Jasúé 15 - Ɓǎsɔ́ɔ̀ Báɓòɔ̀

Pá ɓɛ́ Éézùɖùɛ̀-nyɔ̀ vɛ̀nɛ̀ ɓěɔ̀ nyí ma Júɖàà xwéɖé-dùɔ̀ kɛ

¹ Ti ɓɛ́ Jasúé kè Ɛ̀ɖɛ̀ázà ɔ kè Éézùɖùɛ̀-nyɔ̀ vɛ̀nɛ̀ ɓěɔ̀ geìn ma Kénà-ɓòɖòɔ̀ kɛɛ, pá ɓɛ́ wa nyí ma Júɖàà xwéɖé-dùɔ̀ gbǒ-xwíníín ɓěɔ̀ kɛɛ kɛà kɛ̀. Zĩ́ìn Gbǎùn-fúɖúáɔ̀ nì ɖé waà páɔ̀ zɔ̃̌in, ké ɔ kɔ Íɖɔ̀ùn-ɓòɖòɔ̀ bã̀à dyí.

² Bã̀à nì ɖé waà páɔ̀ zɔ̃̌in nyɛɛ dèìn ɖé Tɔ̃́ Dòùnɓìǎɔ̀ zɔ̃̌in gbɔ,

³ ké ɔ mu ɓíɖíi tee, ké ɔ zĩ̀ìn ɖé Àkáɖáɓììn-tòɖò ɓěɔ̀ gbo, ké ɔ mùìn ɖé Zĩ́ìn Gbǎùn-fúɖúáɔ̀ kɔ̃. Sɔ̀ìn ɓóɛɛ, ɔ zĩ̀ìn ɖé Káɖɛ̀-Bànéà-hwɔ̀ɖɔ̀ɔ̀ ɓíɖíi, ké ɔ mùìn ɖé Hɛ́wɔ̀ɖɔ̀ùn-hwɔ̀ɖɔ̀ɔ̀ kè Áɖɔ̀-hwɔ̀ɖɔ̀ɔ̀ mú, ké ɔ kíɖí, ké ɔ mùìn ɖé Kákà-hwɔ̀ɖɔ̀ɔ̀ mú.

⁴ Sɔ̀ìn ɓóɛɛ, ɔ zĩ̀ìn ɖé Ázìmɔ̀-hwɔ̀ɖɔ̀ɔ̀ mú, ké ɔ kpɔ̃̀ìn ní nìà ɖé Íjè-ɓòɖòɔ̀ bã̀àɔ̀ dyíɛɛ dyi, ké ɔ sèìn ɖé Mɛ́ɖɛ̀tɔ̀wéɖénìà-dyòǒɔ̀ wĩín. Kǎà bã̀à nì ɖé Júɖà nììn páɔ̀ zɔ̃̌in nyɛɛ nyu nìɛ̀.

⁵ Júɖà nììn páɔ̀ bã̀à nì ɖé dyóɖó-xwáɖáún-wóɖóìn-naínɔ̀ kɛɛ mɔ̀ Tɔ̃́ Dòùnɓìǎɔ̀. Ké páɔ̀ bã̀à nì ɖé xwía kɛɛ dèìn ɖé dɛ̀ Jɔ́nì-nìɔ̀ wáɖáà Tɔ̃́ Dòùnɓìǎɔ̀ múɛɛ gbo gbɔ,

⁶ ké ɔ mùìn ɖé Bɛ̀-Hágàɖà-hwɔ̀ɖɔ̀ɔ̀ wĩín. Sɔ̀ìn ɓóɛɛ, ɔ zĩ̀ìn ɖé Bɛ̀-Àwáɖáɓà-hwɔ̀ɖɔ̀ɔ̀ xwía, ké ɔ mùìn ɖé sɔ́ɔ́-kpò ɖò ɓɛ́ wa ɖáìn Wuɖuɓíín dyú-gàà mɔ̀ ma Bóhã̀ kɛɛ nyɛ́nɛ́ín nyɛɛ gbo.

⁷ Sɔ̀ìn ɓóɛɛ, ɔ mùìn ɖé Ákɔ̀ Bɔɔ-kpàɔ̀ kɔ̃, ké ɔ zĩ̀ìn ɖé Déɓì-hwɔ̀ɖɔ̀ɔ̀ mú, ké ɔ kíɖí, ké ɔ mùìn ɖé xwía ɖé Gíógàò-hwɔ̀ɖɔ̀ nì ɖé Àdúmì-tòɖò ɓěɔ̀ wáún wɛ̃ɛ wĩín. Àdúmì-tòɖò ɓěɔ̀ nì ɖé bɔɔ-kpà ɖò zɔ̃̌in. Sɔ̀ìn ɓó Gíógàò-hwɔ̀ɖɔ̀ɔ̀ wĩín nyɛɛ, ɔ mùìn ɖé Èsɛ́mɛ̀-nì-dùɔ̀ gbo, ké ɔ zĩ̀ìn ɖé Èwóɖógèò-nì-dùɔ̀ wĩín.

⁸ Ké ɔ mùìn ɖé Hĩ́nɔ̀ Bɔɔ-kpà ɓɛ́ ɔ nì ɖé toɖo kɔ̃̀ dya ɓɛ́ Jɛ́ɓù-nyɔ̀ ɓěɔ̀ hwɔɖɔ mɔ̀à Jùɖúsɛ̀ɖɛ̀ìn kɛɛ nìà kɛɛ zɔ̃̌in nyɛɛ kɔ̃, ké ɔ mùìn toɖo ɖò nì ɖé Hĩ́nɔ̀ Bɔɔ-kpàɔ̀ dyóɖó-dyi-kpáìn-naínɔ̀ kɛɛ dya. Toɖoɔ̀ nì ɖé Wɛ̀ɖɛ̀fáìn Bɔɔ-kpàɔ̀ xwía.

⁹ Sɔ̀ìn ɖé toɖoɔ̀ dyaa, ɔ mùìn ɖé Nɛ̀tóà-nì-dùɔ̀ gbo, ké ɔ zĩ̀ìn ɖé hwɔɖɔ ɓě nì ɖé Ɛ́fɔ̀nɔ̀-tòɖòɔ̀ gboɛɛ mú, ké ɔ zĩ̀ìn ɖé Bááɖà-hwɔ̀ɖɔ̀ kɔ̃̀ nyɛ́nɛ́ ɖò mɔ̀à Kíjà-Jáwìɖììn kɛɛ mú.

¹⁰ Sɔ̀ìn Bááɖà-hwɔ̀ɖɔ̀ɔ̀ múɛɛ, ɔ kíɖí, ké ɔ mùìn ɖé dyóɖó-dyi-kpáìn-naínɔ̀ ɖé Séì-tòɖòɔ̀ gbo, ké ɔ zĩ̀ìn ɖé Jáwìɖììn-tòɖò kɔ̃̀ nyɛ́nɛ́ ɖò mɔ̀à Kɛ̀sáɖɔ̀ùn kɛɛ xwía. Ké ɔ mùìn ɖé Bɛ̀-Sɛ́mɛ̀-hwɔ̀ɖɔ̀ɔ̀ mú, ké ɔ zĩ̀ìn ɖé Tímínà-hwɔ̀ɖɔ̀ɔ̀ mú.

¹¹ Sɔ̀ìn ɓóɛɛ, ɔ mùìn ɖé toɖo ɖò nì ɖé Ɛ́kɔ̀nɔ̀-hwɔ̀ɖɔ̀ɔ̀ xwía kɛɛ gbo, ké ɔ zĩ̀ìn ɖé Síkɔ̀nɔ̀-hwɔ̀ɖɔ̀ɔ̀ mú. Ké ɔ mùìn ɖé Bááɖà-tòɖòɔ̀ gbo, ké ɔ zĩ̀ìn ɖé Jànéò-hwɔ̀ɖɔ̀ɔ̀ mú, ké ɔ sèìn ɖé Mɛ́ɖɛ̀tɔ̀wéɖénìà-dyòǒɔ̀ wĩín.

¹² Júɖà nììn páɔ̀ bã̀à nì ɖé dyóɖó-dyi-kpáìn-naínɔ̀ kɛɛ mɔ̀ Mɛ́ɖɛ̀tɔ̀wéɖénìà-dyòǒɔ̀. Kǎà wa nyu ma Júɖàà xwéɖé-dùɔ̀ gbǒ-xwíníín ɓěɔ̀ páɔ̀ bã̀à poɛ.

Kéɖɛ̀ ɖu Hɛ́bɔ̀nɔ̀-hwɔ̀ɖɔ̀ɔ̀ kè Déɓì-hwɔ̀ɖɔ̀ɔ̀ toún

¹³ Ti ɓɛ́ Éézùɖùɛ̀-nyɔ̀ vɛ̀nɛ̀ ɓěɔ̀ nì ma Júɖàà xwéɖé-dùɔ̀ nììn pá tòɛ̌n nyɛɛ, Jasúé nyí ma Kéɖɛ̀ mɔ̀à Jɛ̀fúnɛ̀ɛ̀ dyú-gààɔ̀ kɛɛ pá ɖò ɖé Júɖà-nyɔ̀ ɓěɔ̀ ɓóɖóɔ̀ mú kà Bounɓoɔ̀ nyuɛ ma kà Jasúé gbo cɛ̃ɛ kɛ. Ɔ nyí ma ɔ Kíjà-Áɓà-hwɔ̀ɖɔ̀ kɔ̃̀ nyɛ́nɛ́ ɖò mɔ̀à Hɛ́bɔ̀nɔ̀ kɛ. Kíjà-Áɓà-hwɔ̀ɖɔ̀ɔ̀ mùìn ma Áɓà ɓɛ́ ɔ mɔ̀ ma Ánàkì-nyɔ̀ ɓěɔ̀ ɓǎ nììn ɓǎ kɛɛ nyɛ́nɛ́ín.

¹⁴ Ké Kéɖɛ̀ kúmú ma Ánàkì-nyɔ̀ ɓěɔ̀ Hɛ́bɔ̀nɔ̀-hwɔ̀ɖɔ̀ɔ̀ múin. Ánàkì-nyɔ̀ ɓě nì ma ɖéɛɛ mɔ̀ ma Sésàì kè Àhímà ɔ kè Táámàì ɓɛ́ wa mɔ̀ ma Ánàkìɛ̀ dyú-gàà ɓě kɛɛ gbǒ-xwíníín-nyɔ̀ ɓě.

¹⁵ Ti ɓɛ́ Kéɖɛ̀ ɖǎ ma Hɛ́bɔ̀nɔ̀-hwɔ̀ɖɔ̀ɔ̀ toún ɖuɛɛ, ɔ mu ma, ɓɛ́ ɔ ké ma Déɓì-hwɔ̀ɖɔ̀ɔ̀ gbo vɔ̃. Déɓì-hwɔ̀ɖɔ̀ɔ̀ nyɛ́nɛ́ mɔ̀ ma Kíjà-Séfɛ̀ kĩ́ín.

¹⁶ Ké Kéɖɛ̀ cɛ̃ɛ ma ɔ gàa ɓěɔ̀ gbo, ké ɔ ɖá, “Nyɔ mɔ̀ nyɔ mu Kíjà-Séfɛ̀-hwɔ̀ɖɔ̀ɔ̀ toún ɖuùn wɛ̃ɛ, ní mu ɔ ní dyú-màà mɔ̀à Ákàsà kɛɛ nyíìn, ɓɛ́ ɔ ké ɔ gmàà jǔ.”

¹⁷ Ké Àníè ɓɛ́ ɔ mɔ̀ ma Kɛ́nàà dyú-gàà kɛɛ ɖu ma hwɔɖɔɔ̀ toún. Ɔ jèɛɛ, Kéɖɛ̀ nyí ma ɔ dyú-màà mɔ̀à Ákàsà kɛɛ Àníè, ɓɛ́ ɔ ké ɔ gmàà jǔ. Kɛ́nà mɔ̀ ma Kéɖɛ̀ɛ̀ ɖíí-gàà.

¹⁸ Wé kɔ̃̀ ɓaɖa ɓɛ́ Àníè kè Ákàsà kpɔ̃ìn ma dyiɛɛ, Àníè cɛ̃ɛ ma Ákàsà gbo, ké ɔ ɖá, “Zɔ̀ìn m̀ ɓǎ pá ɖò ɓó à bìì.” Ɔ jèɛɛ, Ákàsà sɔ̀ ma ɔ jǎkasìɔ̀ kɔ̃ún, ké ɔ mu ma ɖé ɔ ɓǎ gbo. Ké ɔ ɓǎ diè ma ɔ dyi, ké ɔ ɖá, “Ɖɛ́ m̀ mɔ́ kɛ́?”

¹⁹ Ké Ákàsà jǔ ma ɔ gɔ̃̌, ké ɔ ɖá, “Ní mɔ́ ɓɛ́ m̀ ké wɛ́ɛ ḿ pá ɓɛ́ ɔ ɓéɖé ní-dù ɓě kɛɛ nyí, sepóɛɖé pá ɓɛ́ m̀ ɖǎà ḿ nyí ɖé Nɛ́gà-ɓòɖòɔ̀ kɔ̃ɛɛ se ní ɖò ɓéɖé.” Ɔ jèɛɛ, Kéɖɛ̀ nyí ma ɔ pá ɓɛ́ ɔ ɓéɖé ma ní-dù ɓě ɖé ɔ xwía kè ɔ zɔ̃̌in nyɛ.

Hwɔɖɔ ɓě nì ɖé Júɖà-ɓòɖòɔ̀ kɔ̃ɛ

²⁰ Hwɔɖɔ ɓě ɓɛ́ Júɖàà xwéɖé-dùɔ̀ gbǒ-xwíníín ɓěɔ̀ ɖú ma dyí, ɓɛ́ wa dyi ma waà kɔ̃̀ɔ̀-ɖɛ̀ jǔɛɛ kɛà kɛ̀.

²¹ Hwɔɖɔ ɓě nì ɖéé ɖé Júɖà-ɓòɖòɔ̀ zɔ̃̌in, hwɔ ɖé Íɖɔ̀ùn-ɓòɖòɔ̀ bã̀à dyíɛɛ mɔ̀ Kàzéò kè Éɖɛ̀ kè Jágù

²² kè Kínà kè Dìmɔ́nà kè Àɖáɖà

²³ kè Kɛ́ɖɛ̀ kè Házɔ̀ kè Ínà

²⁴ kè Zífì kè Téɖɛ̀ìn kè Bɛ̀áɖà

²⁵ kè Házɔ̀-Hàɖátà kè Kéwìɖìò-Hɛ́wɔ̀ɖɔ̀ùn kɔ̃̀ nyɛ́nɛ́ ɖò mɔ̀ Házɔ̀ kɛ

²⁶ kè Ámàùn kè Sɛ́mà kè Mòɖáɖà

²⁷ kè Házà-Gáɖà kè Hɛ́mɔ̀ùn kè Bɛ̀-Páɖɛ̀

²⁸ kè Házà-Súwàò kè Bèsíɓà kè Bìdyófìà

²⁹ kè Bááɖà kè Ídyììn kè Ɛ́zɛ̃̀

³⁰ kè Ɛ̀tóɖà kè Kɛ́sì kè Hɔ́mà

³¹ kè Zíkàɖà kè Màmánà kè Sã̀sánà

³² kè Ɖèɓáò kè Síóhĩ̀ kè Ádyììn ɔ kè Wíɖímɔ̀. Hwɔɖɔ ɓě nìà ɖé Júɖà-ɓòɖòɔ̀ zɔ̃̌in nyɛɛ mɔ̀ dìɓà-hwɔ̀ɖɔ̀ kpáɖá-nyɔ sè mɛ̀nɛ̌ìn-hĩinyɛ, ké wa ɓéɖé hwɔɖɔ-kpàǎ ɓě.

³³ Ké hwɔɖɔ ɓě nì ɖé bɔɔ-kpà hwɔ ɖé Júɖà Toɖo-ɓòɖòɔ̀ dyóɖó-dyi-kpáìn-naínɔ̀ dyíɛ kɔ̃ɛɛ mɔ̀ Ɛ̀táò kè Záwàɖà kè Ásànà

³⁴ kè Zànóà kè Ègánì kè Tàpúà kè Énàùn

³⁵ kè Jámù kè Àdúɖàùn kè Sókò kè Àzékà

³⁶ kè Sàwáɖáìn kè Àdìfáìn kè Gèɖéwàɖà ɔ kè Gèɖéwòɖòfáìn. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè sè hĩinyɛ, ké wa ɓéɖé hwɔɖɔ-kpàǎ ɓě.

³⁷ Hwɔɖɔ ɓě kɔ ɓó dyíɛɛ mɔ̀ Zɛ́nà kè Hàɖásà kè Míɖàò-Gáà

³⁸ kè Díɖèàùn kè Mípà kè Jɔ̀féò

³⁹ kè Ɖákì kè Bákà kè Ɛ́gɔ̀nɔ̀

⁴⁰ kè Káɓòùn kè Ɖámà kè Kíɖì

⁴¹ kè Gèɖéwòɖò kè Bɛ̀-Dágɔ̃̀ kè Náámà ɔ kè Màkéɖà. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè sè mɛ̀nɛ̌ìn-ɖò, ké wa ɓéɖé hwɔɖɔ-kpàǎ ɓě.

⁴² Hwɔɖɔ ɓě kɔ ɓó dyí ɖeɛɛ mɔ̀ Ɖínà kè Ɛ́fɔ̀ kè Ásàùn

⁴³ kè Ítà kè Ásànà kè Nɛ́zì

⁴⁴ kè Kíɖà kè Ázì ɔ kè Màwéɖésà. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ mɛ̀nɛ̌ìn-hĩinyɛ, ké wa ɓéɖé hwɔɖɔ-kpàǎ ɓě.

⁴⁵ Ké Ɛ́kɔ̀nɔ̀-hwɔ̀ɖɔ̀ɔ̀ kè ɔ nììn hwɔɖɔ-kpàǎ ɓěɔ̀ nì ɖé Júɖà-ɓòɖòɔ̀ mú ɖekè.

⁴⁶ Hwɔɖɔ ɓě kɔ ɓó dyíɛɛ mɔ̀ hwɔɖɔ séín ɓě ɓɛ́ wa xwɛ̃́ìn Áɖò-hwɔ̀ɖɔ̀ɔ̀ bũ̌in nyɛ. Dìɓà-hwɔ̀ɖɔ̀ ɓěɛ̀ kè waà hwɔɖɔ-kpàǎ ɓě nì ɓó Ɛ́kɔ̀nɔ̀-hwɔ̀ɖɔ̀ɔ̀ kè Mɛ́ɖɛ̀tɔ̀wéɖénìà-dyòǒɔ̀ pṹa.

⁴⁷ Hwɔɖɔ ɓě kɔ ɓó dyí ɖeɛɛ mɔ̀ Áɖò-hwɔ̀ɖɔ̀ɔ̀ kè Gázà-hwɔ̀ɖɔ̀ɔ̀. Dìɓà-hwɔ̀ɖɔ̀ ɓěɛ̀ kè waà hwɔɖɔ-kpàǎ ɓě nyini ɖé ní nìà ɖé Íjè-ɓòɖòɔ̀ bã̀àɔ̀ dyíɛ kè Mɛ́ɖɛ̀tɔ̀wéɖénìà-dyòǒɔ̀ wĩín.

⁴⁸ Ké hwɔɖɔ ɓě nì ɖé Júɖà Toɖo-ɓòɖòɔ̀ kɔ̃ɛɛ mɔ̀ Sámì kè Játì kè Sókò

⁴⁹ kè Dánɔ̀ kè Kíjà-Sánà kɔ̃̀ nyɛ́nɛ́ ɖò mɔ̀ Déɓì kɛ

⁵⁰ kè Ánàɓì kè Ɛ̀tèmɔ́à kè Ánììn

⁵¹ kè Gósɛ̃̀ìn kè Hóɖɔ̀ùn ɔ kè Gíɖò. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè sè dyúáɖò, ké wa ɓéɖé hwɔɖɔ-kpàǎ ɓě.

⁵² Hwɔɖɔ ɓě kɔ ɓó dyíɛɛ mɔ̀ Àwéɖéɓìà kè Dúmà kè Ɛ́sàùn

⁵³ kè Jánì kè Bɛ̀-Tàpúà kè Àfékà

⁵⁴ kè Hṹtà kè Kíjà-Áɓà kɔ̃̀ nyɛ́nɛ́ ɖò mɔ̀à Hɛ́bɔ̀nɔ̀ kɛ ɔ kè Zíò. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ mɛ̀nɛ̌ìn-hĩinyɛ, ké wa ɓéɖé hwɔɖɔ-kpàǎ ɓě.

⁵⁵ Hwɔɖɔ ɓě kɔ ɓó dyí ɖeɛɛ mɔ̀ Máɔ̀ùn kè Kámɛ̀ kè Zífì kè Jútà

⁵⁶ kè Jìzéɖéò kè Jòɖíàùn kè Zànóà

⁵⁷ kè Káìn kè Gíɓìà ɔ kè Tímínà. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ ɓaɖa-bùè, ké wa ɓéɖé hwɔɖɔ-kpàǎ ɓě.

⁵⁸ Hwɔɖɔ ɓě kɔ ɓó dìɓà-hwɔ̀ɖɔ̀ ɓaɖa-bùè ɓěɛ̀ gbo dyíɛɛ mɔ̀ Hááhùò kè Bɛ̀-Zúɔ̀ kè Géɖò

⁵⁹ kè Mááwàɖà kè Bɛ̀-Ánò ɔ kè Ɛ̀tékòùn. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ mɛ̀nɛ̌ìn-ɖò, ké wa ɓéɖé hwɔɖɔ-kpàǎ ɓě.

⁶⁰ Hwɔɖɔ ɓě kɔ ɓó dìɓà-hwɔ̀ɖɔ̀ mɛ̀nɛ̌ìn-ɖò ɓěɛ̀ mɔ̀ùn gbo dyíɛɛ mɔ̀ Kíjà-Béò kɔ̃̀ nyɛ́nɛ́ ɖò mɔ̀ Kíjà-Jáwìɖììn kɛ kè Wáɖáɓà. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ sɔ̃́, ké wa ɓéɖé hwɔɖɔ-kpàǎ ɓě.

⁶¹ Ké hwɔɖɔ ɓě nì ɖé Júɖà Gbǎùn-fúɖúáɔ̀ kɔ̃ɛɛ mɔ̀ Bɛ̀-Àwáɖáɓà kè Míɖììn kè Sɛ̀kákà

⁶² kè Nísàùn kè hwɔɖɔ ɓɛ́ wa ɖáìn Tɔ̃́ kɛ ɔ kè Ègáɖì. Hwɔɖɔ ɓěɛ̀ mɔ̀ dìɓà-hwɔ̀ɖɔ̀ mɛ̀nɛ̌ìn-ɖò, ké wa ɓéɖé hwɔɖɔ-kpàǎ ɓě.

⁶³ Ti ɓɛ́ Júɖà-nyɔ̀ ɓěɔ̀ mu ma Jùɖúsɛ̀ɖɛ̀ìn-hwɔ̀ɖɔ̀ɔ̀ mú cĩ́ìn nyɛɛ, wa se ma Jɛ́ɓù-nyɔ̀ ɓěɔ̀ ɖé hwɔɖɔɔ̀ múin kúmúɛ ɓɛ́ìn. Ɔ jèɛɛ, wa kè Jɛ́ɓù-nyɔ̀ ɓěɔ̀ cĩ́ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ke ɓó zɛ̃̌ɛ̀.