Esdras 10 - Biblia ande chib Romani

Traden e diskinien kai si katar aver phuvia

¹ Kana o Esdras saia angla o cher e Devleko, ta rovindo molilape changenchar ta phenela o bilachipe e foroko, avile lete but israelitura, murusa, diskinie ta minone kai rovena bare zalbaia.

² Ondaka o Sekanias, chavo katar o Jejiel ta porodo katar o Elam, phenda e Esdraseke: Amen ni avilam chache amare Devlea, soke zinisailam e diskinienchar kai inai katar amare viche, ta kai ni pachan ando Del, a si iek ezgoda kai sai aduricharel o Israel.

³ Ka da amaro alav te trada sa e diskinien ta lenge minonen, te sai cherdol so phenel o zakono, gia sar phene amenge tu ta sa e llene kai kanden so phenel o zakono.

⁴ Uste, soke chiro rado si te chere gala ezgode, ta amen ka pomozi tut. De tut zor, ta aide te radi.

⁵ Ondaka o Esdras ustilo pe porrne ta cherda te den po alav sa e gazda katar e popura ta katar e levitura ta sa e israelitura, ta jale sovel kai ka cheren so phende.

⁶ Mapalal o Esdras llelotar katar o cher e Devleko ta llelo kai e soba katar o Jojanan, chavo katar o Eliasib, ta kote sovto, a ni jala ta ni pila niso soke saia but tristome pala e llene kai sea phangle ta irisailea.

⁷ Mapalal phende te ikharen katar o Juda ta katar o Jerusalem sa e llenen kai biandile ande Babilonia, te chidiniaon ando Jerusalem.

⁸ Kogo ni avela ande trin llive, gia sar phende le e gazda ta e phure, ka len lendar sa so si len ta ka traden len katar o pero e llenengo kai sea phangle ta irisaile.

⁹ Goleke, sa e llene katar o Juda ta katar o Benjamin chidiniaile ando Jerusalem ando llive bis katar o chon inia, gua si ande trin llive. Saurre besle pe plasa katar o cher e Devleko, izdrana daratar pala goia ezgoda ta pala o bursin kai perela.

¹⁰ Ondaka o popo o Esdras ustilo pe porrne ta phenda lenge: Tumen cherden o bilachipe kana zinisailen e diskinienchar kai inai katar amare viche, ta golea cherden te avel mai bari e dos katar o Israel.

¹¹ Goleke, akana blagosin e Del katar tumare purane, phenen kai sen dosale ta cheren so phenel o Del. Durion katar gola llene kai ni pachan ando Del ta katar gola diskinie kai inai katar amare viche.

¹² Ta sa e llene phende bare avazea: Ea, ka chera so tu phene amenge.

¹³ A sar sam but llene ta o bursin ni achel, nasti acha kate avri sa e llene, ta gaia orba nasti lachardol ande iek o dui llive, soke sam but e llene kai cherdam gava bilachipe.

¹⁴ Avela mai sukar te achen kate amare gazda cheres amende, ta e llene kai zivin ande amere forura kai zinisaile e diskinienchar kai inai katar amare viche, te thova aver llive gale ezgodake ta te aven lenchar lenge phure ta e krisaria katar lengo foro lligo ni ka lelpe e bari joli e Devleki kai si pe amende pala gaia ezgoda.

¹⁵ Samo o Jonatan, chavo katar o Asael, ta o Jajazias, chavo katar o Tikva ni kamle te kanden gaia orba ta pomozisarde len o Mesulam ta o Sabetai kai saia levita.

¹⁶ A e llene kaisea phangle ta irisailea, cherde prema e orba kai die. Ta chenade e popo e Esdrase te e llenen kai sea gazda katar suako familia te pomozin le, ta sa e llenen ikharde len pe lengo anav ta besle te chinen e kris ando purvo llive katar o desto chon.

¹⁷ Ta ando purvo llive katar o purvo chon getosarde e kris katar e llene kai zinisaile e diskinienchar kai ni sea katar lenge viche.

¹⁸ E popura kai sea zinime e diskinienchar kai ni sea katar lenge viche, sea: Katar o porodo e Jesuaeko, chavo katar o Josadak, ta katar leki familia: O Maaseias, o Eliezer, o Jarib ta o Gedalias.

¹⁹ Ta die po alav kai ka traden pe diskinien, ta die e Devle iek bakro singenchar katar pi stoka pala po bilachipe.

²⁰ Katar o porodo e Emireko: O Janani ta o Zebadias.

²¹ Katar o porodo e Jarimeko: O Maaseias, o Elias, o Semaias, o Jejiel ta o Uzias.

²² Katar o porodo e Pasureko: O Elioenai, o Maasias, o Ismael, o Natanael, o Jozabad, ta o Elasa.

²³ Katar o porodo e levitengo: O Jozabad, o Simei, o Kelaias kai si Kelita, o Petajias, o Juda ta o Eliezer.

²⁴ Katar e llene kai llilaben: O Eliasib. Katar e llene kai arakhen e udara: O Salum, o Telem ta o Uri.

²⁵ Ogola israelitura kai sea isto ande goia orba sea: Katar o porodo e Paroseko: O Ramias, o Jezias, o Malkias, o Mijamin, o Eleazar, o Malkias ta o Benaias.

²⁶ Katar o porodo e Elameko: O Matanias, o Zakarias, o Jejiel, o Abdi, o Jeremot ta o Elias.

²⁷ Katar o porodo e Zatueko: O Elioenai, o Eliasib, o Matanias, o Jeremot, o Zabad ta o Aziza.

²⁸ Katar o porodo e Bebaieko: O Jojanan, o Jananias, o Zabai ta o Atlai.

²⁹ Katar o porodo e Banieko: O Mesulam, o Maluk, o Adaias, o Jasub, o Seal ta o Ramot.

³⁰ Katar o porodo katar o Pajat Moab: O Adna, o Kelal, o Benaia, o Maasias, o Matanias, o Bezalel, o Binui ta o Manases.

³¹ Katar o porodo e Jarimeko: O Eliezer, o Isias, o Malkias, o Semaias, o Simeon,

³² o Benjamin, o Maluk ta o Semarias.

³³ Katar o porodo e Jasumeko: O Matenai, o Matata, o Zabad, o Elifelet, o Jeremai, o Manases ta o Simei.

³⁴ Katar o porodo e Banieko: O Madai, o Amram, o Uel,

³⁵ o Benaia, o Bedias, o Keluu,

³⁶ o Vanias, o Meremot, o Eliasib,

³⁷ o Matanias, o Matenai, o Jaasai.

³⁸ O Bani, o Binui, o Simei,

³⁹ o Selemias, o Natan, o Adaias,

⁴⁰ o Maknadebai, o Sasai, o Sarai,

⁴¹ o Azareel, o Selemias, o Semarias,

⁴² o Salum, o Amarias ta o Jose.

⁴³ Katar o porodo e Neboeko: O Jejiel, o Matatias, o Zabad, o Zebina, o Jadau, o Joel ta o Benaias.

⁴⁴ Sa gala llene zinisailea diskinienchar kai ni sea katar lenge viche ta avila len minone.