1 Kánáníkɔ̀ 25 - Ɓǎsɔ́ɔ̀ Báɓòɔ̀

Gèɖèpɔ́ɔ̀ gbǒɔ̀ mú ɓeɖe-nyɔ̀ ɓě

¹ Ké Dèɓé kè Ɖíìváà-nyɔ̀ vɛ̀nɛ̀ ɓěɔ̀ po ma Ásàfìɛ̀ dyú ɓěɔ̀ ɖíɛ́ ɓě kè Hémàùn nììn dyú ɓěɔ̀ ɖíɛ́ ɓě ɔ kè Jɛ̀ɖúfùùn nììn dyú ɓěɔ̀ ɖíɛ́ ɓě wáká, ɓɛ́ wa ké ma ɓeɖe-nyɔ̀ jǔ. Wa mɔ̀ nyɔ ké ma kpáá-ɖɛ̀-cɛ̃-nyɔ̀ ɓě jǔ dyììn ɖé gbǎɖí-dù kò-kò ɓěɔ̀ wuɖu kè bàɖàsǐ-pĩ̀à ɓɛ́ wa ɓaɖaìn dyíɛɛ wuɖu mú. Nyɔ ɓě ɓɛ́ wa ké ma kà ɓeɖe-nyɔ̀ ɓěɔ̀ jǔɛ kè ɖɛ ɓě wa ké ma nyuɛɛ kɛà kɛ̀.

² Ɓeɖe-nyɔ̀ ɓě sɔ̀ ma ɖé Ásàfìɛ̀ dyú-gàà ɓěɔ̀ hwìɛ̀ kɛɛ mɔ̀ Zákù kè Jòsé kè Nɛ́fàníà ɔ kè Ásàwéɖéɖà. Ásàfì mɔ̀ nyɔ nàìn ma wa. Wa cɛ̃ ma kpáá-ɖɛ̀ ti ɓɛ́ kã́áɔ̀ mɔ́ɔ náa kɛ.

³ Ké ɓeɖe-nyɔ̀ mɛ̀nɛ̌ìn-ɖò sɔ̀ ma ɖé Jɛ̀ɖúfùùnɛ̀ dyú-gàà ɓěɔ̀ hwìɛ̀. Wa mɔ̀ Gédàɖádyà kè Zɛ́wìɖì kè Jɛ̀sádyà kè Símì kè Hàsáɓíà ɔ kè Mátìfíà. Wa ɓǎ Jɛ̀ɖúfùùn mɔ̀ nyɔ nàìn wa. Wa nì ma kpáá-ɖɛ̀ cɛ̃iń dyììn ɖé Bounɓoɔ̀ zùo-po-po kè ɔ ɓàìn-ɓàìn mú, ɖé gbǎɖí-wùɖù mú.

⁴ Ké ɓeɖe-nyɔ̀ ɓě sɔ̀ ma ɖé Hémàùnɛ̀ dyú-gàà ɓěɔ̀ hwìɛ̀ kɛɛ mɔ̀ Bùkíà kè Màtánìà kè Dyùzíè kè Sɛ̀ɓúè kè Jɛ̀wíɖímɔ̀ kè Hánàníà kè Hànánì kè Ɛ̀ɖìáfà kè Gìɖátì kè Wòɖòmátì-Ézɛ̀ kè Jóɓɛ̀kásà kè Màɖófì kè Hófì ɔ kè Màházìò.

⁵ Nyɔ séín ɓěɛ̀ mɔ̀ ma Hémàùn mɔ̀à kã́áɔ̀ kpáá-ɖɛ̀-dyé-nyɔ̀ɔ̀ kɛɛ nììn dyú ɓěɔ̀. Gèɖèpɔ́ɔ̀ nyí ma Hémàùn dyú ɓěɛ̀ kà ɔ nyuɛ ma ɔ nyɛ́nɛ́ín ɖáìn nyɛ, ɓɛ́ ɔ ké dya-dè-dè ɓéɖé. Ɔ ɓéɖé ma gàa-dyù ɓaɖa-bùè sè hĩinyɛ kè màa-dyù tã.

⁶ Wa ɓǎɔ̀ mɔ̀ ma wa nàìn-nyɔ̀ ɖé ɓeɖe-ɓeɖeɔ̀ mú, ɖé Gèɖèpɔ́ɔ̀ gbǒɔ̀ mú. Ɓaɖaa-ɖɛ̀ ɓě ɓɛ́ wa ɓaɖa ma kɛɛ mɔ̀ bàɖàsǐ-pĩ̀à kè gbǎɖí-dù kò-kò ɓě. Ɔ mɔ̀ ma wa nììn kũ̀à ɖé Gèɖèpɔ́ɔ̀ gbǒɔ̀ mú. Kã́áɔ̀ mɔ̀ ma Ásàfì kè Jɛ̀ɖúfùùn ɔ kè Hémàùn nàìn-nyɔ̀.

⁷ Ɓeɖe-nyɔ̀ ɓěɛ̀ kè waà ɖíí-gàà ɓě ɓɛ́ wa cɛ̃́ ma kà nyɔ ké Bounɓoɔ̀ gbo ɓèɖèɛ̀n nyu, ké wa dyuòɛ̀ ma nyuɛ mìɔ kɛɛ poìn dyí mɔ̀ ma nyɔ-kpò hɔ̃dɛ̀ɖɛ̀ sɔ̃́ kè kpáɖá-nyɔ hĩinyɛ sè mɛ̀nɛ̌ìn-tã.

⁸ Wa séín nyu ma gbo-ɖàɓàìn-ɖɛ̀ ɓó waà kũ̀à ɓěɔ̀ jè, waà nyɔ vɛ̀nɛ̀ kè nyɔ dyùwè, wa ɖɛ-tɛ̀mɛ̀ìn-nyɔ̀ kè wa ɖɛ-cɛ̃́-nyɔ̀.

⁹ Gbo-ɖàɓàìn-ɖɛ̀ kĩ́ín-kĩ́ínɔ̀ kpɔ̃ ma Jòsé mɔ̀à Ásàfìɛ̀ dyú-gààɔ̀ kɛ. Jòsé kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́. Ké ɔ sɔ̃́ nììnɔ̀ kpɔ̃ ma Gédàɖádyà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹⁰ Ké ɔ tã nììnɔ̀ kpɔ̃ ma Zákù. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹¹ Ké ɔ hĩinyɛ nììnɔ̀ kpɔ̃ ma Zɛ́wìɖì. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹² Ké ɔ hm̀m̌ nììnɔ̀ kpɔ̃ ma Nɛ́fàníà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹³ Ké ɔ mɛ̀nɛ̌ìn-ɖò nììnɔ̀ kpɔ̃ ma Bùkíà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹⁴ Ké ɔ mɛ̀nɛ̌ìn-sɔ̃́ nììnɔ̀ kpɔ̃ ma Ásàwéɖéɖà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹⁵ Ké ɔ mɛ̀nɛ̌ìn-tã nììnɔ̀ kpɔ̃ ma Jɛ̀sádyà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹⁶ Ké ɔ mɛ̀nɛ̌ìn-hĩinyɛ nììnɔ̀ kpɔ̃ ma Màtánìà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹⁷ Ké ɔ ɓaɖa-bùè nììnɔ̀ kpɔ̃ ma Símì. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹⁸ Ké ɔ ɓaɖa-bùè sè ɖò nììnɔ̀ kpɔ̃ ma Dyùzíè. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

¹⁹ Ké ɔ ɓaɖa-bùè sè sɔ̃́ nììnɔ̀ kpɔ̃ ma Hàsáɓíà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²⁰ Ké ɔ ɓaɖa-bùè sè tã nììnɔ̀ kpɔ̃ ma Sɛ̀ɓúè. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²¹ Ké ɔ ɓaɖa-bùè sè hĩinyɛ nììnɔ̀ kpɔ̃ ma Mátìfíà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²² Ké ɔ ɓaɖa-bùè sè hm̀m̌ nììnɔ̀ kpɔ̃ ma Jɛ̀wíɖímɔ̀. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²³ Ké ɔ ɓaɖa-bùè sè mɛ̀nɛ̌ìn-ɖò nììnɔ̀ kpɔ̃ ma Hánàníà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²⁴ Ké ɔ ɓaɖa-bùè sè mɛ̀nɛ̌ìn-sɔ̃́ nììnɔ̀ kpɔ̃ ma Jóɓɛ̀kásà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²⁵ Ké ɔ ɓaɖa-bùè sè mɛ̀nɛ̌ìn-tã nììnɔ̀ kpɔ̃ ma Hànánì. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²⁶ Ké ɔ ɓaɖa-bùè sè mɛ̀nɛ̌ìn-hĩinyɛ nììnɔ̀ kpɔ̃ ma Màɖófì. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²⁷ Ké ɔ kpáɖá-nyɔ nììnɔ̀ kpɔ̃ ma Ɛ̀ɖìáfà. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²⁸ Ké ɔ kpáɖá-nyɔ sè ɖò nììnɔ̀ kpɔ̃ ma Hófì. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

²⁹ Ké ɔ kpáɖá-nyɔ sè sɔ̃́ nììnɔ̀ kpɔ̃ ma Gìɖátì. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

³⁰ Ké ɔ kpáɖá-nyɔ sè tã nììnɔ̀ kpɔ̃ ma Màházìò. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.

³¹ Ké ɔ kpáɖá-nyɔ sè hĩinyɛ nììnɔ̀ kpɔ̃ ma Wòɖòmátì-Ézɛ̀. Ɔ kè ɔ dyú-gàà ɓěɔ̀ kè ɔ ɖíí-gàà ɓěɔ̀ poìn dyí mɔ̀ ma nyɔ-kpò ɓaɖa-bùè sè sɔ̃́.