Jasúé 19 - Ɓǎsɔ́ɔ̀ Báɓòɔ̀

Símìɔ̀ɛ̀ xwéɖé-dùɔ̀ nììn pá

¹ Ti ɓɛ́ Jasúé nyu ma gbo-ɖàɓàìn-ɖɛ̀ɔ̀ kɛɛ, xwéɖé-dùɔ̀ sɔ̃́ nììn ɓɛ́ ɔ nyí ma páa mɔ̀ Símìɔ̀ nììn xwéɖé-dùɔ̀ gbǒ-xwíníín ɓěɔ̀. Wa nììn páɔ̀ nì ɖé Júɖà-ɓòɖòɔ̀ mú.

² Hwɔɖɔ ɓě nì ɖé Símìɔ̀ nììn páɔ̀ múɛɛ mɔ̀ Bèsíɓà kɔ̃̀ nyɛ́nɛ́ ɖò mɔ̀ Síɓà kɛ kè Mòɖáɖà

³ kè Házà-Súwàò kè Báɖà kè Ɛ́zɛ̃̀

⁴ kè Ɛ̀tóɖà kè Bɛ́fùò kè Hɔ́mà

⁵ kè Zíkàɖà kè Bɛ̀-Màkáɓò kè Házà-Súsàà

⁶ kè Bɛ̀-Ɖèɓáò ɔ kè Sàwúɖúhɛ̃̀. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè sè tã, ké wa ɓéɖé hwɔɖɔ-kpàǎ ɓě.

⁷ Hwɔɖɔ ɓě kɔ ɓó dyíɛɛ mɔ̀ Ádyììn kè Wíɖímɔ̀ kè Ɛ́fɔ̀ ɔ kè Ásàùn. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ hĩinyɛ, ké wa ɓéɖé hwɔɖɔ-kpàǎ ɓě.

⁸ Hwɔɖɔ ɓěɛ̀ nììn hwɔɖɔ-kpàǎ ɓěɔ̀ mu tee, ké ɔ nyini ɖé Bááɖɔ̀-Béè-hwɔ̀ɖɔ̀ kɔ̃̀ nyɛ́nɛ́ ɖò mɔ̀ Wáɖámà kɛɛ wĩín, ɖé Nɛ́gà-ɓòɖòɔ̀ kɔ̃. Pá nìà kɛ mɔ̀ Símìɔ̀ nììn xwéɖé-dùɔ̀ gbǒ-xwíníín ɓěɔ̀ kɔ̃̀ɔ̀-ɖɛ̀ kánáá pū.

⁹ Xwíníín kɔ̃̀ jè Símìɔ̀ nììn nyɔ ɓěɔ̀ nììn páɔ̀ nìà ɖé Júɖà-ɓòɖòɔ̀ múɛɛ mɔ̀ sepóɛɖé Jasúé zà ma ɓó Júɖà nììn nyɔ ɓěɔ̀ nììn páɔ̀ ɖò, ké ɔ nyíɛ ma Símìɔ̀ nììn nyɔ ɓěɔ̀. Ɔ nyuɛ ma náa, sepóɛɖé pá ɓɛ́ Júɖà nììn nyɔ ɓěɔ̀ ɓéɖé ma kɛɛ ɓúá dyí mìɔ ɓó wa bìì jè.

Zɛ́ɓíúɖɔ̀ùn xwéɖé-dùɔ̀ nììn pá

¹⁰ Xwéɖé-dùɔ̀ tã nììn ɓɛ́ Jasúé nyí ma páa mɔ̀ Zɛ́ɓíúɖɔ̀ùn nììn xwéɖé-dùɔ̀ gbǒ-xwíníín ɓěɔ̀. Wa nììn páɔ̀ bã̀à dèìn ɖé Sáwìɖì-hwɔ̀ɖɔ̀ɔ̀ mú gbɔ,

¹¹ ké ɔ mùìn ɖé dyóɖó-dyi-kpáìn-naínɔ̀, ké ɔ nyini ɖé Màwáɖáɖà-hwɔ̀ɖɔ̀ɔ̀ mú. Ké ɔ mu, ké ɔ kɔ Dàɓásɛ̀-hwɔ̀ɖɔ̀ɔ̀ dyí, ké ɔ nyini ɖé ní ɖò ɓɛ́ ɔ nì ɖé Jòníà-hwɔ̀ɖɔ̀ɔ̀ dyóɖó-xwáɖáún-wóɖóìn-naínɔ̀ kɛɛ wĩín.

¹² Sɔ̀ìn ɓó Sáwìɖì-hwɔ̀ɖɔ̀ɔ̀ dyóɖó-xwáɖáún-wóɖóìn-naínɔ̀ kɛɛ, bã̀àɔ̀ mùìn ɖé Kísòɖò-Táɓɔ̀-hwɔ̀ɖɔ̀ɔ̀ wĩín, ké ɔ zĩ̀ìn ɖé Dàɓɛ́wàɖà-hwɔ̀ɖɔ̀ɔ̀ wĩín, ké ɔ nyini ɖé Jàfíà-hwɔ̀ɖɔ̀ɔ̀ mú.

¹³ Sɔ̀ìn ɓó Jàfíà-hwɔ̀ɖɔ̀ɔ̀ múɛɛ, ɔ gã̀ dyóɖó-xwáɖáún-wóɖóìn-naínɔ̀ mùɛ̌n dyi tee, ké ɔ zĩ̀ìn ɖé Gátì-Héfɛ̀-hwɔ̀ɖɔ̀ɔ̀ mú. Ké ɔ mùìn ɖé Ífà-Kázĩ̀ìn-hwɔ̀ɖɔ̀ɔ̀ mú, ké ɔ nyini ɖé Wíɖímɔ̀-hwɔ̀ɖɔ̀ɔ̀ mú. Ké ɔ kíɖí, ké ɔ mùìn ɖé Néà-hwɔ̀ɖɔ̀ɔ̀ mú.

¹⁴ Sɔ̀ìn ɓó Néà-hwɔ̀ɖɔ̀ɔ̀ múɛɛ, bã̀àɔ̀ kíɖí ɖe, ké ɔ mùìn ɖé xwía ɖé Hànáfàùn-hwɔ̀ɖɔ̀ɔ̀ mú, ké ɔ sèìn ɖé Ítàhéò Bɔɔ-kpàɔ̀ kɔ̃.

¹⁵ Hwɔɖɔ ɖíɛ́ ɓě nì ɖé Zɛ́ɓíúɖɔ̀ùn nììn páɔ̀ múɛɛ mɔ̀ Kátà kè Nàháɖàò kè Sĩ́wɔ̀nɔ̀ kè Ìdáɖà ɔ kè Bɛ́fèɖèhɛ̃́ɛ̀. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè sè sɔ̃́, ké wa ɓéɖé hwɔɖɔ-kpàǎ ɓě.

¹⁶ Pá nìà kɛ kè hwɔɖɔ ɓě nì ɖé páɔ̀ múɛ ɔ kè waà hwɔɖɔ-kpàǎ ɓěɔ̀ mɔ̀ ma Zɛ́ɓíúɖɔ̀ùn nììn xwéɖé-dùɔ̀ gbǒ-xwíníín ɓěɔ̀ kɔ̃̀ɔ̀-ɖɛ̀ kánáá pū.

Ɛ́sàkàà xwéɖé-dùɔ̀ nììn pá

¹⁷ Xwéɖé-dùɔ̀ hĩinyɛ nììn ɓɛ́ Jasúé nyí ma páa mɔ̀ Ɛ́sàkà nììn xwéɖé-dùɔ̀ gbǒ-xwíníín ɓěɔ̀.

¹⁸ Hwɔɖɔ ɓě nì ɖé Ɛ́sàkà nììn páɔ̀ múɛɛ mɔ̀ Jìzéɖéò kè Kɛ̀súɖò kè Súnɛ̀

¹⁹ kè Háfàwáɖáìn kè Síɔ̀ùn kè Ànàháwàɖà

²⁰ kè Wáɖáɓì kè Kísìɔ̀ùn kè Áɓɛ̀

²¹ kè Wɛ́ɖɛ́mɛ̀ kè Ègánì kè Èhádà ɔ kè Bɛ̀-Pázè.

²² Ɛ́sàkà nììn páɔ̀ bã̀àɔ̀ sɔ̀ìn ɖé Táɓɔ̀-hwɔ̀ɖɔ̀ɔ̀ mú, ké ɔ zĩ̀ìn ɖé Sàhàzímà-hwɔ̀ɖɔ̀ɔ̀ kè Bɛ̀-Sɛ́mɛ̀-hwɔ̀ɖɔ̀ɔ̀ mú, ké ɔ sèìn ɖé Jɔ́nì-nìɔ̀ wĩín. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè sè mɛ̀nɛ̌ìn-ɖò, ké wa ɓéɖé hwɔɖɔ-kpàǎ ɓě.

²³ Pá nìà kɛ kè hwɔɖɔ ɓě nì ɖé páɔ̀ múɛ ɔ kè waà hwɔɖɔ-kpàǎ ɓěɔ̀ mɔ̀ ma Ɛ́sàkà nììn xwéɖé-dùɔ̀ gbǒ-xwíníín ɓěɔ̀ kɔ̃̀ɔ̀-ɖɛ̀ kánáá pū.

Ásèɛ̀ xwéɖé-dùɔ̀ nììn pá

²⁴ Xwéɖé-dùɔ̀ hm̀m̌ nììn ɓɛ́ Jasúé nyí ma páa mɔ̀ Ásè nììn xwéɖé-dùɔ̀ gbǒ-xwíníín ɓěɔ̀.

²⁵ Hwɔɖɔ ɓě nì ɖé Ásè nììn páɔ̀ múɛɛ mɔ̀ Hɛ́kà kè Háɖì kè Bɛ́tɛ̃̀ìn kè Áásàfì

²⁶ kè Àɖàmɛ́ɖɛ̀ kè Ámàɖì ɔ kè Mísàò. Waà páɔ̀ bã̀à nì ɖé dyóɖó-dyi-kpáìn-naínɔ̀ kɛɛ kɔ Kámɛ̀-tòɖòɔ̀ kè Síhɔ̀-Ɖínɔ̀-nìɔ̀ dyí.

²⁷ Ké waà bã̀à nì ɖé dyóɖó-xwáɖáún-wóɖóìn-naínɔ̀ kɛɛ sɔ̀ìn ɖé Bɛ̀-Dágɔ̃̀-hwɔ̀ɖɔ̀ɔ̀ mú. Ké ɔ mùìn ɖé ɓóɖóɔ̀ xwía, ké ɔ pɛ̃́ Zɛ́ɓíúɖɔ̀ùn-ɓòɖòɔ̀ bã̀àɔ̀ wĩin. Ké ɔ zĩ̀ìn ɖé Ítàhéò Bɔɔ-kpàɔ̀ kɔ̃, ké ɔ nyini ɖé Bɛ̀-Émɛ̀-hwɔ̀ɖɔ̀ɔ̀ kè Níèò-hwɔ̀ɖɔ̀ɔ̀ mú. Sɔ̀ìn ɓóɛɛ, ɔ mùìn ɖé Káɓùò-hwɔ̀ɖɔ̀ɔ̀

²⁸ kè Ɛ́bɔ̀nɔ̀-hwɔ̀ɖɔ̀ɔ̀ kè Wíɖíhò-hwɔ̀ɖɔ̀ɔ̀ kè Hámɔ̀ùn-hwɔ̀ɖɔ̀ɔ̀ ɔ kè Kánà-hwɔ̀ɖɔ̀ɔ̀ mú, ké ɔ sèìn ɖé Zíɖɔ̀ùn-hwɔ̀ɖɔ̀ vɛ̀nɛ̀ɔ̀ wĩín.

²⁹ Sɔ̀ìn ɓóɛɛ, bã̀àɔ̀ kíɖí, ké ɔ mùìn ɖé Wáɖámà-hwɔ̀ɖɔ̀ɔ̀ mú, ké ɔ nyini ɖé Táà-hwɔ̀ɖɔ̀ ɓɛ́ ɔ mɔ̀ to-pèɖèìn-naín nyɛɛ mú. Sɔ̀ìn ɓó Táà-hwɔ̀ɖɔ̀ɔ̀ múɛɛ, bã̀àɔ̀ kíɖí ɖe, ké ɔ mùìn ɖé Hósà-hwɔ̀ɖɔ̀ɔ̀ mú, ké ɔ sèìn ɖé Mɛ́ɖɛ̀tɔ̀wéɖénìà-dyòǒɔ̀ wĩín. Hwɔɖɔ tɔ̀ɔ̀ ɓě nì ɖé Ásè nììn páɔ̀ múɛɛ mɔ̀ Mèhɛ́ɓɛ̀ kè Ázì

³⁰ kè Dyúmà kè Áfè ɔ kè Wíɖíhɔ̀. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ kpáɖá-nyɔ sè sɔ̃́, ké wa ɓéɖé hwɔɖɔ-kpàǎ ɓě.

³¹ Pá nìà kɛ kè hwɔɖɔ ɓě nì ɖé páɔ̀ múɛ ɔ kè waà hwɔɖɔ-kpàǎ ɓěɔ̀ mɔ̀ ma Ásè nììn xwéɖé-dùɔ̀ gbǒ-xwíníín ɓěɔ̀ kɔ̃̀ɔ̀-ɖɛ̀ kánáá pū.

Náfátàɖìɛ̀ xwéɖé-dùɔ̀ nììn pá

³² Xwéɖé-dùɔ̀ mɛ̀nɛ̌ìn-ɖò nììn ɓɛ́ Jasúé nyí ma páa mɔ̀ Náfátàɖì nììn xwéɖé-dùɔ̀ gbǒ-xwíníín ɓěɔ̀.

³³ Waà páɔ̀ bã̀àɔ̀ sɔ̀ìn ɖé Héɖɛ̀fì-hwɔ̀ɖɔ̀ɔ̀ mú, ké ɔ mùìn ɖé óò-cù ɖò nì ɖé Zàànánì-hwɔ̀ɖɔ̀ɔ̀ múɛɛ gbo. Sɔ̀ìn ɓóɛɛ, ɔ zĩ̀ìn ɖé Àɖámì-Nɛ́kɛ̀-hwɔ̀ɖɔ̀ɔ̀ kè Jànéò-hwɔ̀ɖɔ̀ɔ̀ ɔ kè Ɖákũ̀ùn-hwɔ̀ɖɔ̀ɔ̀ mú, ké ɔ sèìn ɖé Jɔ́nì-nìɔ̀ wĩín.

³⁴ Sɔ̀ìn ɓóɛɛ, bã̀àɔ̀ kíɖíìn ɖé dyóɖó-dyi-kpáìn-naínɔ̀, ké ɔ mùìn ɖé Ázìnɔ̀-Táɓɔ̀-hwɔ̀ɖɔ̀ɔ̀ mú, ké ɔ nyini ɖé Húkà-hwɔ̀ɖɔ̀ɔ̀ mú. Bã̀à nì ɖé Náfátàɖì nììn páɔ̀ zɔ̃̌in nyɛɛ kɔ Zɛ́ɓíúɖɔ̀ùn nììn páɔ̀ bã̀àɔ̀ dyí, ké Ásè-ɓòɖòɔ̀ hwɔ ɖé waà páɔ̀ dyóɖó-dyi-kpáìn-naínɔ̀ dyí, ké Jɔ́nì-nìɔ̀ hwɔ ɖé waà páɔ̀ dyóɖó-xwáɖáún-wóɖóìn-naínɔ̀ dyí.

³⁵ Toún-pèɖèìn-hwɔ̀ɖɔ̀ ɓě nì ɖé waà páɔ̀ múɛɛ mɔ̀ Zíɖììn kè Zéò kè Hã́mà kè Wáɖákɔ̀ kè Kìnɛ́wɛ̀ɖɛ̀

³⁶ kè Àɖámà kè Wáɖámà kè Házɔ̀

³⁷ kè Kɛ́ɖɛ̀ kè Ɛ̀dɛ́ɖɛ́ì kè Èházɔ̀

³⁸ kè Íwɔ̀nɔ̀ kè Míɖàòɖéò kè Háwèɖèìn kè Bɛ̀-Ánàfì ɔ kè Bɛ̀-Sɛ́mɛ̀. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè sè mɛ̀nɛ̌ìn-hĩinyɛ, ké wa ɓéɖé hwɔɖɔ-kpàǎ ɓě.

³⁹ Pá nìà kɛ kè hwɔɖɔ ɓě nì ɖé páɔ̀ múɛ ɔ kè waà hwɔɖɔ-kpàǎ ɓěɔ̀ mɔ̀ ma Náfátàɖì nììn xwéɖé-dùɔ̀ gbǒ-xwíníín ɓěɔ̀ kɔ̃̀ɔ̀-ɖɛ̀ kánáá pū.

Dɛ̃́ìn xwéɖé-dùɔ̀ nììn pá

⁴⁰ Xwéɖé-dùɔ̀ mɛ̀nɛ̌ìn-sɔ̃́ nììn ɓɛ́ Jasúé nyí ma páa mɔ̀ Dɛ̃́ìn nììn xwéɖé-dùɔ̀ gbǒ-xwíníín ɓěɔ̀.

⁴¹ Hwɔɖɔ ɓě nì ɖé Dɛ̃́ìn nììn páɔ̀ múɛɛ mɔ̀ Záwàɖà kè Ɛ̀táò kè Ìsɛ́mɛ̀

⁴² kè Sààɖáɓììn kè Àjáɖɔ̀ùn kè Ífàɖà

⁴³ kè Éɖɔ̀ùn kè Tímínà kè Ɛ́kɔ̀nɔ̀

⁴⁴ kè Ɛ̀tékè kè Gìɓɛ́fɔ̀ùn kè Bááɖɔ̀

⁴⁵ kè Jɛ́hùɖì kè Bɛ́nè-Béwàɖà kè Gátì-Wíɖímɔ̀

⁴⁶ kè Mè-Jákɔ̃̀ùn kè Wáɖákɔ̃̀ùn ɔ kè hwɔɖɔ ɓě nì Jɔ́pà-hwɔ̀ɖɔ̀ɔ̀ ɖeiɛ.

^47-48 Pá nìà kɛ kè hwɔɖɔ ɓě nì ɖé páɔ̀ múɛ ɔ kè waà hwɔɖɔ-kpàǎ ɓěɔ̀ mɔ̀ ma Dɛ̃́ìn nììn xwéɖé-dùɔ̀ gbǒ-xwíníín ɓěɔ̀ kɔ̃̀ɔ̀-ɖɛ̀. Kɛɛ Dɛ̃́ìn nììn nyɔ ɓěɔ̀ se ma nyɔ ɓě nì ma ɖé páɔ̀ múɛɛ ɖé dyi kúmúɛ̀n ɓɛ́ìn. Ɔ jèɛɛ, wa mu ma, ké wa po ma Ɖáì-hwɔ̀ɖɔ̀ɔ̀ to kɔ̃, ké wa ɖu ma hwɔɖɔɔ̀ toún. Wa ɖáɓá ma nyɔ ɓě nì ma ɖé hwɔɖɔɔ̀ múɛɛ gàsíà dyí, ké wa ɖú ma hwɔɖɔɔ̀ dyí, ɓɛ́ ɔ ké ma waà kɔ̃̀ɔ̀-ɖɛ̀ jǔ. Ké wa jǔìn ma hwɔɖɔɔ̀ Dɛ̃́ìn mɔ̀à wa ɓǎ nììn ɓǎɔ̀ kɛɛ nyɛ́nɛ́ɔ̀.

Jasúé nììn pá

⁴⁹ Ti ɓɛ́ Jasúé kè Éézùɖùɛ̀-nyɔ̀ vɛ̀nɛ̀ ɓěɔ̀ ɖǎ ma ɓóɖóɔ̀ geɛ̀n hwɔɛɛ, Éézùɖùɛ̀-nyɔ̀ ɓěɔ̀ nyí ma Jasúé waà páɔ̀ ɖò, ɓɛ́ ɔ ké ɔ nììn kɔ̃̀ɔ̀-ɖɛ̀ jǔ kánáá pū.

⁵⁰ Kà Bounɓoɔ̀ nyuɛ ma kà cɛ̃ɛ kɛɛ, kǎà wa nyu ma Jasúé hwɔɖɔ ɓɛ́ ɔ zɔ̀ ma kɛɛ nyíɛ. Hwɔɖɔ ɓɛ́ ɔ zɔ̀ ma kà kɛɛ mɔ̀ Tímínɔ̀-Sɛ́wàɖà-hwɔ̀ɖɔ̀ ɓɛ́ ɔ nì ma ɖé Ífèɖèìn Toɖo-ɓòɖòɔ̀ múɛ. Ké ɔ po ma hwɔɖɔɔ̀ ɖe ɖie, ké ɔ cĩ́ ma ɖéɛ mú.

⁵¹ Kǎà Ɛ̀ɖɛ̀ázà mɔ̀à sáa-zà-nyɔ̀ vɛ̀nɛ̀ɔ̀ kɛ kè Jasúé ɔ kè Éézùɖùɛ̀ɛ̀ xwéɖé-dù ɓěɔ̀ gbǒ-xwíníín ɖò-ɖò ɓěɔ̀ nyɔ vɛ̀nɛ̀ ɓěɔ̀ nyu ma ɓóɖóɔ̀ geɛ̀n ɓó Bounɓoɔ̀ dyúa, ɖé Síɖò-hwɔ̀ɖɔ̀ɔ̀ wĩín. Ti wa nì ma ɓóɖóɔ̀ geɛ̌n nyɛɛ, wa nyu ma gbo-ɖàɓàìn-ɖɛ̀ ɓó jàɖàìn-gbò kɔ̃̀ mú ɓɛ́ Bounɓoɔ̀ kè ɔ nyɔ ɓěɔ̀ dyéàìn nyɛɛ wĩín.