Sálmos 150 - Dupade Uruode

¹ ¡Picotaque Opejã Pangarádejnai! ¡Acotáyo Dupade uté iji iguíjna cuchábi ajé pirosobádejnai! ¡Acotáyo uté iji charite ueradéjnai iji gatajnoquei ome úringai ujopíerãque cuchape uté!

² ¡Acotáyo uté ome imaningone cucha dacate datéo! ¡Acotáyo uté ome uté úringai cuchadaté uje érãtique úringai cuchadaté eruénique cuse!

³ ¡Acotáyo uté jeta abúchuyo uacabuchutígo; ga acotáyo uté jeta ajéyo uaquetígo árpa, jé aja jorane uaqueque cucha jocarãtácho!

⁴ ¡Acotáyo uté ome uaquetígo cucha angoñerácho uje cho pãracãranie agoyedie, jé aja jeta beyoi jobeyéode; ga acotáyo uté ome uaquetígo cucha carutácho, jé aja uacabuchutígo cucha uje jocarane cuse, uje udore i tu fláuta!

⁵ ¡Acotáyo uté ome uaquetígo guebeque jocarãtácho; acotáyo uté ome uaquetígo guebec jocarãtácho udore uje ore chudute udore jocarane jnese!

⁶ ¡Cucha ujñaritade jnese iji erámi, beyoi ga acotáyo Pangarádejnai uté! ¡Picotaque Opejã Pangarádejnai!