Malakias 4 - Biblia ande chib Romani

O llive kana ka avel o Del

¹ Avel o llive tato sargo furnava, ta sa e llenen kai istardon ta cheren o bilachipe ka aven sargo plameko. Gua llive o Del ka phabarel len ta ni ka mukel lendar ni zila ta ni patrin.

² A tumen kai roden mo anav, ka likel tumenge o kham katar o lachipe. Ta pe pakha ka anel o braduipe, tumen ka liken, ka juten sargo bakre ande stoka.

³ Ka ustaven e bilachen kai ka aven prajo iagako telal tala tumare porrne, kana me ka avav, phenel o Del kai si le sa e zor.

⁴ Den tumen golli katar o zakono me slugako o Moises kai diem le ando Joreb pala sa o Israel.

⁵ Me bichalav e profeta o Elias omanglal te avel o llive baro ta darano.

⁶ Vou ka iril e chavenge o lio katar e dada, ta e dadenge o lio katar e chave, soke te na, me ka avav ta ka zatriv e phuv.