ܡܙܡܘܪܐ 148 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹ ܗܲܠܸܠܘܼܝܵܐ، ܫܲܒܚܘܼܢ ܠܡܵܪܝܵܐ ܡ̣ܢ ܫܡܲܝܵܐ، ܫܲܒܚܘܼܢ ܠܹܗ ܒܲܡܪ̈ܵܘܡܹܐ.

² ܫܲܒܚܘܼܢ ܠܹܗ، ܟܠܵܝܗ‌ܝ ܡܲܠܲܐܟ݂ܘܼ̈ܗ‌ܝ، ܫܲܒܚܘܼܢ ܠܹܗ، ܟܠܵܝܗ‌ܝ ܚܲܝܠܵܘܵܬܘܼ̈ܗ‌ܝ.

³ ܫܲܒܚܘܼܢ ܠܹܗ، ܫܸܡܫܵܐ ܘܣܲܗܪܵܐ، ܫܲܒܚܘܼܢ ܠܹܗ، ܟܠܵܝܗ‌ܝ ܟܵܘܟ݂ܒܹ̈ܐ ܕܒܲܗܪܵܐ.

⁴ ܫܲܒܚܘܼܢ ܠܹܗ، ܫܡܲܝ̈ ܫܡܲܝܹ̈ܐ، ܘܡ̈ܝܼܵܐ ܕܠܥܸܠܸܠ ܡ̣ܢ ܫܡܲܝܹ̈ܐ.

⁵ ܫܲܒܚܝܼ ܠܫܸܡܵܐ ܕܡܵܪܝܵܐ، ܣܵܒܵܒ ܗ̇ܘ ܦܩܝܼܕ ܠܹܗ ܘܦܝܼܫ ܠܗܘܿܢ ܒܸܪܝܹܐ.

⁶ ܘܫܘܼܬܐܸܣܵܝ ܠܹܗ ܠܥܵܠܲܡ ܥܵܠܡܝܼܢ، ܝܘܼܗܒܹܠ ܠܹܗ ܩܵܢܘܿܢܵܐ ܕܠܹܐ ܒܵܛܹܠ.

⁷ ܫܲܒܚܘܼܢ ܠܡܵܪܝܵܐ ܡ̣ܢ ܐܲܪܥܵܐ، ܬܲܢܝܼܢܹ̈ܐ ܘܟܠܵܝܗ‌ܝ ܬܗܘܿܡܹ̈ܐ.

⁸ ܢܘܼܪܵܐ ܘܒܲܪܕܵܐ، ܬܲܠܓܵܐ ܘܗܵܘܓܵܐ، ܦܵܘܚܵܐ ܕܥܲܠܥܵܠܵܐ ܥܵܒ݂ܕܵܢܵܐ ܕܚܲܒܪܹܗ.

⁹ ܛܘܼܪ̈ܵܢܹܐ ܘܟܠܵܝܗ‌ܝ ܪ̈ܘܼܡܝܵܬܹ‌ܐ، ܐܝܼܠܵܢܹ̈ܐ ܕܛܥܘܼܢܬܵ‌ܐ ܘܟܠܵܝܗ‌ܝ ܐܲܪ̈ܙܹܐ.

¹⁰ ܚܲܝܘܬܵ‌ܐ ܘܟܠ ܒܸܩܪܵܐ، ܪܸܓ̰ܒܵܐ ܘܛܲܝܪܵܐ ܡܵܪܹܐ ܓܘܼܠܦܵܐ.

¹¹ ܡܲܠܟܹ̈ܐ ܕܐܲܪܥܵܐ ܘܟܠܵܝܗ‌ܝ ܐܸܡܘܵܬܹ̈‌ܐ، ܓܘܼܪ̈ܵܢܹܐ ܘܟܠܵܝܗ‌ܝ ܕܲܝܵܢܹ̈ܐ ܕܐܲܪܥܵܐ.

¹² ܥܠܲܝܡܹ̈ܐ ܘܐܘܼܦ ܥܠܲܝܡܵܬܹ̈‌ܐ، ܣܵܒܹ̈ܐ ܥܲܡ ܝܵܠܹ̈ܕ݇ܐ ܙܥܘܿܪܹ̈ܐ.

¹³ ܫܲܒܚܝܼ ܠܫܸܡܵܐ ܕܡܵܪܝܵܐ، ܣܵܒܵܒ ܪܝܼܡܵܐ ܝܠܹܗ ܫܸܡܹܗ ܒܢܲܦ̮ܫܹܗ، ܚܸܩܪܹܗ ܥܲܠ ܐܲܪܥܵܐ ܘܫܡܲܝܵܐ.

¹⁴ ܘܡܘܼܪܸܡ ܠܹܗ ܚܲܝܠܵܐ ܕܥܲܡܹܗ، ܕܝܼܠܹܗ ܬܸܫܒܘܿܚܬܵ‌ܐ ܕܟܠܵܝܗ‌ܝ ܙܲܕܝܼܩܘܼ̈ܗ‌ܝ، ܕܒܢܲܝ̈ ܐܝܼܣܪܵܐܹܝܠ، ܥܲܡܵܐ ܕܩܘܼܪܒܵܐ ܐܸܠܹܗ. ܗܲܠܸܠܘܼܝܵܐ