ܡܙܡܘܪܐ 4 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܠܪܝܫ ܓܘܕܐ ܕܙܡܪ̈ܐ: ܒܩܝܬܪ̈ܐ. ܡܙܡܘܪܐ ܕܕܘܝܕ.

¹ ܒܩܪܵܝܬ‌ܝܼ ܓ̰ܲܘܸܒ ܠܝܼ، ܝܵܐ ܐܲܠܵܗܵܐ ܕܙܲܕܝܼܩܘܼܬ‌ܝܼ، ܓܵܘ ܐܘܼܠܨܵܢܝܼ ܩܵܡ ܡܲܪܘܸܚܸܬ ܠܝܼ، ܪܲܚܸܡ ܥܲܠܝܼ ܘܫܡܹܥ ܠܨܠܘܿܬ‌ܝܼ.

² ܝܵܐ ܒܢܲܝ̈ܢܵܫܵܐ، ܗܲܠ ܐܝܼܡܲܢ ܡܲܕܸܪܝܼܬܘܿܢ ܐܝܼܩܵܪܝܼ ܠܢܟ݂ܝܼܦܬܵ‌ܐ؟ ܗܲܠ ܐܝܼܡܲܢ ܡܲܚܸܒܝܼܬܘܿܢ ܣܪܝܼܩܘܼܬܵ‌ܐ، ܘܛܵܥܹܝܬܘܿܢ ܒܵܬܪ ܕܘܼܓܠܵܐ؟ܣܹܠܵܗ

³ ܐܝܼܢܵܐ ܝܕܹܥܡܘܼܢ ܕܦܪܝܼܫ ܠܹܗ ܡܵܪܝܵܐ ܡܗܘܼܡܢܵܐ ܩܵܐ ܓܵܢܹܗ، ܡܵܪܝܵܐ ܒܸܬ ܫܵܡܹܥ ܒܩܪܵܝܬ‌ܝܼ ܐܸܠܹܗ.

⁴ ܪܓܘܿܕܘܼܢ ܒܙܕܘܼܥܬܵ‌ܐ ܘܠܵܐ ܚܵܛܹܝܬܘܿܢ، ܗܲܓܹܝܡܘܼܢ ܒܠܸܒܵܘܟ݂ܘܿܢ ܥܲܠ ܫܘܝܼܬܵܘܟ݂ܘܿܢ ܘܦܘܼܫܘܼܢ ܫܸܠܝܹܐ.ܣܹܠܵܗ

⁵ ܕܒ݂ܘܿܚܘܼܢ ܕܸܒ݂ܚܹ̈ܐ ܕܙܲܕܝܼܩܘܼܬܵ‌ܐ، ܘܣܒܘܿܪܘܼܢ ܒܡܵܪܝܵܐ.

⁶ ܪܵܒܵܐ ܝܢܵܐ ܐܵܡܪ̈ܵܢܹܐ: ”ܡܵܢܝܼ ܡܵܨܹܐ ܡܲܚܙܹܐ ܠܲܢ ܛܵܒ݂ܬܵ‌ܐ؟“ ܡܲܪܸܡ ܥܲܠܲܢ ܒܲܗܪܵܐ ܕܦܵܬܘܼܟ݂، ܝܵܐ ܡܵܪܝܵܐ.

⁷ ܕܪܹܐ ܠܘܼܟ݂ ܦܨܵܚܵܐ ܒܠܸܒܝܼ، ܒܘܼܫ ܙܵܘܕܵܐ ܡ̣ܢ ܙܲܒ݂ܢܵܐ ܕܦܸܪܝܘܼܬܵ‌ܐ ܕܕܲܚܠܵܝܗ‌ܝ ܘܚܲܡܪܵܝܗ‌ܝ.

⁸ ܒܫܠܵܡܵܐ ܒܸܬ ܕܵܡܟܹܢ ܐܘܼܦ ܒܸܬ ܛܵܠܥܹܢ، ܣܵܒܵܒ ܐܲܢ݇ܬ ܒܢܲܦ̮ܫܘܼܟ݂، ܝܵܐ ܡܵܪܝܵܐ، ܒܫܲܝܢܵܐ ܒܸܬ ܡܲܫܪܹܝܬ ܠܝܼ.