ܡܙܡܘܪܐ 13 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 1 ܗܲܠ ܐܝܼܡܲܢ، ܝܵܐ ܡܵܪܝܵܐ؟ ܒܸܬ ܡܲܢܫܹܝܬ ܠܝܼ ܠܥܵܠܲܡ؟ ܗܲܠ ܐܝܼܡܲܢ ܒܸܬ ܛܲܫܹܝܬ ܦܵܬܘܼܟ݂ ܡܸܢܝܼ؟ 2 ܗܲܠ ܐܝܼܡܲܢ ܡܲܬܒܸܢ ܪܸܢܝܵܐ ܒܓܵܢܝܼ، ܚܲܫܵܐ ܒܠܸܒܝܼ ܟܠܹܗ ܝܵܘܡܵܐ؟ ܗܲܠ ܐܝܼܡܲܢ ܪܵܐܹܡ ܕܸܫ̃ܡܸܢܝܼ ܥܲܠܝܼ؟ 3 ܚܘܼܪ ܓ̰ܲܘܸܒ ܠܝܼ، ܝܵܐ ܡܵܪܝܵܐ ܐܲܠܵܗܝܼ، ܒܲܗܪܸܢ ܥܲܝܢܝܼ̈ ܕܠܵܐ ܛܵܡܪܹܢ ܒܫܸܢܬܵܐ ܕܡܵܘܬܵܐ؛ 4 ܕܠܵܐ ܐܵܡܹܪ ܕܸܫ̃ܡܸܢܝܼ: ”ܗܘܹܐ ܠܝܼ ܓ݂ܵܠܒܵܢܵܐ ܥܲܠܘܼܗܝ،“ ܘܡܲܠܝܸܨܵܢܝܼ̈ ܦܵܨܚܝܼ ܐܝܼܡܲܢ ܕܫܵܥܫܹܢ. 5 ܐܝܼܢܵܐ ܐܵܢܵܐ ܒܛܲܝܒܘܼܬܘܼܟ݂ ܣܒܝܼܪܝܼ، ܒܸܬ ܦܵܨܹܚ ܠܸܒܝܼ ܒܦܘܼܪܩܵܢܘܼܟ݂. 6 ܒܸܬ ܙܵܡܪܹܢ ܠܡܵܪܝܵܐ، ܒܗ̇ܝ ܕܒܦܸܪܝܘܼܬܵܐ ܩܵܡ ܦܵܪܹܥ ܠܝܼ. |
© 2014, Aramaic Bible Translation, Inc. All rights reserved.
Aramaic Bible Translation, Inc.