1 Kánáníkɔ̀ 24 - Ɓǎsɔ́ɔ̀ Báɓòɔ̀

Sáa-zà-nyɔ̀ ɓěɔ̀ nììn kũ̀à

¹ Ɓó ti dyúáɖòɔ̀ ɓaɖaa, Dèɓé po ma Eɖóúnɛ̀ xwíníín-dyù ɓěɔ̀ kpoo ɓě mú. Eɖóúnɛ̀ dyú-gàà ɓěɔ̀ mɔ̀ ma Náɖà kè Àbíhùɛ̀ kè Ɛ̀ɖɛ̀ázà ɔ kè Ìfámà.

² Kɛɛ Náɖà kè Àbíhùɛ̀ mɛ́ ma kĩ́ín hwɛ̀ ké wa ɓǎ mɛ́ ma, ké wa se ma dyú ɖò ɓíɖíi sè. Ɔ jèɛɛ, Ɛ̀ɖɛ̀ázà kè Ìfámà mɔ̀ ma sáa-zà-nyɔ̀ ɓěɔ̀.

³ Ti ɓɛ́ Dèɓé po ma kà Eɖóúnɛ̀ xwíníín-dyù ɓěɔ̀ kpoo ɓě múɛɛ, Záɖò mɔ̀ ma Ɛ̀ɖɛ̀ázàà xwíníín-dyù ɓěɔ̀ ɖòɛ kè Àhímɛ̀nɛ̀ mɔ̀ ma Ìfámàà xwíníín-dyù ɓěɔ̀ ɖòɛɛ kpá ma Dèɓé gbo, ké wa po ma Eɖóúnɛ̀ xwíníín-dyù ɓěɔ̀ kpoún dyììn ɖé kũ̀à-dù kò-kò ɓě ɓɛ́ wa ké nyuɛɛ mú.

⁴ Nyɔ vɛ̀nɛ̀ kúɖúú sɔ̀ ma ɖé Ɛ̀ɖɛ̀ázà nììn xwíníín-dyù ɓěɔ̀ hwìɛ̀ ké ɔ zi Ìfámà nììn xwíníín-dyù ɓěɔ̀ dyí jèɛɛ, wa po ma Ɛ̀ɖɛ̀ázà nììn xwíníín-dyù ɓěɔ̀ kpoo ɓaɖa-bùè sè mɛ̀nɛ̌ìn-ɖò mú, ké wa po ma Ìfámà nììn xwíníín-dyù ɓěɔ̀ kpoo mɛ̀nɛ̌ìn-tã mú.

⁵ Wa ɓéɖé ma wa séín kpoo mú poɛń dyììn ɖé gbo-ɖàɓàìn-ɖɛ̀ mú, sepóɛɖé sáa-zà-nyɔ̀ ɓě ɓɛ́ìn kpé ɓɛ́ wa kéà ɖé Gèɖèpɔ́ɔ̀ gbǒɔ̀ mú kũ̀à nyuɛɛ nì ma ɖé Ɛ̀ɖɛ̀ázà nììn xwíníín-dyù ɓěɔ̀ hwìɛ̀, ɔ kè ɖé Ìfámà nììn xwíníín-dyù ɓěɔ̀ hwìɛ̀ ɖekè.

⁶ Dyììn ɖé gbo-ɖàɓàìn-ɖɛ̀ɔ̀ múɛɛ, wa gã ma kpoo kĩ́ín-kĩ́ínɔ̀ sɔ̀ìn ɖé Ɛ̀ɖɛ̀ázà nììn xwíníín-dyù ɓěɔ̀ hwìɛ̀, hwɛ̀ ké wa gã ma kpoo ɖò sɔ̀ìn ɖé Ìfámà nììn xwíníín-dyù ɓěɔ̀ hwìɛ̀. Kà wa gã̀à ma nyuɛń dyi tee, ké wa hwɔ ma nyɔ ɓě wa ɓéɖé wa ké ma gã kɛɛ gãa hwɛ̀. Ké céè-ɖɛ̀ céè-nyɔ̀ mɔ̀ ma Sɛ̀mádyà ɓɛ́ ɔ mɔ̀ ma Nɛ̀fánìòɛ̀ dyú-gàà ké ɔ mɔ̀ ma Ɖíìváà-nyɔ̀ ɖò kɛɛ céè ma kpoo ɖò-ɖò ɓěɔ̀ nàìn-nyɔ̀ ɓěɔ̀ nyɛ́nɛ́ ɓíɖíi ɓó kã́áɔ̀ kè gɔ̌mànà-nyɔ̀ tɔ̀ɔ̀ ɓěɔ̀ kè Záɖò mɔ̀à sáa-zà-nyɔ̀ vɛ̀nɛ̀ɔ̀ kɛ kè Àhímɛ̀nɛ̀ mɔ̀ ma Ábìáfàà dyú-gàà kɛ kè sáa-zà-nyɔ̀ ɓěɔ̀ gbǒ-xwíníín ɖò-ɖò ɓěɔ̀ nyɔ vɛ̀nɛ̀ ɓěɔ̀ ɔ kè Ɖíìváà-nyɔ̀ ɓěɔ̀ gbǒ-xwíníín ɖò-ɖò ɓěɔ̀ nyɔ vɛ̀nɛ̀ɔ̀ ɓěɔ̀ dyúa.

⁷ Gbo-ɖàɓàìn-ɖɛ̀ɔ̀ kĩ́ín-kĩ́ínɔ̀ kpɔ̃ ma Jɛ̀hòdyáwìɖì, ké ɔ sɔ̃́ nììnɔ̀ kpɔ̃ ma Jɛ̀ɖádyà,

⁸ ké ɔ tã nììnɔ̀ kpɔ̃ ma Háwìɖììn, ké ɔ hĩinyɛ nììnɔ̀ kpɔ̃ ma Sɛ̀ówìɖììn,

⁹ ké ɔ hm̀m̌ nììnɔ̀ kpɔ̃ ma Mààkíjà, ké ɔ mɛ̀nɛ̌ìn-ɖò nììnɔ̀ kpɔ̃ ma Mìjámì,

¹⁰ ké ɔ mɛ̀nɛ̌ìn-sɔ̃́ nììnɔ̀ kpɔ̃ ma Hákò, ké ɔ mɛ̀nɛ̌ìn-tã nììnɔ̀ kpɔ̃ ma Àbíjà,

¹¹ ké ɔ mɛ̀nɛ̌ìn-hĩinyɛ nììnɔ̀ kpɔ̃ ma Jésùà, ké ɔ ɓaɖa-bùè nììnɔ̀ kpɔ̃ ma Sɛ́kàníà,

¹² ké ɔ ɓaɖa-bùè sè ɖò nììnɔ̀ kpɔ̃ ma Ɛ̀ɖíàsì, ké ɔ ɓaɖa-bùè sè sɔ̃́ nììnɔ̀ kpɔ̃ ma Jákɛ̀ìn,

¹³ ké ɔ ɓaɖa-bùè sè tã nììnɔ̀ kpɔ̃ ma Húpà, ké ɔ ɓaɖa-bùè sè hĩinyɛ nììnɔ̀ kpɔ̃ ma Jɛ́sɛ̀ɓéà,

¹⁴ ké ɔ ɓaɖa-bùè sè hm̀m̌ nììnɔ̀ kpɔ̃ ma Bíógà, ké ɔ ɓaɖa-bùè sè mɛ̀nɛ̌ìn-ɖò nììnɔ̀ kpɔ̃ ma Ímè,

¹⁵ ké ɔ ɓaɖa-bùè sè mɛ̀nɛ̌ìn-sɔ̃́ nììnɔ̀ kpɔ̃ ma Hézì, ké ɔ ɓaɖa-bùè sè mɛ̀nɛ̌ìn-tã nììnɔ̀ kpɔ̃ ma Hàpízè,

¹⁶ ké ɔ ɓaɖa-bùè sè mɛ̀nɛ̌ìn-hĩinyɛ nììnɔ̀ kpɔ̃ ma Pɛ́fàhíà, ké ɔ kpáɖá-nyɔ nììnɔ̀ kpɔ̃ ma Jɛ̀hɛ́kè,

¹⁷ ké ɔ kpáɖá-nyɔ sè ɖò nììnɔ̀ kpɔ̃ ma Jákììn, ké ɔ kpáɖá-nyɔ sè sɔ̃́ nììnɔ̀ kpɔ̃ ma Gámù,

¹⁸ ké ɔ kpáɖá-nyɔ sè tã nììnɔ̀ kpɔ̃ ma Dɛ̀ɖádyà, ké ɔ kpáɖá-nyɔ sè hĩinyɛ nììnɔ̀ kpɔ̃ ma Mààzíà.

¹⁹ Kà Bounɓo mɔ̀à Éézùɖùɛ̀ Gèɖèpɔ́ɔ̀ kɛɛ nyuɛ zɔ̃̌ɔ̀ kà gàa ɓěɛ̀ ɓǎ nììn ɓǎ Eɖóún gbo cɛ̃ɛ kɛɛ, kǎà Dèɓé nyu ma wa kũ̀à kɔ̃ún poɛ ɖé Bounɓoɔ̀ gbǒɔ̀ mú.

Ɖíìváà-nyɔ̀ ɓěɔ̀ gbǒ-xwíníín ɓěɔ̀ jè ɖe

²⁰ Ɖíìváà xwíníín-dyù ɓěɔ̀ kɛà kɛ̀. Ámànàùn nììn xwíníín-dyùɔ̀ mɔ̀ Sɛ̀ɓúè, ké Sɛ̀ɓúè nììn dyú-gààɔ̀ mɔ̀ Jɛ̀ɖɛ́dyà.

²¹ Wɛ́ɖɛ́hàɓíàà nyíɔ́-dyù-gààɔ̀ mɔ̀ ma Ìsíà.

²² Ízà wóɖóìn ma Sɛ̀ɖómìtì, ké Sɛ̀ɖómìtì wóɖóìn ma Jáhà.

²³ Hɛ́bɔ̀nɔ̀ nììn dyú-gàà ɓěɔ̀ mɔ̀ Jɛ̀wíɖíà mɔ̀à nyíɔ́-dyùɔ̀ kɛ kè Ámàwíɖíà mɔ̀à dyúɔ̀ sɔ̃́ nììnɔ̀ kɛ kè Jàházìè mɔ̀à dyúɔ̀ tã nììnɔ̀ kɛ ɔ kè Jɛ́kàmɛ́àùn mɔ̀à dyúɔ̀ hĩinyɛ nììnɔ̀ kɛ.

²⁴ Dyùzíè nììn dyú-gààɔ̀ mɔ̀ Mákà, ké Mákà nììn dyú-gààɔ̀ mɔ̀ Sámì.

²⁵ Mákàà ɖíí-gàà mɔ̀à Ìsíà kɛɛ nììn dyú-gààɔ̀ mɔ̀ Zɛ́kɔ̀wáɖádyà.

²⁶ Mɛ̀wáɖáwìɖì nììn dyú-gàà ɓěɔ̀ mɔ̀ Máɖì kè Músì ɔ ké Jáázìà.

²⁷ Ké Jáázìà nììn dyú-gàà ɓěɔ̀ mɔ̀ Sóhàùn kè Zákù ɔ kè Íɓìɖì.

^28-29 Máɖì nììn dyú-gààɔ̀ ɓěɔ̀ mɔ̀ Ɛ̀ɖɛ̀ázà kè Kísì. Kɛɛ Ɛ̀ɖɛ̀ázà mɔ̀ùn se ma gàa-dyù ɖò ɓéɖé. Ké Kísì nììn dyú-gààɔ̀ mɔ̀ Jɛ́wàɖàmíò.

³⁰ Músì nììn dyú-gàà ɓěɔ̀ mɔ̀ Máɖì kè Éɖɛ̀ ɔ kè Jɛ̀wíɖímɔ̀. Nyɔ ɓěɛ̀ mɔ̀ ma Ɖíìváà nììn xwíníín-dyù ɓěɔ̀ dyììn ɖé waà gbǒ-xwíníín ɓěɔ̀ mú.

³¹ Wa po ma nyɔ ɓěɛ̀ kũ̀à kɔ̃ún dyììn ɖé gbo-ɖàɓàìn-ɖɛ̀ nyu-nyu mú ɓó Kã́á Dèɓé kè Záɖò kè Àhímɛ̀nɛ̀ ɔ kè gbǒ-xwíníín ɖò-ɖò ɓěɔ̀ nyɔ vɛ̀nɛ̀ ɓě ɓɛ́ wa sɔ̀ ma ɖé sáa-zà-nyɔ̀ ɓěɔ̀ kè Ɖíìváà-nyɔ̀ ɓěɔ̀ hwìɛ̀ kɛɛ dyúa ɖekè, kà dyúáɖò kà wa nyu ma kà waà ɖíí-gàà ɓě mɔ̀à Eɖóúnɛ̀ xwíníín-dyù ɓěɔ̀ kɛɛ nyuɛ kɛ. Wa se ma waà zɔ̃ jè ɖɛ ɖá.