ܡܙܡܘܪܐ 142 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܡܲܣܟܝܼܠ ܕܕܘܝܕ، ܐܝܡܢ ܕܝܗܘܐ ܓܘ ܓܦܝܬ‌ܐ. ܨܠܘܬ‌ܐ.

¹ ܒܩܵܠܝܼ ܠܡܵܪܝܵܐ ܟܹܐ ܡܲܩܘܸܚܸܢ، ܒܩܵܠܝܼ ܠܡܵܪܝܵܐ ܟܹܐ ܦܲܪܦܸܠܸܢ.

² ܟܹܐ ܫܲܦܟܸܢ ܩܲܕܡܘܼܗ‌ܝ ܩܒ݂ܵܠܬ‌ܝܼ. ܥܵܘܩܵܢܝܼ ܩܲܕܡܘܼܗ‌ܝ ܟܹܐ ܡܲܕܥܸܢ.

³ ܟܲܕ ܒܓܵܘܝܼ ܕܘܼܪܕܸܫ̃ ܠܵܗ̇ ܪܘܼܚܝܼ، ܐܲܢ݇ܬ ܟܹܐ ܝܵܕܥܹܬ ܠܹܗ ܫܒ݂ܝܼܠܝܼ، ܒܐܘܼܪܚܵܐ ܕܟܹܐ ܚܵܕܪܹܢ، ܛܘܼܫܹܐ ܠܗܘܿܢ ܢܸܫܒ݂ܵܐ ܐܸܠܝܼ.

⁴ ܚܘܼܪ ܠܝܲܡܝܼܢܵܐ، ܘܚܙܝܼ ܕܠܲܝܬ ܠܝܼ ܝܵܕܥܵܢܵܐ، ܛܠܝܼܩ ܠܵܗ̇ ܡܸܢܝܼ ܕܘܼܟܬܵ‌ܐ ܕܥܪܵܩܬܵ‌ܐ، ܠܲܝܬ ܒܲܩܪܵܢܵܐ ܒܘܼܬ ܓܵܢܝܼ.

⁵ ܡܘܼܩܘܸܚ ܠܝܼ ܠܟܸܣܠܘܼܟ݂، ܝܵܐ ܡܵܪܝܵܐ، ܐܡܝܼܪܝܼ: ܐܲܢ݇ܬ ܝܼܘܸܬ ܒܹܝܬ ܓܵܘܣܝܼ، ܣܵܗܡܝܼ ܒܐܲܪܥܵܐ ܕܚܲܝܹ̈ܐ.

⁶ ܨܘܼܬ ܠܓܥܵܝܬ‌ܝܼ ܒܗ̇ܝ ܕܦܝܼܫ ܠܝܼ ܡܘܼܟܸܦܵܐ ܪܵܒܵܐ، ܦܲܨܝܼ ܠܝܼ ܡ̣ܢ ܢܵܦܠܵܢܹ̈ܐ ܒܵܬܪܝܼ ܒܗ̇ܝ ܕܒܘܼܫ ܚܲܝܠܵܢܹ̈ܐ ܝܢܵܐ ܡܸܢܝܼ.

⁷ ܦܲܠܸܛ ܠܵܗ̇ ܓܵܢܝܼ ܡ̣ܢ ܒܹܝܬ ܚܒ݂ܘܼܫܝܵܐ ܕܫܲܟܪܸܢ ܠܫܸܡܘܼܟ݂، ܠܚܵܕܸܪ̈ܘܵܢܝܼ ܒܸܬ ܟܵܪܟ݂ܝܼ ܙܲܕܝܼܩܹ̈ܐ، ܒܗ̇ܝ ܕܒܦܸܪܝܘܼܬܵ‌ܐ ܒܸܬ ܦܵܪܥܹܬ ܠܝܼ.