífà ɔ kè Tògámà.

⁴ Ké Jávã̀ nììn dyú ɓěɔ̀ kɛà kɛ̀: Ɛ̀ɖísà kè Tásìà kè Kítììn ɔ kè Wóɖóɖàùn.

⁵ Nyɔ ɓě nìà kɛ mɔ̀ nyɔ ɓě wa gbɛ̀ìn ma ɓóɖó-kpàɔ̀ kɔ̃in, ké wa cĩ́ dyóó ɓěɔ̀ wĩin nyɛ. Waà xwéɖé-dù kò-kò ɓě cĩ́ ma ɖé wa nììn ɓóɖó-dù kò-kò ɓě mú, ké wa po ma wuɖu-dù kò-kò ɓě.

⁶ Hɛ̃́ìn nììn dyú ɓěɔ̀ kɛà kɛ̀: Kúsì kè Mìzánáì kè Pútì ɔ kè Kénà.

⁷ Ké Kúsì nììn dyú ɓěɔ̀ kɛà kɛ̀: Sɛ́ɓà kè Hàvíɖà kè Sátà kè Wáɖáámà ɔ kè Sàtékà. Ké Wáɖáámà nììn dyú ɓěɔ̀ kɛà kɛ̀: Síɓà kè Dɛ́ɖàùn.

⁸ Kúsì dyú-gàà ɓěɔ̀ ɖòɛ̀ nyɛ́nɛ́ mɔ̀ ma Níwɔ̀ɖɔ̀. Ɔ mɔ̀ ma to-vɔ̃-nyɔ̀ vɛ̀nɛ̀ ɖò ɓóɖó-kpàɔ̀ kɔ̃.

⁹ Ké ɔ mɔ̀ ma xwáɖá-pa-nyɔ̀ vɛ̀nɛ̀ ɖò dyììn ɖé Bounɓoɔ̀ kpéɔ̀ mú. Ɔ jèɛɛ, wa poìn ɔ nyɔǔn dyí, ké wa ɖá, “Bounɓoɔ̀ mɛ nyu m̀ xwáɖá-pa-nyɔ̀ vɛ̀nɛ̀ mú kà Níwɔ̀ɖɔ̀ nìà kɛ.”

¹⁰ Ké hwɔɖɔ vɛ̀nɛ̀ ɓě ɓɛ́ ɔ kɔ̃̀ ma wuɖuí kĩ́ín nyɛɛ mɔ̀ ma Báɓèɖɔ́ùn kè Ɛ́wɛ̀ɖɛ̀ kè Ákà ɔ kè Kánɛ̀. Hwɔɖɔ ɓě nìà kɛ nì ma ɖé Sínà-ɓòɖòɔ̀ kɔ̃.

¹¹ Sɔ̀ìn ɓóɛ gboɛɛ, ɔ mu ma ɖé Àsíwíɖíà-ɓòɖòɔ̀ kɔ̃, ké ɔ dè ma ɖé hwɔɖɔ vɛ̀nɛ̀ ɓě mɔ̀à Nínívà kè Wìɖìhóɓóì kè Káɖà

¹² ɔ kè Wɛ́ɖɛ́sɛ̃̀ìn kɛ. Wɛ́ɖɛ́sɛ̃̀ìn-hwɔ̀ɖɔ̀ɔ̀ nì ma ɓó Nínívà kè Káɖà-hwɔ̀ɖɔ̀ɔ̀ pṹa. Káɖà-hwɔ̀ɖɔ̀ɔ̀ mɔ̀ ma hwɔɖɔ vɛ̀nɛ̀, ké ɔ zi ma hwɔɖɔ séín ɓěɔ̀ dyí.

¹³ Hɛ̃́ìn dyú-gààɔ̀ nyɔ mɔ̀à Mìzánáì kɛɛ wóɖóìn ma Ɖúɖì-nyɔ̀ ɓěɔ̀ kè Ànámì-nyɔ̀ ɓěɔ̀ kè Ɖɛ́hà-nyɔ̀ ɓěɔ̀ kè Náfù-nyɔ̀ ɓěɔ̀

¹⁴ kè Páfùɖù-nyɔ̀ ɓěɔ̀ kè Kásùɖù-nyɔ̀ ɓě kɔ̃̀ mú ɓɛ́ Féɖésìà-nyɔ̀ ɓěɔ̀ sɔ̀ ma kà kɛ ɔ kè Kátɔ̀-nyɔ̀ ɓěɔ̀.

¹⁵ Ké Hɛ̃́ìn dyú-gààɔ̀ nyɔ mɔ̀à Kénà kɛɛ wóɖóìn ma Zíɖɔ̀ùn mɔ̀à ɔ nyíɔ́-dyùɔ̀ kɛ kè Hítì-nyɔ̀ ɓěɔ̀

¹⁶ kè Jɛ́ɓù-nyɔ̀ ɓěɔ̀ kè Ámɔ̀-nyɔ̀ ɓěɔ̀ kè Gígà-nyɔ̀ ɓěɔ̀

¹⁷ kè Hívì-nyɔ̀ ɓěɔ̀ kè Ákì-nyɔ̀ ɓěɔ̀ kè Sínì-nyɔ̀ ɓěɔ̀

¹⁸ kè Àváɖì-nyɔ̀ ɓěɔ̀ kè Zɛ́mà-nyɔ̀ ɓěɔ̀ ɔ kè Hámà-nyɔ̀ ɓěɔ̀. Sɔ̀ìn ɓóɛ gboɛɛ, Kénà-nyɔ̀ ɓěɔ̀ xwéɖé-dù ɓěɔ̀ gbɛ̀ìn ma dyi.

¹⁹ Ké wa páɔ̀ sɔ̀ìn ma ɖé Zíɖɔ̀ùn-hwɔ̀ɖɔ̀ɔ̀ gbo, ké ɔ nyini ma ɖé Gázà-hwɔ̀ɖɔ̀ɔ̀ gbo. Gázà-hwɔ̀ɖɔ̀ɔ̀ nì hwìè muà ɖé Géwɔ̀ɖɔ̀-hwɔ̀ɖɔ̀ɔ̀ múɛɛ kɔ̃. Ké wa páɔ̀ nyini ma ɖé Ɖásà-hwɔ̀ɖɔ̀ɔ̀ gbo. Ɖásà-hwɔ̀ɖɔ̀ɔ̀ nì hwìè muà ɖé Sáɖɔ̀ùn kè Gòmɔ́ɖɔ̀ kè Àdámà ɔ kè Zɛ̀ɓódyììn-hwɔ̀ɖɔ̀ ɓěɔ̀ múɛɛ kɔ̃.

²⁰ Nyɔ ɓě nìà kɛ mɔ̀ ma Hɛ̃́ìn nyúà-dyú deìn dúún ɓěɔ̀. Waà xwéɖé-dù kò-kò ɓě cĩ́ ma ɖé wa nììn pá-dù kò-kò ɓě kè wa nììn ɓóɖó-dù kò-kò ɓěɔ̀ mú, ké wa po ma wuɖu-dù kò-kò ɓě.

²¹ Cɛ̃́ìn mɔ̀ ma kà Jéfɛ̀ɛ̀ ɖíí-gàà vɛ̀nɛ̀, mɔ̀ ma kà Híìbúɖúù-nyɔ̀ ɓěɔ̀ nììn ɓǎ-ɓǎ sùà kɛɛ wóɖóìn ma dyú ɓě ɖekè.

²² Cɛ̃́ìn nììn dyú ɓěɔ̀ kɛà kɛ̀: Éɖàùn kè Ásù kè Àfázà kè Ɖúɖì ɔ kè Áwàɖàùn.

²³ Ké Áwàɖàùn nììn dyú ɓěɔ̀ kɛà kɛ̀: Dyúzè kè Húò kè Géfɛ̀ ɔ kè Másì.

²⁴ Ké Àfázà wóɖóìn ma Séɖà, ké Séɖà wóɖóìn ma Éɓɛ̀.

²⁵ Ké Éɓɛ̀ wóɖóìn ma dyú sɔ̃́. Ɖòɛ̀ nyɛ́nɛ́ mɔ̀ ma Pɛ́ɖɛ̀ kɔ̃̀ xwíníín mɔ̀ mú-ge-ge kɛ, sepóɛɖé ɖé ɔ nììn tiɔ̀ mú, ɖéɛ̀ ɓóɖó-kpàɔ̀ nyɔ ɓěɔ̀ ge ma mú. Ké ɔ ɖíí-gààɔ̀ nyɛ́nɛ́ mɔ̀ ma Jɔ́tàùn.

²⁶ Ké Jɔ́tàùn wóɖóìn ma Ààmɔ́ɖà kè Sɛ́ɖɛ̀ kè Házàmávɛ̀ kè Jɛ́wàɖà

²⁷ kè Hàɖówàɖàùn kè Dyúzàò kè Díkàɖà

²⁸ kè Óɓàò kè Ábìmáè kè Síɓà

²⁹ kè Ófì kè Hàvíɖà ɔ kè Jóɓà. Nyɔ séín ɓěɛ̀ mɔ̀ ma Jɔ́tàùn dyú ɓěɔ̀.

³⁰ Pá kɔ̃̀ mú nyɔ ɓěɛ̀ cĩ́ ma kɛɛ sɔ̀ìn ma ɖé Mísà-hwɔ̀ɖɔ̀ɔ̀ gbo, ké ɔ mùìn ma ɖé Sɛ́fà-hwɔ̀ɖɔ̀ nìà ɖé toɖo-ɓòɖò hwɔà ɖé dyóɖó-xwáɖáún-wóɖóìn-naínɔ̀ dyíɛɛ gbo.

³¹ Nyɔ ɓě nìà kɛ mɔ̀ ma Cɛ̃́ìn nyúà-dyú deìn dúún ɓěɔ̀. Waà xwéɖé-dù kò-kò ɓě cĩ́ ma ɖé wa nììn pá-dù kò-kò ɓě kè wa nììn ɓóɖó-dù kò-kò ɓěɔ̀ mú, ké wa po ma wuɖu-dù kò-kò ɓě.

³² Kǎà Nóàà dyú ɓěɔ̀ xwéɖé-dù deìn dúún ɓěɔ̀ jè nyu ma nìɛ̀ ɖé waà ɓóɖó-dù kò-kò ɓěɔ̀ kɔ̃. Nyɔ séín ɓě gbɛ̀ìn ma ɓóɖó-kpàɔ̀ kɔ̃in ti ɓɛ́ ní-tòɔ̀ ɖǎ ma dyi ziɛɛ sɔ̀ìn ma ɖé nyɔ ɓěɛ̀ mú.