ܡܙܡܘܪܐ 3 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܙܡܘܪܐ ܕܕܘܝܕ، ܟܲܕ ܥܪܝܩ ܠܗ ܡ̣ܢ ܩܕܡ ܐܒ݂ܫܠܘܡ ܒܪܘܢܗ.

¹ ܝܵܐ ܡܵܪܝܵܐ، ܟܡܵܐ ܙܝܼܕܹܐ ܝܢܵܐ ܡܲܠܝܸܨܵܢܝܼ̈، ܪܵܒܵܐ ܝܢܵܐ ܩܵܝܡܵܢܹ̈ܐ ܕܥܲܠܝܼ،

² ܪܵܒܵܐ ܝܢܵܐ ܐܵܡܪ̈ܵܢܹܐ ܒܘܼܬ ܓܵܢܝܼ: ”ܠܲܝܬ ܠܹܗ ܦܘܼܨܵܝܵܐ ܒܐܲܠܵܗܵܐ.“ܣܹܠܵܗ

³ ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܡܵܛܵܠܵܐ ܝܘܸܬ ܠܚܵܕܸܪ̈ܘܵܢܝܼ، ܚܸܩܪܝܼ ܘܡܲܪܡܵܢܵܐ ܕܪܹܝܫܝܼ.

⁴ ܒܩܵܠܝܼ ܠܡܵܪܝܵܐ ܟܹܐ ܩܵܪܹܝܢ، ܘܟܹܐ ܓ̰ܲܘܸܒ ܠܝܼ ܡ̣ܢ ܛܘܼܪܵܐ ܕܩܘܼܕܫܹܗ.ܣܹܠܵܗ

⁵ ܐܵܢܵܐ ܟܹܐ ܕܵܡܟܹܢ ܘܛܵܠܥܹܢ، ܟܹܐ ܪܵܥܫܹܢ، ܣܵܒܵܒ ܡܵܪܝܵܐ ܟܹܐ ܣܵܢܹܕ ܠܝܼ.

⁶ ܠܹܐ ܙܵܕܥܹܢ ܡ̣ܢ ܪܸ̈ܒܘܵܬܹ‌ܐ ܕܥܲܡܡܹ̈ܐ، ܐܲܝܢܝܼ ܕܟܪܝܼܟ݂ ܠܗܘܿܢ ܠܕܲܠܩܘܼܒ݂ܠܝܼ ܡ̣ܢ ܟܠ ܓܹܒܵܐ.

⁷ ܩܘܼܡ، ܝܵܐ ܡܵܪܝܵܐ! ܦܲܪܸܩ ܠܝܼ، ܝܵܐ ܐܲܠܵܗ‌ܝܼ! ܣܵܒܵܒ ܡܸܚܝܵܝ ܝܘܸܬ ܟܠܵܝܗ‌ܝ ܕܸܫ̃ܡܸܢܝܼ̈ ܥܲܠ ܦܵܬܵܝܗ‌ܝ، ܟܹܟܹ̈ܐ ܕܒܝܼܫܹ̈ܐ ܬܒ݂ܝܼܪܵܝ ܝܘܸܬ.

⁸ ܕܡܵܪܝܵܐ ܝܠܹܗ ܦܘܼܨܵܝܵܐ، ܥܲܠ ܥܲܡܘܼܟ݂ ܝܼܠܵܗ̇ ܒܘܼܪܟܬܘܼܟ݂.ܣܹܠܵܗ