Ɛsɔ́ɖɔ́ 10 - Ɓǎsɔ́ɔ̀ Báɓòɔ̀

Kã́á Àhàzúwàɖà kè Mɔ́ɖékáìɛ̀ kpé vɛ̀nɛ̀ɔ̀ jè

¹ Sɔ̀ìn ɓóɛ gboɛɛ, Kã́á Àhàzúwàɖà nyuɛ ké nyɔ séín nì ma ɔ kã́á-ɓòɖòɔ̀ dà séín sɔ̀ìn ɖé ɓóɖóɔ̀ xwía, nyinià ɖé dyóóɔ̀ wĩín nyɛɛ pɛ́ɛ̀ ma tácì.

² Ɖɛ vɛ̀nɛ̀ séín ɓɛ́ Kã́á Àhàzúwàɖà nyu ma kɛ kè ɔ kpé vɛ̀nɛ̀ séín ɓěɔ̀ ɔ kè Mɔ́ɖékáì ɓɛ́ kã́áɔ̀ ɖú ma kà dyiíɛɛ nììn kpé vɛ̀nɛ̀ séín ɓěɔ̀, má, wa jè céè ɖé Míì kè Pɔ́sìà-nyɔ̀ ɓěɔ̀ nììn kã́á ɓěɔ̀ kpáá-ɖɛ̀-sùà-cèè-ɖɛ̀ɔ̀ múe?

³ Mɔ́ɖékáì kɔ ma ɓó Kã́á Àhàzúwàɖà gbo dyí ɖé ɓóɖóɔ̀ wuɖuí-kɔ̃̀-kɔ̃̀ mú, ké ɔ mǔè Júù-nyɔ̀ ɓáún-ɓáún dyé ma ɔ kpéín mìɔ cá, sepóɛɖé ɔ nyu ma kũ̀à ké ɔ wùɖù ma ɓó ɔ mìɔùn nììn nyɔ ɓěɔ̀ kè waà xwíníín-dyù ɓěɛ̀ nɔ̀mɔ̀ dyíin dyé jè.