ܡܙܡܘܪܐ 11 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ.

¹ ܒܡܵܪܝܵܐ ܫܩܝܼܠ ܠܝܼ ܓܵܘܣܵܐ، ܕܐܲܝܟ݂ ܐܵܡܪܝܼܬܘܿܢ ܠܓܵܢܝܼ: ”ܥܪܘܿܩܝ ܠܛܘܼܪܵܟ݂ܝ ܐܲܝܟ݂ ܛܲܝܪܵܐ؟“

² ܒܗ̇ܝ ܕܗܵܐ، ܪ̈ܲܫܝܼܥܹܐ ܒܸܡܬܵܚܵܐ ܝܢܵܐ ܩܸܫܬܵ‌ܐ، ܗܘܼܕܸܪܗܘܿܢ ܓܹܐܪ̈ܵܝܗ‌ܝ ܥܲܠ ܡܸܠܬܵ‌ܐ، ܠܪܲܦܘܼܝܹܐ ܒܚܸܫܟܵܐ ܥܲܠ ܬܪ̈ܘܼܨܹܐ ܕܠܸܒܵܐ.

³ ܐܝܼܡܲܢ ܕܫܲܬܐܸܣܹ̈ܐ ܦܵܝܫܝܼ ܬܠܝܼܚܹܐ، ܡܘܼܕܝܼ ܥܵܒܹܕ ܙܲܕܝܼܩܵܐ؟

⁴ ܡܵܪܝܵܐ ܒܗܲܝܟܠܵܐ ܕܩܘܼܕܫܹܗ، ܡܵܪܝܵܐ ܒܫܡܲܝܵܐ ܟܘܼܪܣܝܹܗ، ܥܲܝܢܘܼ̈ܗ‌ܝ ܟܹܐ ܚܵܙܝܼ، ܛܸܠܦܵܦܘܼ̈ܗ‌ܝ ܟܹܐ ܒܵܚܪܝܼ ܠܒܢܲܝ̈ܢܵܫܵܐ.

⁵ ܡܵܪܝܵܐ ܟܹܐ ܒܵܚܹܪ ܠܙܲܕܝܼܩܵܐ، ܐܝܼܢܵܐ ܠܒܝܼܫܵܐ ܘܠܡܲܚܸܒܵܢܵܐ ܕܛܠܘܼܡܝܵܐ ܟܹܐ ܣܵܢܝܵܐ ܓܵܢܹܗ.

⁶ ܒܸܬ ܡܲܥܪܹܐ ܥܲܠ ܪ̈ܲܫܝܼܥܹܐ ܦܲܚܹ̈ܐ، ܢܘܼܪܵܐ، ܘܟܸܒܪܝܼܬ، ܘܦܵܘܚܵܐ ܚܲܡܝܼܡܵܐ؛ ܣܵܗܡܵܐ ܕܟܵܣܵܝܗ‌ܝ.

⁷ ܒܗ̇ܝ ܕܙܲܕܝܼܩܵܐ ܝܠܹܗ ܡܵܪܝܵܐ، ܟܹܐ ܡܲܚܸܒ ܙܲܕܝܼܩܘܼܬܵ‌ܐ، ܬܪ̈ܘܼܨܹܐ ܒܸܬ ܚܵܙܝܼ ܠܦܵܬܹܗ.