Ɛ́zùɖùà 2 - Ɓǎsɔ́ɔ̀ Báɓòɔ̀

Gbǒ-xwíníín-dù ɓě ɓɛ́ wa kpaó zɔ̃̌ɔ̀ to-xwàɖàǔn wɛ̃ɛ ɖe-dyi-dyi

¹ Éézùɖùɛ̀ɛ̀ gbǒ-xwíníín-nyɔ̀ ɓě ɓɛ́ Kã́á Nɛ̀ɓùkànɛ́zà kpaó zɔ̃̌ɔ̀ kà ɖé ɔ ɓíɖí Báɓèɖɔ́ùn-ɓòɖòɔ̀ kɔ̃ɛɛ pàɖǎ dyi ma ɖe ɖé Júɖà-ɓòɖòɔ̀ kɔ̃ ɔ kè ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. Wa ɖò-ɖò séín mu ma wa mìɔùn ɓíɖí-hwɔɖɔún.

² Waà nàìn-nyɔ̀ ɓě mɔ̀ ma Zɛ̀wáɖáɓèɓò kè Jésùà kè Níòmádyà kè Sɛ̀wáɖádyà kè Wèɖèɖádyà kè Mɔ́ɖékáì kè Bíósàùn kè Mípɔ̀ kè Bívàì kè Wɛ́ɖɛ́hù ɔ kè Báánà. Éézùɖùɛ̀-gàà jĩ̀ kà nì ma gbǒ-xwíníín ɖò-ɖò ɓě dyi ma kà ɖeɛ múɛɛ kɛà kɛ̀.

³ Páwòɖòɛ̀ gbǒ-xwíníín-gàà ɓě mɔ̀ ma nyɔ-kpò táázĩ̀ìn sɔ̃́ hɔ̃dɛ̀ɖɛ̀ dyúáɖò kè kpáɖá-nyɔ tã ɓaɖa-bùè sè sɔ̃́.

⁴ Ké Sɛ̀fátìàà gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ tã kè kpáɖá-nyɔ tã ɓaɖa-bùè sè sɔ̃́.

⁵ Ké Áwàɖàà gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-sɔ̃́ kè kpáɖá-nyɔ tã ɓaɖa-bùè sè hm̀m̌.

⁶ Ké Páhà-Móàà gbǒ-xwíníín-gàà ɓě mɔ̀ ma nyɔ-kpò táázĩ̀ìn sɔ̃́ hɔ̃dɛ̀ɖɛ̀ mɛ̀nɛ̌ìn-tã kè ɓaɖa-bùè sè sɔ̃́. Páhà-Móà ɓǎ ɓě mɔ̀ Jésùà kè Jóà.

⁷ Ké Éɖàùnɛ̀ gbǒ-xwíníín-gàà ɓě mɔ̀ ma nyɔ-kpò táázĩ̀ìn dyúáɖò hɔ̃dɛ̀ɖɛ̀ sɔ̃́ kè kpáɖá-nyɔ sɔ̃́ ɓaɖa-bùè sè hĩinyɛ.

⁸ Ké Zátùɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-hĩinyɛ kè kpáɖá-nyɔ sɔ̃́ sè hm̀m̌.

⁹ Ké Zákàìɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-sɔ̃́ kè kpáɖá-nyɔ tã.

¹⁰ Ké Bánìɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ sɔ̃́ sè sɔ̃́.

¹¹ Ké Béɓàìɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ sè tã.

¹² Ké Ázìgàà gbǒ-xwíníín-gàà ɓě mɔ̀ ma nyɔ-kpò táázĩ̀ìn ɖò hɔ̃dɛ̀ɖɛ̀ sɔ̃́ kè kpáɖá-nyɔ sè sɔ̃́.

¹³ Ké Àɖòníkàùnɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ tã sè mɛ̀nɛ̌ìn-ɖò.

¹⁴ Ké Bívàìɛ̀ gbǒ-xwíníín-gàà ɓě mɔ̀ ma nyɔ-kpò táázĩ̀ìn sɔ̃́ kè kpáɖá-nyɔ sɔ̃́ ɓaɖa-bùè sè mɛ̀nɛ̌ìn-ɖò.

¹⁵ Ké Áɖììnɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ hĩinyɛ kè kpáɖá-nyɔ sɔ̃́ ɓaɖa-bùè sè hĩinyɛ.

¹⁶ Ké Átè ɓɛ́ ɔ mɔ̀ ma Hɛ́sèkádyàà dyú-gàà kɛɛ gbǒ-xwíníín-gàà ɓě mɔ̀ ma nyɔ-kpò kpáɖá-nyɔ hĩinyɛ ɓaɖa-bùè sè mɛ̀nɛ̌ìn-tã.

¹⁷ Ké Bézàìɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ tã kè kpáɖá-nyɔ sè tã.

¹⁸ Ké Jówàɖàà gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ dyúáɖò kè ɓaɖa-bùè sè sɔ̃́.

¹⁹ Ké Hásũ̀ùnɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ sɔ̃́ kè kpáɖá-nyɔ sè tã.

²⁰ Ké Gíɓàà gbǒ-xwíníín-gàà ɓě mɔ̀ ma nyɔ-kpò kpáɖá-nyɔ hĩinyɛ ɓaɖa-bùè sè hm̀m̌.

²¹ Gàa jĩ̀ kà sɔ̀ ma hwɔɖɔ ɖò-ɖò múɛɛ kɛà kɛ̀. Gàa ɓě sɔ̀ ma ɖé Bɛ́fèɖèhɛ̃́ɛ̀ kɛɛ mɔ̀ ma nyɔ-kpò hɔ̃dɛ̀ɖɛ̀ dyúáɖò kè kpáɖá-nyɔ sè tã.

²² Ké gàa ɓě sɔ̀ ma ɖé Nɛ̀tófà kɛɛ mɔ̀ ma nyɔ-kpò kpáɖá-nyɔ sɔ̃́ ɓaɖa-bùè sè mɛ̀nɛ̌ìn-ɖò.

²³ Ké gàa ɓě sɔ̀ ma ɖé Ànáfò kɛɛ mɔ̀ ma nyɔ-kpò hɔ̃dɛ̀ɖɛ̀ dyúáɖò kè kpáɖá-nyɔ sè mɛ̀nɛ̌ìn-tã.

²⁴ Ké gàa ɓě sɔ̀ ma ɖé Àmávɛ̀ kɛɛ mɔ̀ ma nyɔ-kpò kpáɖá-nyɔ sɔ̃́ sè sɔ̃́.

²⁵ Ké gàa ɓě sɔ̀ ma ɖé Kíjà-Jáwìɖììn kè Kɛ̀fíwàɖà ɔ kè Bééwòɖò kɛɛ mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-sɔ̃́ kè kpáɖá-nyɔ sɔ̃́ sè tã.

²⁶ Ké gàa ɓě sɔ̀ ma ɖé Wáɖámà kè Géɓà kɛɛ mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ sè dyúáɖò.

²⁷ Ké gàa ɓě sɔ̀ ma ɖé Mímàsì kɛɛ mɔ̀ ma nyɔ-kpò hɔ̃dɛ̀ɖɛ̀ dyúáɖò kè kpáɖá-nyɔ sè sɔ̃́.

²⁸ Ké gàa ɓě sɔ̀ ma ɖé Bɛ́fèò kè Éà kɛɛ mɔ̀ ma nyɔ-kpò hɔ̃dɛ̀ɖɛ̀ sɔ̃́ kè kpáɖá-nyɔ sè tã.

²⁹ Ké gàa ɓě sɔ̀ ma ɖé Néɓò kɛɛ mɔ̀ ma nyɔ-kpò kpáɖá-nyɔ sɔ̃́ ɓaɖa-bùè sè sɔ̃́.

³⁰ Ké gàa ɓě sɔ̀ ma ɖé Mábì kɛɛ mɔ̀ ma nyɔ-kpò hɔ̃dɛ̀ɖɛ̀ dyúáɖò kè kpáɖá-nyɔ sɔ̃́ ɓaɖa-bùè sè mɛ̀nɛ̌ìn-ɖò.

³¹ Ké gàa ɓě sɔ̀ ma ɖé Éɖàùn kɛɛ mɔ̀ ma nyɔ-kpò táázĩ̀ìn dyúáɖò hɔ̃dɛ̀ɖɛ̀ sɔ̃́ kè kpáɖá-nyɔ sɔ̃́ ɓaɖa-bùè sè hĩinyɛ.

³² Ké gàa ɓě sɔ̀ ma ɖé Háwìɖììn kɛɛ mɔ̀ ma nyɔ-kpò hɔ̃dɛ̀ɖɛ̀ tã kè kpáɖá-nyɔ ɖò.

³³ Ké gàa ɓě sɔ̀ ma ɖé Ɖóɖì kè Hádì ɔ kè Ónò kɛɛ mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-sɔ̃́ kè kpáɖá-nyɔ sè hm̀m̌.

³⁴ Ké gàa ɓě sɔ̀ ma ɖé Jɛ́ɖèkóò kɛɛ mɔ̀ ma nyɔ-kpò hɔ̃dɛ̀ɖɛ̀ tã kè kpáɖá-nyɔ sɔ̃́ sè hm̀m̌.

³⁵ Ké gàa ɓě sɔ̀ ma ɖé Sɛ́nàà kɛɛ mɔ̀ ma nyɔ-kpò táázĩ̀ìn tã hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ ɓaɖa-bùè.

³⁶ Sáa-zà-nyɔ̀ jĩ̀ kà nì ma gbǒ-xwíníín ɖò-ɖò múɛɛ kɛà kɛ̀. Jɛ̀ɖádyà ɓɛ́ ɔ mɔ̀ ma Jésùàà dyú-gàà kɛɛ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-hĩinyɛ kè kpáɖá-nyɔ tã ɓaɖa-bùè sè tã.

³⁷ Ké Ímèɛ̀ gbǒ-xwíníín-gàà ɓě mɔ̀ ma nyɔ-kpò táázĩ̀ìn dyúáɖò kè kpáɖá-nyɔ sɔ̃́ ɓaɖa-bùè sè sɔ̃́.

³⁸ Ké Páhùɛ̀ gbǒ-xwíníín-gàà ɓě mɔ̀ ma nyɔ-kpò táázĩ̀ìn dyúáɖò hɔ̃dɛ̀ɖɛ̀ sɔ̃́ kè kpáɖá-nyɔ sɔ̃́ sè mɛ̀nɛ̌ìn-sɔ̃́.

³⁹ Ké Háwìɖììnɛ̀ gbǒ-xwíníín-gàà ɓě mɔ̀ ma nyɔ-kpò táázĩ̀ìn dyúáɖò kè ɓaɖa-bùè sè mɛ̀nɛ̌ìn-sɔ̃́.

⁴⁰ Ɖíìváà-nyɔ̀ jĩ̀ kà dyi ma ɖeɛɛ kɛà kɛ̀. Hòɖàvíà ɓɛ́ ɔ mɔ̀ ma Jésùàà nyúà-dyú, kɔ̃̀ ɓǎ mɔ̀ ma Kàmíè kɛɛ gbǒ-xwíníín-gàà ɓě mɔ̀ ma nyɔ-kpò kpáɖá-nyɔ tã ɓaɖa-bùè sè hĩinyɛ.

⁴¹ Ɓeɖe-nyɔ̀ jĩ̀ kà dyi ma ɖeɛɛ kɛà kɛ̀. Ásàfìɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ dyúáɖò kè kpáɖá-nyɔ sè mɛ̀nɛ̌ìn-tã.

⁴² Gèɖèpɔ́ɔ̀ gbǒɔ̀ dyí-gmɔ̀-nyɔ̀ jĩ̀ kà dyi ma ɖeɛɛ kɛà kɛ̀. Sáɖùùn kè Átè kè Táámɔ̀ kè Ákù kè Hàtítà ɔ kè Sóɓàìɛ̀ gbǒ-xwíníín-gàà ɓě mɔ̀ ma nyɔ-kpò hɔ̃dɛ̀ɖɛ̀ dyúáɖò kè kpáɖá-nyɔ ɓaɖa-bùè sè mɛ̀nɛ̌ìn-hĩinyɛ.

⁴³ Gbǒ-xwíníín ɓě dyi ma ɖe, ké wa nyu ma Gèɖèpɔ́ɔ̀ gbǒɔ̀ mú kũ̀à kɛɛ kɛà kɛ̀: Zíhà kè Hàsúfà kè Tàɓáò

⁴⁴ kè Kéwòɖò kè Síáhà kè Páɖɔ̀ùn

⁴⁵ kè Ɖɛ̀bánàà kè Hàgáɓàà kè Ákù

⁴⁶ kè Hágà kè Sámàì kè Hánà

⁴⁷ kè Gíɖèò kè Gáhà kè Wɛ̀ɖɛ̀ɖádyà

⁴⁸ kè Wɛ́ɖɛ́zììn kè Nɛ̀kóɖà kè Gázàùn

⁴⁹ kè Dyúzà kè Pàséà kè Bésàì

⁵⁰ kè Ásínà kè Mɛ̀dyúnì kè Nɛ̀fúsììn

⁵¹ kè Bábù kè Hàkúfà kè Háhù

⁵² kè Bázùɖù kè Mɛ̀híɖà kè Hásà

⁵³ kè Bákò kè Sìsɛ́wàɖà kè Témàà

⁵⁴ kè Nɛ̀zíà ɔ kè Hàtífà.

⁵⁵ Sã́ɖómàà gbo-nì-nyɔ̀ ɓěɔ̀ gbǒ-xwíníín ɓě dyi ma ɖeɛɛ kɛà kɛ̀: Sótàì kè Hàsòfɛ́wɛ̀ɖɛ̀ kè Pɛ̀wúɖúɖà

⁵⁶ kè Jááɖà kè Dákɔ̃̀ kè Gíɖèò

⁵⁷ kè Sɛ̀fátìà kè Hátì kè Pòkɛ́wɛ̀ɖɛ̀-Házɛ̀ɓáìn ɔ kè Ámì.

⁵⁸ Gèɖèpɔ́ɔ̀ gbǒɔ̀ mú-kũ̀à-nyu-nyɔ̀ ɓěɔ̀ kè Sã́ɖómàà gbo-nì-nyɔ̀ ɓěɔ̀ nììn gbǒ-xwíníín-gàà ɓě poìn dyí mɔ̀ ma nyɔ-kpò hɔ̃dɛ̀ɖɛ̀ tã kè kpáɖá-nyɔ hĩinyɛ ɓaɖa-bùè sè sɔ̃́.

^59-60 Ké Dɛ̀ɖádyà kè Tòbádyà ɔ kè Nɛ̀kóɖàà gbǒ-xwíníín-gàà ɓě ɓɛ́ wa dyi ma ɖeɛɛ mɔ̀ ma nyɔ-kpò hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ sɔ̃́ ɓaɖa-bùè sè sɔ̃́. Wa sɔ̀ ma Tèò-Mɛ́ɖà-hwɔ̀ɖɔ̀ɔ̀ kè Tèò-Hásà-hwɔ̀ɖɔ̀ɔ̀ kè Kɛ́wùɖù-hwɔ̀ɖɔ̀ɔ̀ kè Ádɔ̃̀-hwɔ̀ɖɔ̀ɔ̀ ɔ kè Ímè-hwɔ̀ɖɔ̀ɔ̀ mú. Kɛɛ wa se ma ɖɛ ɖò ɓéɖé, ɓɛ́ ɔ kéɛ nyɔǔn dyí tɛ̀mɛ̀ìn kà wa mɔ̀ Éézùɖùɛ̀ɛ̀ gbǒ-xwíníín-nyɔ̀ ɓěɔ̀ ɖò kɛ.

^61-62 Ké sáa-zà-nyɔ̀ ɖíɛ́ ɓě mɔ̀ùn se ma ɖɛ ɖò ɓéɖé ɖekè, ɓɛ́ ɔ kéɛ nyɔǔn dyí tɛ̀mɛ̀ìn kà wa mɔ̀ ma Éézùɖùɛ̀ɛ̀ gbǒ-xwíníín-nyɔ̀ ɓěɔ̀ ɖò kɛ. Ɔ jèɛɛ, wa se ma sáa-zà-nyɔ̀ ɓě jǔɛ ɓɛ́ìn. Wa mɔ̀ ma Hàbádyà kè Hákò ɔ kè Bàzíɖàìɛ̀ gbǒ-xwíníín-gàà ɓě. Gàa mɔ̀à Bàzíɖàì kɛɛ, wa ɖáìn ma ɔ Bàzíɖàì, sepóɛɖé ɔ kpɔ̃ ma Bàzíɖàì ɓɛ́ ɔ mɔ̀ ma Gíɖèà-nyɔ̀ ɖò kɛɛ dyú-màà ɖò dyi jè.

⁶³ Hàbádyà kè Hákò ɔ kè Bàzíɖàìɛ̀ gbǒ-xwíníín-gàà ɓěɔ̀ se ma sáa-zà-nyɔ̀ ɓě jǔɛ ɓɛ́ìn jèɛɛ, Éézùɖùɛ̀-nyɔ̀ ɓěɔ̀ nàìn-nyɔ̀ɔ̀ cɛ̃ɛ kà wa ké se ma ɖii-ɖɛ̀ ɓɛ́ wa po ma wáká ɓó sáa-zà-nyɔ̀ ɓěɔ̀ bììɛɛ ɖò ɖi, ɓɛ́ sáa-zà-nyɔ̀ ɓɛ́ ɔ ɓɛ́ìn gbo-ɖàɓàìn-ɖɛ̀ mɔ̀à Dyúwìɖììn kè Túmì kɛɛ kũ̀à mú nyùɛ̀n nyɛɛ ké dyi gã̀ hwɛ̀ɛ.

⁶⁴ Gàa séín ɓě dyi ma kà ɖeɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ sè sɔ̃́ hɔ̃dɛ̀ɖɛ̀ tã kè kpáɖá-nyɔ tã.

⁶⁵ Waà gbo-nì-gàà ɓě kè gbo-nì-màà ɓě mɔ̀ ma nyɔ-kpò táázĩ̀ìn mɛ̀nɛ̌ìn-sɔ̃́ hɔ̃dɛ̀ɖɛ̀ tã kè kpáɖá-nyɔ ɓaɖa-bùè sè mɛ̀nɛ̌ìn-sɔ̃́. Ké waà gàa kè màa ɓě ɓɛ́ wa mɔ̀ ma ɓeɖe-nyɔ̀ kɛɛ mɔ̀ ma nyɔ-kpò hɔ̃dɛ̀ɖɛ̀ sɔ̃́.

^66-67 Ké wa ɓéɖé ma sǒ hɔ̃dɛ̀ɖɛ̀ mɛ̀nɛ̌ìn-sɔ̃́ kè kpáɖá-nyɔ ɓaɖa-bùè sè mɛ̀nɛ̌ìn-ɖò kè jǎkasì kò-kò táázĩ̀ìn mɛ̀nɛ̌ìn-ɖò hɔ̃dɛ̀ɖɛ̀ mɛ̀nɛ̌ìn-hĩinyɛ kè kpáɖá-nyɔ tã sè hm̀m̌ ɔ kè sǒ-nì-gbu-kɔ̃ún hɔ̃dɛ̀ɖɛ̀ hĩinyɛ kè kpáɖá-nyɔ ɓaɖa-bùè sè hm̀m̌.

⁶⁸ Ti ɓɛ́ gbǒ-xwíníín ɖò-ɖò wuɖuí-kɔ̃̀-nyɔ̀ ɓěɔ̀ ɖíɛ́ ɓě dyi ma ɖé Bounɓoɔ̀ gbǒɔ̀ gbo ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ, wa tò ma hwòɖǒ-wáɖáá-nyìǐ-ɖɛ̀ ɓě ɓó Gèɖèpɔ́ɔ̀ gbǒɔ̀ jè, nìí ɓɛ́ wa kéɛ po ɖe ɓó gbǒ-kpũ̀ɔ̀ɔ̀ kɔ̃.

⁶⁹ Ɖɛ jĩ̀ kà nyɔ ɖò-ɖò ɓɛ́ìn ma tòɛ̀ kɛɛ, wa nyíɛ ma wíɖí-dyi-dè-nyɔ̀ɔ̀ xwa ɓó kũ̀àɔ̀ jè. Ɖɛ ɓě wa tò ma kɛɛ mɔ̀ góò kɔ̃̀ xwa-ku-ku mɔ̀ pṹá-dyèɖè táázĩ̀ìn dyúáɖò kè hɔ̃dɛ̀ɖɛ̀ ɖò kɛ kè séɓàɖà kɔ̃̀ xwa-ku-ku mɔ̀ pṹá-dyèɖè táázĩ̀ìn mɛ̀nɛ̌ìn-ɖò kè hɔ̃dɛ̀ɖɛ̀ sɔ̃́ kɛ ɔ kè sáa-zà-nyɔ̀ ɓěɔ̀ gã́ùn hɔ̃dɛ̀ɖɛ̀ ɖò.

⁷⁰ Ɓó tia ɓaɖaa, sáa-zà-nyɔ̀ ɓěɔ̀ kè Ɖíìváà-nyɔ̀ ɓěɔ̀ kè ɓeɖe-nyɔ̀ ɓěɔ̀ kè Gèɖèpɔ́ɔ̀ gbǒɔ̀ dyí-gmɔ̀-nyɔ̀ ɓěɔ̀ kè Gèɖèpɔ́ɔ̀ gbǒɔ̀ mú-kũ̀à-nyu-nyɔ̀ ɓěɔ̀ ɔ kè Éézùɖùɛ̀-nyɔ̀ tɔ̀ɔ̀ ɓěɔ̀ cĩ́ ma ɖé wa mìɔùn ɓíɖí-hwɔɖɔún.