नहेमायाह 7 - पवित्तर बाइबिल

¹ इ तरह हम देवार बनावइ क काम पूरा कीन्ह। फुन हम देवार पइ दरवाजन लगाए। फुन हम दुआर क पहरेदारन, मन्दिर क गायकन अउ लेबियन क चुनेन।

² एकरे पाछे मइँ अपने भाई हनानी क यरूसलेम क हाकिम नियुक्त कइ दीन्ह। मइँ हनन्याह नाउँ क एक ठु अउर मनई क चुनेउँ अउर ओका किलेदार नियुक्त कइ दिहेउँ। मइँ हनानी क एह बरे चुने रहेउँ कि उ बहोत ईमानदार मनई रहा अउर उ परमेस्सर स आप लोगन स कहूँ जियादा डेरात रहा।

³ तब मइँ हनानी अउर हनन्याह स कहेउँ, “तोहका हर दिन यरूसलेम क दुआर खोलइ स पहिले घंटन सूरज चढ जाइ क पाछे तलक इंतजार करत रहइ चाही अउर सूरज छुपइ स पहिले ही तोहका दरवाजन बन्द कइके ओन पइ ताला लगाइ देइ चाही। यरूसलेम मँ रहइवाले लोगन मँ स तोहका कछू अउर लोग चुनइ चाही अउर ओनका नगर क रच्छा करइ बरे बिसेस जगहन पइ नियुक्त करा अउर कछू लोगन क ओनके घरन क लगे ही पहरे पइ लगाइ द्या।”

लउटे भए बन्दियन क सूची

⁴ अब लखा, उ एक बहोत बडा नगर रहा जहाँ पर्याप्त जगह रही। किन्तु ओनमाँ लोग बहोत कम रहेन अउर मकान अबहिं तलक फुन स नाहीं बनाए गए रहेन।

⁵ एह बरे मोर परमेस्सर मोरे मन मँ एक बात पइदा किहस कि मइँ सबहि लोगन क एक सभा बुलाएउँ तउ मइँ सबहि महत्त्वपूर्ण लोगन क, हाकिमन क अउर सर्वसाधारण क एक संग बोलाएउँ। मइँ इ काम एह बरे किहेउँ कि मइँ ओन सबहि परिवारन क एक सूची तइयार कइ सकउँ। मोका अइसे लोगन क पारिवारिक सूचियन मिली जउन दासता स सब स पहिले छूटइवालन मँ स रहेन। हुवा जउन लिखा भवा मोका मिला, उ इ तरह अहइ।

⁶ इ सबइ पहँटा क उ सबइ लोग अहइँ जउन दासत्व स अजाद होइके लउटेन बाबेल क राजा, नबूकदनेस्सर एन लोगन क बन्दी बनाइके लइ गवा रहा। इ सबइ लोग यरूसलेम अउ यहूदा क लउटेन। हर मनई अपने-अपने नगर मँ चला गवा।

⁷ इ सबइ लोग जरुब्बाबेल, येसू, नहेमायाह, अजर्याह, राम्याह, नहमानी, मोर्दकै, बिलसान, मिस्पेरेत, बिग्वै, नहूम अउर बाना क संग लउटे रहेन।

⁸ प्रोस क संतान 2,172

⁹ सपत्याह क संतान 372

¹⁰ आरह क संतान 652

¹¹ पहत्मोआब क संतान (येसू अउर योआब क परिवार क संतानन) 2,818

¹² एलाम क संतान 1,254

¹³ जत्तू क संतान 845

¹⁴ जक्कै क संतान 760

¹⁵ बिन्नूई क संतान 648

¹⁶ बेबै क संतान 628

¹⁷ अजगाद क संतानन 2,322

¹⁸ अदोनीकाम क संतान 667

¹⁹ बिग्वै क संतान 2,067

²⁰ आदीन क संतान 655

²¹ आतेर क संतान (हिजीकयाह क परिवार स) 98

²² हासम क संतान 328

²³ बेसै क संतान 324

²⁴ हारीप क संतान 112

²⁵ गिबोन क संतान 95

²⁶ बेतलेहेम अउर नतोपा नगरन क लोग 188

²⁷ अतानोत नगर क लोग 128

²⁸ बेतजमावत नगर क लोग 42

²⁹ किर्यत्यारीम, कपीर तथा बेरोत नगरन क लोग 743

³⁰ रामा अउर गेबा नगरन क लोग 621

³¹ मिकपास नगर क लोग 122

³² बेतेल अउर ऐ नगर क लोग 123

³³ नबो नाउँ क दूसर नगर क लोग 52

³⁴ एलाम नाउँ क दूसर नगर क लोग 1,254

³⁵ हरीम नाउँ क नगर क लोग 320

³⁶ यरीहो नगर क लोग 345

³⁷ लोद, हादीद अउर ओनो नाउँ क नगरन क लोग 721

³⁸ सना नाउँ क नगर क लोग 3,930

³⁹ याजकन क सूची यदायाह क संतान (येसू क परिवार स) 973

⁴⁰ इम्मेर क संतान 1,052

⁴¹ पसहूर क संतान 1,247

⁴² हारीम क संतान 1,017

⁴³ लेवी परिवार समूह क लोगन क सूची: येसू क संतान (कदमीएल क जरिये होदवा क परिवार स) 74

⁴⁴ गायकन क सूची: आसाप क संतान 148

⁴⁵ दुआरपालन क सूची: सल्लूम, आतेर, तल्मोन, अक्कूब, हतीता अउर सोबै क संतान 138

⁴⁶ मन्दिर क सेवकन क सूची: सीहा, हसूपा अउर तब्बाओत क संतानन,

⁴⁷ केरोस, सीआ अउर पादोन क संतानन,

⁴⁸ लबाना, हगाबा अउर सल्मै क संतान,

⁴⁹ हानान, गिद्देल, गहर क संतान

⁵⁰ राया, रसीन अउर नकोदा क संतानन,

⁵¹ गज्जाम, उज्जा, अउर पासेह क संतान

⁵² बेसै, मूनीम, नपूसस क संतान,

⁵³ बकबूक, हकूपा, हर्हूर क संतान,

⁵⁴ बसलीत, महीदा अउर हर्सा क संतानन,

⁵⁵ बर्कोस, सीसरा अउर तेमेह क संतानन,

⁵⁶ नसीह अउर हतीपा क संतान।

⁵⁷ सुलैमान क सेवकन क संतान: सोतै, सोपेरेत अउर परीदा क संतान

⁵⁸ याला दर्कोन अउर गिद्दोल क संतान,

⁵⁹ सपत्याह, हत्तील, पोकेरेत-हैस्सबायीम अउर आमोन क संतानन,

⁶⁰ मन्दिर क सबहि सेवक अउ सुलैमान क सेवकन क संतान रहिन। 392

⁶¹ इ ओन लोगन क सूची अहइ जउन तेलमेलह, तेलहर्सा, करूब अद्दोन अउर इम्मेर नाउँ क नगरन स यरूसलेम आए रहेन। मुला इ सबइ लोग साबित नाहीं कइ सकेन कि ओनकर परिवार असल मँ इस्राएल क लोगन स सम्बन्धित रहेन:

⁶² दलायाह, तोबियाह अउ नेकोदा क संतानन 642

⁶³ इ ओन याजकन क सूची अहइ जउन होबायाह, हवकोस अउ बर्जिल्लै (जउन कउनो भी मनई गिलाद क बर्जिल्लै क बिटियन स बियाह किहा ओका बर्जिल्लै कहा जात रहा) क सन्तानन रहेन।

⁶⁴ जउन लोग अपने परिवारन क ऐतिहासिक दस्तावेजन क हेरेन अउर उ पचे ओनका पाइ नाहीं सकेन, ओनकर नाउँ याजकन क सूची मँ नाहीं जोरा जाइ सका। उ पचे असफल रहेन एह बरे याजक नाहीं बन सकत रहेन।

⁶⁵ तउ राज्जपाल ओनका एक आदेस दिहस जेकरे तहत उ पचे कउनो भी बहोत पवित्तर भोजन क नाहीं खाइ सकत रहेन। उ भोजन मँ स उ पचे उ समइ तलक कछू भी नाहीं खाइ सकत रहेन जब तलक महायाजक ऊरीम अउर तुम्मीम क उपयोग न कइ लेत रहेन।

^66-67 उ समूचे समूह मँ लोगन क गनती 42,360 रही अउर ओनके लगे 7,337 दास अउर दासियन रहिन जउन गनती मँ नाहीं लीन्ह गवा रहेन, ओनके पास 245 गायक अउर गायिकन रहिन।

^68-69 ओनके लगे 736 घोड़न अउर 245 खच्चर, अउर 435 ऊँट अउर 6,720 गदहन रहेन।

⁷⁰ परिवार क कछू नेता लोगन उ कामे क सहारा देइ बरे धन दिहे रहेन। राज्जपाल क जरिये निर्माण कोस मँ 19 पौण्ड सोना दीन्ह गवा रहा। उ याजकन क बरे 50 खोरन अउ 530 जोड़ी ओढ़नन भी दिहे रहेन।

⁷¹ परिवार क मुखिया लोग 375 पौण्ड सोना उ काम क सहारा देइ क बरे निर्माण कोस मँ दिहन अउर 1 1/3 टन चाँदी ओनके जरिये भी दीन्ह गइ।

⁷² दूसर लोग कुल मिलाइके 375 पौण्ड सोना उ काम क सहारा देइ बरे निर्माण कोस क दिहन। उ पचे 1 1/3 टन चाँदी अउर याजकन क बरे 67 जोड़े ओढ़नन भी दिहन।

⁷³ इ तरह याजक लेवी परिवार समूह क लोग, गायक अउर मन्दिर क सेवक अपने-अपने नगरन मँ बस गएन अउर इस्राएल क दूसर लोग भी अपने-अपने नगरन मँ रहइ लागेन अउर फुन साल क सतएँ महीने तलक इस्राएल क सबहि लोग अपने-अपने नगरन मँ बस गएन।